Jn 17:6 - Meta’

⁶ “Mə fə ghɨ̀ ni bə̂d mbe nɨ à nyaʼa chɨ rɨŋga ɨsɨg nàʼ ɨ num kyerɨ əwe. À yɨə nyaʼa mbe bə̂d, əne à nyaʼa fə nàʼ mɨ̀mə̌d ɨ num. Mbɨ fə ghɨ̀ ənû ze nɨ à nyaʼa ghǎ əmbɨ mɨ̀mə̌d.

Ikan feg

⁶ Yeso ya bə̀ chè imbìghè ni ghà abə Ŋwiye gha, “Bəd mbe ne àghò ya chi inga isəg nàʼ inum, mə fə ghì mbi kyeri awe. À ya ìmbe bəd ne àghò ya nàʼi awɔb inum. Mbɔb fə bə̀ zùgri ìwe ìngam.

Jn 17:6 교차 참조

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 12:28

Mɨ Mbǎʼ, ghɨ ni bə̂d wumnɨ əwe!” Ənɨ wɨ̀ nyaʼa ghà əne, gɨ̂ mɔʼɔ nyaʼa ghàm rɨkaŋ ghà ni, “Mə fə ghɨ̀ ni bə̂d wumnɨ əmɨ. Mə bɨrɨ wɨrɨ ghɨ əne ɨghəm cherə.”

Jn 15:19

À kɨ nɨ mbə̀ nyaʼə bə̂d rɨŋga ɨsɨg, njɨ ɨsɨg nyaʼa ghaʼ əwən ɨchî nɨ wɨ̀ ghaʼ mbi bə̂d. Àyɨə mə nyaʼa chɔʼ əwən rɨŋga ɨsɨg ɨmbə̀ʼ ɨghəm nɨ ka mbə̀ yɨ ə bə̂d rɨŋga ɨsɨg. Əzɔ̂ yɨ əton nɨ ɨsɨg ə bàn əwən.

Jn 15:3

Ɨŋgam we nɨ mə fə gha ɨ nən fə ghɨ̀ mbə zeŋ.

Jn 15:7

Mbə mɨ chub ənɨ ənû ə mɔʼ mbɨ num, mɨ ɨŋgam bə̀ chub ɨŋga nən, mbə bɨrɨ biirɨ ənû ə mɔʼɔ ze nɨ mbə̀ kəbɨ, əne mɨ Mbǎʼ bɨrɨ ghɨ ənû ze ɨ nən.

Jn 17:12

Ənɨ mə nyaʼa mbɨ mɨ̀mə̌d, mə wɨə nyaʼə nəŋgɨ mɨ̀mə̌d ni tɨ əghɨ ə mɔʼɔ ə ghɨ i mɨ̀mə̌d. Mə wɨə nyaʼə ghɨ̀ əne ənɨ ɨka we nɨ nyaʼa yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Mə wɨə nyaʼə nəŋgɨ mɨ̀mə̌d, əne chəi wɨ mɔʼɔ rəbɔʼ mɨ̀mə̌d nyaʼa nimɨ kɨrɨ ənɨ we nɨ nyaʼa berɨ nim. Wɨ̀ nyaʼa nim ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ.

Jn 17:14

Mə fə gha e ɨŋgam əmbɨ mɨ̀mə̌d. Ɨsɨg wɨə bàn mɨ̀mə̌d ɨmbə̀ʼ ɨghəm ni ka mbɨ yɨ ə bə̂d rɨŋga ɨsɨg, ɨchî nɨ ka mɔ̌ yɨ bə̀ əmɨ wə̀d rɨŋga ɨsɨg.

Jn 17:16

Ka mbɨ yɨ ə bə̂d rɨŋga ɨsɨg, ɨchî nɨ ka mɔ̌ yɨ bə̀ əmɨ wə̀d rɨŋga ɨsɨg.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

Jn 17:26

Mə nyaʼa ghɨ̀ ni mbɨ kyerɨ əwe. Mə bɨrɨ kɨrɨ wo ɨmbì ghɨ̀ ni mbɨ jeŋgɨ kyerɨ əwe, ɨmbə̀ʼ ɨchî nɨ à ghaʼ əmɨ bə yeʼ əkaʼ mɨ̀mə̌d, fɔrɨ ni mɔ̌ bə̂ mə̀ bə̀ yeʼ əkaʼ mɨ̀mə̌d.”

Jn 17:7

Tɨ̀nîn mbɨ fə kyerɨ ni à yɨ àwɔ̀ nyaʼa naʼ ɨghɨjìm ɨ num.

Jn 18:9

Wɨ̀ nyaʼa ghà əne ɨmbə̀ʼ ɨŋgam we nɨ wɨ̀ nyaʼa be ghà wɨ jwɨ ənɨ rəsìʼ ni, “Mɨ Mbǎʼ, chəi mə nimnɨ wə̀d mɔʼɔ rəbɔʼ mbe nɨ à nyaʼa naʼ ɨ num.”

Jn 6:37

Bə̂d mɨjìm mbe nɨ mɨ Mbǎʼ naʼ ɨ num bɨrɨ yeʼe əsɨ num. Əne chəi mə̀ bɨrɨ nɔ fid wə̀d mɔʼɔ we nɨ yeʼe əsɨ num,

Jn 6:39

Ənû ze nɨ wə̀d we nɨ nyaʼa tom əmɨ kəbɨ yɨ ni tɨ mə̀ nimnɨ əmɨ wə̀d mɔʼɔ rəbɔʼ bə̂d mɨjìm mbe nɨ wɨ̀ naʼ ɨ num. Wɨ̀ kəb yeʼ ni mə̀ zwemnɨ mɨ̀mə̌d əni ze nɨ sɨ nwìə̀.

Jn 8:51

Mə ghà rəsìʼ ɨ nən ni, wə̀d mɔʼɔ mɨ yeʼə ghɨ̀ ɨnû mbe nɨ mɨə ghàə̀, njɨ ka wɨ̀ bɨrɨ nɔ kwɨ i.”

Jn 8:52

Bə̂d mbe nyaʼa ghà ɨ bɔ ni, “Tɨ̀ fə kàŋ kyerɨ tɨ̀nîn ni əzwî rɨbɔ̀ŋ ə zɨ ɨŋga ne. Abràham nyaʼa kwɨ, bə̂d ɨ̀kə̀n Ŋwiə̀ nyaʼa bə̀ kwɨ, àyɨə à wɨə ghàə̀ ni, ka wə̀d we nɨə ghɨ̀ ɨnû mbe nɨ àwɔ̀ ə ghàə̀ bɨrɨ nɔ kwɨ i.

Ɨ̀fàʼì 13:48

Ənɨ bə̂d mbe nɨ kaʼi mɨ̀Jû nyaʼa zu ənû zɔ̂, mbɨ nyaʼa ghaʼ əne yiirɨ ə Ŋwiə̀ ɨmbə̀ʼ ɨŋgam məd we nɨ wɨ̀ ghamɨ dè əwən. Bə̂d mɨjìm mbe nɨ Ŋwìə̀ nyaʼa fə chɔʼɔ ni mbɨ bɨrɨ jɨg ɨ̀tènɨ̀ rɨ mì nyaʼa ben ənû ze nɨ mbɨ nyaʼə ghà ɨmbə̀ʼ ə Kristo.

Rm 11:2

Chəi Ŋwìə̀ kɨrɨ ton mbi bə̂d mbe nɨ wɨ̀ nyaʼa be chɔʼ. Chəi mbə̀ kyerɨ ənû ze nɨ Ə̀ŋwàʼnɨ̀ ə Ŋwiə̀ ə gha ɨmbə̀ʼ Èlaijà, ɨchî nɨ wɨ̀ nyaʼa gha əmbɨ ə Ŋwiə̀ ɨmbə̀ʼ ənû ze nɨ mɨ̀Izre nyaʼa ghɨ̀ ə?

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

Kòlosè 3:16

Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.

2 Timotì 1:13

Yim ɨŋgam rəsìʼ we nɨ mə̀ gha ɨ ne ɨghabɨ ənweenɨ nɨ à bɨrɨ beenɨ əbɔʼ. Yim ɨbenɨ we nɨ à berɨ bə̀ ghaʼ bə̂d. Ghɨ əne ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

Mə̀Hibrù 2:12

Wɨ̀ nyaʼa ghà ni, “Mə bɨrɨ saʼ ɨnû ɨmbə̀ʼ əwe əmbɨ mbɨ bɔŋgɔb. Mə bɨrɨ yiirɨ əwe ɨŋga ɨfetɨ mɨ̀mə̌d.”

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

1 Pità 1:1

À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Ɨnû 2:13

Mə kyerɨ əsɨ ze nɨ àwɔ̀ ə chub əŋgu, əne yɨ əsɨ ze nɨ ətən ɨfɔ̀n ə Satàn ə yeʼ əŋgu. Yim mɨ ɨkum wɨ wò ɨmbì. Chəi à nyaʼa sob nɨ nuŋ fîŋ ɨgwɨ num, ka àbei ənɨ ə nyùmə̀ Antipàs we nɨ nyaʼə ghà ɨnû ɨmbə̀ʼ əmɨ ənɨ i fîŋ jìm. Mbɨ nyaʼa zwiirɨ əməd əkaʼ nən əsɨ ze nɨ Satàn ə chubə.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.

Ɨnû 3:8

Mə kyerɨ ɨnû mbe nɨ àwɔ̀ ə ghɨ̀ə̀. Zə, mə fə fìʼ ɨchû nəb ɨ ne nɨ chəi wə̀d nɨ tɨ̀ wɨ̀ wùb. Mə kyerɨ ni e ɨka ə kə, àyɨə à fə ghɨ̀ ɨnû mbe nɨ mə̀ nyaʼa gha ɨ ne. Mə bə̀ kyerɨ ni chəi à ton əmɨ.