Jn 17:1 - Meta’

¹ Ənɨ Yeso nyaʼa fə gha ɨnû mbɔ̂, wɨ̀ nyaʼa nèŋ ɨkaŋ ghà ni, “Mɨ Mbǎʼ, nyùmə̀ fə kuʼi. Wumnɨ e Wan, ɨmbə̀ʼ e Wan bə̀ wumnɨ əwe.

Ikan feg

¹ Anyumə̀ ne Yeso ya màni ni ghà inug mbo̰, wì ya nɔ̀rì atog ikaŋ chàʼra Ŋwiye gha: “Ìmə Mbaʼ, nyùmə̀ fə kòʼ, ghumni ìwe Ŋwan imbə̀ʼ ìwe Ŋwan bə si ghùmni awe.

Jn 17:1 교차 참조

Mk 14:41

Wɨ̀ nyaʼa bə̀ yì wò ənɨ ɨghəm nɨ pe tad, pè ghà əmbɨ mɨ̀mə̌d ni, “Mbə̀ kɨə kɨrɨ gwenə bə̀ zwììrɨ̀ əwən ə? Zɨə kuʼ əne. Nyùmə̀ fə kùʼ i. Mbɨ fə fèn Wan Wə̀d əmbɨ ə bə̂d nɨə ghɨ ɨnû rɨbɔ̀ŋ.

Lk 18:13

“Àyɨə əfetɨ mɨ̀tagsɨ̀ we nyaʼa təm əsa əgha. Chəi wɨ̀ nyaʼa be nɔ̀ɔ̀rɨ̀ e ətu ɨkaŋ, àyɨə wɨ̀ nyaʼa nuŋ mbi ɨbɔ ɨgun i fîŋ ghà ni, 'Ŋwìə̀, kən ənɨ ə num. Mə yɨə wə̀d ɨnû rɨbɔ̀ŋ!'

Lk 22:53

Mə wɨə nyaʼa mbɨ nən ɨni jìm ɨŋga mbàn Ŋwìə̀. Chəi mbə nyaʼa gywɨ əmɨ. Àyɨə ə nyùmə̀ fə kuʼi, nɨ wə̀d we nɨə tùmbɨ̀ ɨsɨ firɨ fə naʼ ɨka ɨ nən.”

Jn 11:4

Ənɨ Yeso nyaʼa zu ənû zɔ̂, wɨ̀ nyaʼa ghà ni, “Kaʼ Lazarɔ̀s bɨrɨ kwɨ i ɨmbə̀ʼ əwɔn zɔ̂. Àyɨə zɨə bɨrɨ ghɨ ni bə̂d wumnɨ ə Ŋwiə̀ bə̀ wumnɨ Wan Ŋwìə̀.”

Jn 11:41

Mbɨ nyaʼa chɨ̀ ɨti we. Əne Yeso nyaʼa neŋ ɨkaŋ ghà ni, “Mɨ Mbǎʼ, məben-əwe ɨchî nɨ à fə zu ənû ze nɨ mə̀ gha ɨ ne.

Jn 12:23

Yeso nyaʼa wììrɨ̀ əmbɨ mɨ̀mə̌d ni, “Nyùmə̀ fə kùʼi nɨ Ŋwìə̀ bɨrɨ ghɨ ni mbɨ wumnɨ Wan Wə̀d.

Jn 13:1

À nyaʼa əni ze nɨ nyaʼə nàʼ əmbɨ əni Əchwɨ̂ ə Che-ɨgun, Yeso nyaʼa kyerɨ ni nyùmə̀ nyaʼa fə kùʼ ɨ bɔ nɨ saŋ ɨsɨg wɔ̂ wò əsɨ i Mbǎʼ. Ɨchî nɨ wɨ̀ nyaʼa ghaʼ bə̂d mbe rɨŋga ɨsɨg wɔ̂ nɨ nyaʼa mbi, wɨ̀ nyaʼa ghaʼ əne wò pè ənɨ ɨnwǐ.

Jn 16:32

Nyùmə̀ wɨə yeʼe, təsìʼ yɨ ni nyùmə̀ we fə yeʼe i nɨ mbə̀ bɨrɨ jàŋə̀. Wə̀d mɔʼ mɔʼ bɨrɨ wo əkwɨ ni, əne mbə̀n mɨjìm bɨrɨ saŋ əmɨ rə̀zìʼ. Àyɨə chəi əmɨ rə̀zìʼ, ɨmbə̀ʼ ɨghəm nɨ Mbǎʼ wɨ i mbɨ num.

Jn 7:30

Ənɨ wɨ̀ nyaʼa gha əne, mbɨ nyaʼa kə̀b gywɨ əməd, àyɨə chəi wə̀d mɔʼɔ nyaʼa yim əməd, ɨmbə̀ʼ ɨghəm nɨ chəi nyùmə̀ nɨ mbɨ nyaʼa berɨ gywɨ əməd nyaʼa kɨrɨ kuʼ.

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

Jn 8:20

Yeso nyaʼa ghà ənû zɔ̂ ənɨ wɨ̀ nyaʼə chwi ɨnû ɨŋga mbàn Ŋwìə̀, əsɨ ze nɨ mbɨ nyaʼə màʼ ɨkab. Chəi wə̀d mɔʼɔ nyaʼa gywɨ əməd, ɨmbə̀ʼ ɨghəm nɨ chəi nyùmə̀ we nɨ njɨ mbɨ nyaʼa gywɨ̀ əməd nyaʼa kɨrɨ kuʼ.

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.