Jn 17:23 - Meta’

²³ mə yeʼ ənɨ ənû ə mɔʼ mbɨ mɨ̀mə̌d, àwɔ̀ bə yeʼ ənɨ ənû ə mɔʼ mbɨ num, ɨmbə̀ʼ mɨ̀mə̌d mɨjìm bə yeʼ ənɨ ənû ə mɔʼ. Mbɨ mɨ ghɨ əne, ɨsɨg we tɨ̀ wɨ kyerɨ ni à yɨ àwɔ̀ nyaʼa tom əmɨ fɔrɨ ni à ghaʼ mɨ̀mə̌d ɨchî nɨ à ghaʼ əmɨ.

Ikan feg

²³ Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 17:23 교차 참조

Jn 10:38

Mə mɨ yeʼə ghɨ̀ ɨnû mbe, ka à be yeʼi ni chəi mbə̀ ben ənû mbe nɨ mɨə ghàə̀, àyɨə mbə ben ɨmbə̀ʼ mbə ɨtu zeŋ ni mɨ Mbǎʼ wɨ ənɨ ənû ə mɔʼ mbɨ num fɔrɨ ni mə wɨ ənɨ ənû ə mɔʼ mbɨ mɨ Mbǎʼ.”

Jn 13:35

Mbə mɨ ghaʼ mbə bɔŋgɔb, njɨ bə̂d mɨjìm bɨrɨ kyerɨ ni mbə̀ yɨ mbɨ mə̀mə̀ə̀nɨ̀-ɨnû.”

Jn 14:10

Chəi à ben ni mə wɨ ənɨ ənû ə mɔʼ mbɨ ə Mbǎʼ fɔrɨ ni Mbǎʼ wɨ ənɨ ənû ə mɔʼ mbɨ num ə? Ɨŋgam we nɨ mə̀ gha ɨ nən, chəi mə̀ ghà əmɨ ənɨ mɨ ɨghəm. À yɨə Mbǎʼ we nɨ yeʼ ənɨ ənû ə mɔʼ mbɨ num we ə ghɨ̀ ɨnû mbe nɨ wɨ̀ kəbɨ.

Jn 14:23

Yeso nyaʼa wììrɨ̀ ɨ bɔ ni, “Wə̀d mɔʼɔ mɨ ghaʼ əmɨ, wɨ̀ bɨrɨ zu mɨ ɨŋgam bə̀ nùŋ. Mɨ Mbǎʼ bɨrɨ ghaʼ əməd, əne mɔ̌ mbɨ mɨ Mbǎʼ bɨrɨ wo əsɨ məd pè chubɨ mbɨ məd.

Jn 15:9

Mə ghaʼ əwən ɨchî nɨ mɨ Mbǎʼ ghaʼ əmɨ, əne mbə̀ chub ənɨ ənû ə mɔʼ mbɨ num ɨmbə̀ʼ mə ghaʼ əwən.

Jn 16:27

ɨmbə̀ʼ ɨghəm nɨ Mbǎʼ ziə ə ghaʼ əwən. Wɨ̀ ghaʼ əwən ɨmbə̀ʼ ɨghəm nɨ mbə̀ ghaʼ əmɨ bə̀ ben ni à yɨə məd nyaʼa tom əmɨ.

Jn 17:11

Tɨ̀nîn mə wɨə sàŋ ɨsɨg sɨə yeʼe əsɨ ne. Àyɨə mɨ̀mə̌d mbɨə kɨrɨ ɨŋga ɨsɨg. Mɨ Mbǎʼ nɨ Zeŋɨ màànɨ̀, nəŋgɨ mɨ̀mə̌d ənɨ ɨka we nɨ yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Nəŋgɨ mɨ̀mə̌d ɨmbə̀ʼ mbɨ yeʼ ənɨ ənû ə mɔʼ, ɨchî nɨ mɔ̌ mbɨ ne tɨ̀ bə̀ yeʼ ənɨ ənû ə mɔʼ.

Jn 17:21

Mə wɨə kɔ̀ŋgɨ̀ əwe ni mɨ̀mə̌d mɨjìm yeʼ ənɨ ənû ə mɔʼ. Mɨ Mbǎʼ, mə kə̀b mbɨ yeʼ ənɨ ənû ə mɔʼ mbɨ na ɨchî ɨ ni à yeʼ ənɨ ənû ə mɔʼ mbɨ num, mə bə̀ yeʼ ənɨ ənû ə mɔʼ mbɨ ne. Zɨə yeʼ əne ɨmbə̀ʼ ɨsɨg we tɨ̀ wɨ ben ni à yɨ àwɔ̀ nyaʼa tom əmɨ.

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

Jn 17:26

Mə nyaʼa ghɨ̀ ni mbɨ kyerɨ əwe. Mə bɨrɨ kɨrɨ wo ɨmbì ghɨ̀ ni mbɨ jeŋgɨ kyerɨ əwe, ɨmbə̀ʼ ɨchî nɨ à ghaʼ əmɨ bə yeʼ əkaʼ mɨ̀mə̌d, fɔrɨ ni mɔ̌ bə̂ mə̀ bə̀ yeʼ əkaʼ mɨ̀mə̌d.”

Jn 17:3

Ɨ̀tènɨ̀ rɨ mì yɨ ni bə̂d kyerɨ əwe, àwɔ̀ we nɨ yeʼ mei we mɔʼ nɨ yeʼ Ŋwìə̀ rəsìʼ. Ɨ̀tènɨ̀ rɨ mì yɨə bə ni bə̂d kyerɨ ə Yeso Kristo we nɨ à nyaʼa tomɨ.

Jn 17:8

Mə fə ghà ɨkə̂n we nɨ à nyaʼa ghà ɨ num ni mə̀ gha əmbɨ mɨ̀mə̌d. Mbɨ fə zu bə̀ kyerɨ ənɨ rəsìʼ ni à yɨ àwɔ̀ nyaʼa tom əmɨ. Mbɨ fə bə̀ ben ni à yɨ àwɔ̀ nyaʼa tom əmɨ.

Jn 3:17

Ŋwìə̀ nyaʼa tom i Wan ɨŋga ɨsɨg, kaʼi ni wɨ̀ zɨ ɨsaʼi ɨgwɨ ə bə̂d rɨŋga ɨsɨg, àyɨə ni bə̂d rɨŋga ɨsɨg mbe tɨ̀ mbɨ chè ənjìm məd jwɨ̀ rəŋgəʼ.

Jn 6:56

Wə̀d jìm we nɨ kud mɨ nyamnyod bə̀ nɔ mɨ ənəm wɨ ənɨ ənû ə mɔʼ mbɨ num, mə wɨə bə̀ ənɨ ənû ə mɔʼ mbɨ məd.

1 Kɔrèn 1:30

À yɨə Ŋwìə̀ nyaʼa ghɨ̌ ni mbə̀ yeʼ ənɨ ɨfɔtɨ mbɨ Kristo Yeso. Məd yɨ we nɨ Ŋwìə̀ ghɨ ni tɨ̀ che ənjìm məd berɨ ɨwe. Wɨ̀ fə ghɨ̀ ni tɨ̀ təm kùʼnɨ̀. Wɨ̀ fə zeŋnɨ əwa bə̀ choʼ mba ɨtu.

2 Kɔrèn 5:21

Ŋwiə̀ nyaʼa ghɨ̀ ni Kristo yeʼ wə̀d ɨnû rɨbɔ̀ŋ nɨ chə nyaʼa i ənû rɨbɔ̀ŋ ɨgwɨ məd, ɨmbə̀ʼ ənɨ ɨfɔtɨ mbɨ məd, tɨ̀ we tɨ̀ rɨ təm kùʼnɨ̀ ɨfě Ŋwiə̀.

Gàlesìyà 3:28

Əne chə wɨrɨ i Jû kɨ̀ wə̀d nɨ kaʼi Jû, chə wɨrɨ i ə̀bòʼò kɨ̀ wə̀d nɨ yeʼ ənɨ i ɨghəm, chə wɨrɨ i mbaŋə̀ kɨ əyi, ɨmbə̀ʼ ɨghəm nɨ mbə̀n mɨ̀jìm fə sɨə wə̀d mɔʼ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Fìlipì 3:15

Mba mɨjìm mbe nɨ yeʼ bə̂d Kristo nɨ fə kaanɨ berɨ nuŋ ta rɨkɔndɨ ənɨ wɨ mɔʼ ɨmbə̀ʼ ɨnû mbɔ̂. Àyɨə mbə mɨ berɨ tɨkɔndɨ cherə, Ŋwìə̀ bɨrɨ ghɨ ni zɨə zeŋ ɨ nən.

Kòlosè 1:28

Tɨ̀ wɨə ghà ənû ɨmbə̀ʼ ə Kristo əmbɨ ə wə̀d jìm. Tɨ̀ wɨə nɨŋ ɨwe we nɨ Ŋwìə̀ naʼ ɨ na patɨə mɨ̀mə̌d bə̀ chwi ɨnû əmbɨ wə̀d jìm, ɨmbə̀ʼ tɨ nɨŋ wə̀d jìm we nɨ fə kwi kàànɨ ɨchî nɨ wɨ̀ yeʼ ənɨ ɨfɔtɨ mbɨ Kristo wò ɨfě Ŋwiə̀.

Kòlosè 2:2

Əton yɨ ni mə wɨə kəb nəərɨ fîŋ tɨ mɨ̀mə̌d ni mbɨ ghaʼ mbə bɔŋgɔb əne chub ənɨ ənû mɔʼ, ɨmbə̀ʼ mbɨ berɨ mbɔ̂n ze nɨ bɨrɨ ghɨ ni mbɨ berɨ ɨwe bə̀ jeŋgɨ kyerɨ ɨnû mbe nɨ yeʼ ənə̀mə ɨmbə̀ʼ ə Ŋwiə̀. Ɨnû mbe nɨ yeʼ ənə̀mə yɨə Kristo ziə.

Kòlosè 3:14

Ɨgwɨ ɨnû mbɔ̂ jìm yɨ ɨghaʼi. Ɨghaʼi yɨ əghɨ nɨə korə bə̂d mɨjìm ni mbɨ yeʼ ənɨ mbɨ mɔʼ.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

1 Jɔn 1:3

Ɨnû mbe nɨ tɨ̀ nyaʼa zə bə̀ zu yɨ mbɔ̂ tɨə ghà ɨ nən. Əne yɨ ɨmbə̀ʼ mbə̀ fɔtɨ mbɨ na ənɨ ɨfɔtɨ we nɨ tɨ̀ berɨ mbɨ Mbǎʼ bə̀ berɨ mbɨ Wan məd Yeso Kristo.

1 Jɔn 3:1

Mbə̀ zə ɨchî nɨ Mbǎʼ ghaʼ əwa chè əbɔ. Əze ə fə ghɨ̀ wɨ̀ tɔŋ əwa ni tɨ̀ yɨ mbi bɔn. Tɨ̀ yɨə kàŋ mbɨwən. Əton nɨ chəi ɨsɨg kyerɨ əwa yɨ ni chəi wɨ̀ nyaʼa be kyerɨ əməd.

1 Jɔn 4:19

Tɨ̀ wɨə ghaʼə Ŋwiə̀ ɨmbə̀ʼ ɨghəm nɨ məd ziə nyaʼa bè ghaʼ əwa.

Ɨnû 3:9

Zə, mə bɨrɨ ghɨ ni bə̂d mɨghab mbe nɨ yeʼ ɨŋga ɨfetɨ bə̂d Satàn yeʼe gundɨ ə si ənɨ e ɨfě, əne ben ni mə ghaʼ əwe. Mɨ̀mə̌d mbɨə ghàə̀ ni mbɨ yɨə mɨ̀Jû, àyɨə ka mbɨ yɨə mbɨwən.