27 ɨmbə̀ʼ ɨghəm nɨ Mbǎʼ ziə ə ghaʼ əwən. Wɨ̀ ghaʼ əwən ɨmbə̀ʼ ɨghəm nɨ mbə̀ ghaʼ əmɨ bə̀ ben ni à yɨə məd nyaʼa tom əmɨ.
27 Ìmə Mbaʼ, məd ini kɔ̀ŋ awən imbə̀ʼ icheg ne mbə̀ kɔ̀ŋ aməd, bə̀ bḛ gha à ya məd cha amə.
“Wə̀d mɔʼɔ we nɨ ghaʼ i mbǎʼ kɨ̀ i nɨŋ chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû. Wə̀d mɔʼɔ we nɨ ghaʼ i wan mbaŋə̀ kɨ̀ i wan əyi chè əmɨ, rɨka kùʼ i nɨ yeʼ mɨ ə̀mə̀ə̀nɨ̀-ɨnû.
“Wə̀d we nɨ ghaʼ əmɨ yɨ we nɨə zuə tum rɨkə bə̀ nùŋə̀. Mɨ Mbǎʼ bɨrɨ ghaʼ wə̀d we nɨə ghaʼə əmɨ, mə bɨrɨ bɨ ghaʼ əməd bə̀ chwi mɨ ɨnyod ɨ bɔ.”
Yeso nyaʼa wììrɨ̀ ɨ bɔ ni, “Wə̀d mɔʼɔ mɨ ghaʼ əmɨ, wɨ̀ bɨrɨ zu mɨ ɨŋgam bə̀ nùŋ. Mɨ Mbǎʼ bɨrɨ ghaʼ əməd, əne mɔ̌ mbɨ mɨ Mbǎʼ bɨrɨ wo əsɨ məd pè chubɨ mbɨ məd.
Tɨ̀ fə kyerɨ tɨ̀nîn ni à kyerɨ ɨnû jìm, əne chəi əton nɨ tɨ̀ wə̀d mɔʼɔ wɨrɨ biirɨ ənû ɨ ne. Əzɔ̂ ə fə ghɨ̀ tɨ̀ ben ni à yɨə Ŋwìə̀ nyaʼa tom əwe.”
mə yeʼ ənɨ ənû ə mɔʼ mbɨ mɨ̀mə̌d, àwɔ̀ bə yeʼ ənɨ ənû ə mɔʼ mbɨ num, ɨmbə̀ʼ mɨ̀mə̌d mɨjìm bə yeʼ ənɨ ənû ə mɔʼ. Mbɨ mɨ ghɨ əne, ɨsɨg we tɨ̀ wɨ kyerɨ ni à yɨ àwɔ̀ nyaʼa tom əmɨ fɔrɨ ni à ghaʼ mɨ̀mə̌d ɨchî nɨ à ghaʼ əmɨ.
Yeso nyaʼa ghɨ̀ ənû ə yiirɨ rɨtu zɔ̂ ə Kanà əbà əbeŋ ze rɨ ə Galiliî. Wɨ̀ nyaʼa chwi ɨwumnɨ we nɨ wɨ̀ berɨ, əne mə̀mə̀ə̀nɨ̀-ɨnû ɨməd nyaʼa ben əməd.
Chəi wə̀d mɔʼɔ nɨ kɨrɨ wo ɨkaŋ, chè rɨ ənɨ Wan Wə̀d nɨ nyaʼa swiʼ rɨkaŋ.
àyɨə mə kyerɨ əməd ɨmbə̀ʼ ɨghəm nɨ mə nɔ̀ʼ rɨ əsɨ məd. Əne à yɨə məd nyaʼa tom əmɨ.”
Yeso nyaʼa ghà əmbɨ mɨ̀mə̌d ni, “Ŋwìə̀ mɨ kə̀ʼ yeʼ ə Mbǎʼ, njɨ mbə ghaʼ əmɨ, ɨmbə̀ʼ ɨghəm nɨ mə yɨ rɨ əsɨ ə Ŋwiə̀. Chəi mə̀ nyaʼa yeʼe ənɨ mɨ ɨghəm. À yɨə məd nyaʼa tom əmɨ.
Ənû ze nɨ chəi rɨkə nyaʼa ghɨ̀ ɨmbə̀ʼ ɨchî nɨ nyamnyod ə feenɨə ɨsɨg, Ŋwìə̀ fə ghɨ̀. Wɨ̀ nyaʼa ghɨ̀ əne ɨchî nɨ wɨ̀ nyaʼa cha i Wan wɨ̀ yeʼe ɨghabɨ ə wə̀d ɨnû rɨbɔ̀ŋ ɨmbə̀ʼ nimnɨ ɨnû rɨbɔ̀ŋ. Əne wɨ̀ nyaʼa nimnɨ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.
Ŋwìə̀ nyaʼa tekɨ mbaŋə̀ rɨtu ənɨ rɨchaʼ. Məd yɨə si. Mbaŋə̀ ze nɨ beenɨ yɨ rɨkaŋ.
À mɨ yeʼ nɨ chəi wə̀d mɔʼɔ ghaʼ Ə̀nùŋɨ̀sɨg, ndɔ̀n yɨ zɨ məd. A Ə̀nùŋɨ̀sɨg, yeʼe!
Əghɨ ze nɨə tin əwa yɨ ɨghaʼi we nɨ Kristo ghaʼ əwa. Tɨ̀ kyerɨ əne ɨmbə̀ʼ ɨghəm nɨ wə̀d mɔʼ nyaʼa kwɨ ɨgwɨ ətu ə bə̂d mɨjìm, əne bə̂d mɨjìm fə bə̀ kwɨ.
Àyɨə ənɨ ə nyùmə̀ nyaʼa fə kuʼu, Ŋwìə̀ nyaʼa tom i Wan. Mbɨ nyaʼa gywɨ əməd ɨghabɨ ə wə̀d mɨ̀sɔŋɨchù. Wɨ̀ nyaʼa bə̀ kwi ɨŋga rɨ̀kə̌,
Ŋwìə̀ ghɨ ɨ̀chɔ̀m ənɨ ə bə̂d mɨjìm mbe nɨ ghaʼ a Ə̀nùŋɨ̀sɨg Yeso Kristo mbɨ ɨkwɨ ɨghaʼi we nɨ ka wɨ bɨrɨ nɔ mi i.
Ɨŋgam wɔ̂ yɨ wɨ rəsìʼ nɨ kuʼ ni tɨ̀ ben ənɨ ta fîŋ rɨjìm. Ɨŋgam rəŋgu yɨ ni Kristo Yeso nyaʼa yeʼe ɨŋga ɨsɨg ɨmbə̀ʼ chɨ bə̂d mbe nɨə ghɨ̀ ɨnû rɨbɔ̀ŋ rəŋgəʼ. Mɔ̌ yɨə kàŋ ə wə̀d ɨnû rɨbɔ̀ŋ we nɨ bə̌ chè bə̂d mɨjìm mbe nɨə ghɨ̀ ɨnû rɨbɔ̀ŋ.
ɨmbə̀ʼ ɨghəm nɨ Ŋwìə̀ wɨə chəə wə̀d jìm we nɨ wɨ̀ ghaʼi. Ɨ wɨə bə̀ chəə wə̀d jìm we nɨ wɨ̀ ben ni à yɨ i wan.”
Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.
Tɨ̀ wɨə ghaʼə Ŋwiə̀ ɨmbə̀ʼ ɨghəm nɨ məd ziə nyaʼa bè ghaʼ əwa.
Mə wɨə ghàm əbɔʼ bə̂d mbe nɨ mə ghaʼi. Mə wɨə bə̀ chəə mbe nɨ mə ghaʼi. Əne, zə ni à zɨ ətu nɨ nòm, bə̀ zə ni à bèŋ e fîŋ.
Zə, mə bɨrɨ ghɨ ni bə̂d mɨghab mbe nɨ yeʼ ɨŋga ɨfetɨ bə̂d Satàn yeʼe gundɨ ə si ənɨ e ɨfě, əne ben ni mə ghaʼ əwe. Mɨ̀mə̌d mbɨə ghàə̀ ni mbɨ yɨə mɨ̀Jû, àyɨə ka mbɨ yɨə mbɨwən.
