Jn 16:22 - Meta’

²² Mbə mbɨə kə̀nə̀ tɨ̀nîn, àyɨə mə bɨrɨ wɨrɨ zə əwən. Ənɨ mə̀ wɨrɨ zə əwən, ɨghaʼi bɨrɨ swi ɨŋga tə fîŋ. Chəi wə̀d mɔʼɔ əŋgu nɨ bɨrɨ nɔ̀ chɨ̀ ɨghaʼi we rɨŋga tə fîŋ.

Ikan feg

²² À ya icheg ne ze biri yaʼ tì inən. Amad anìŋ, ibəʼ we inən inga fìŋ. Si ya gha, anyumə̀ ne mə̀ biri ywiri yeʼe, igyendi biri si zweg inən inga fìŋ. Chəyi wə̀d mɔ̀ʼɔ angu ne tì wì chì igyendi we inən inga fìŋ.

Jn 16:22 교차 참조

Matìyò 28:8

Məyi mbe nyaʼa kɨ zàmbɨ̀ nɔ̀ʼ rɨ ɨchû ɨ̀sì we. Mbɨ nyaʼə yènə̀ bɔə, àyɨə ɨghaʼi nyaʼa swi ɨŋga fîŋ tɨ mɨ̀mə̌d. Mbɨ nyaʼa nòrə̀ ɨmbə̀ʼ ɨ wò ghà ənû ze əmbɨ mə̀mə̀ə̀nɨ̀-ɨnû ɨməd.

Lk 10:42

Əghɨ nɨ mbɨə kə̀bə̀ mei ze ə mɔʼ. Mèri fə chɨ̀ əba ə chɔ̀m ni chəi mbɨ bɨrɨ nɨŋ rɨ bɔ.”

Lk 16:25

Àyɨə Abràham nyaʼa ghà ni, 'Wân, kɔndɨ ni ənɨ à nyaʼa ɨkǎ, à nyaʼa berɨ ɨghɨ chɔ̀m, àyɨə Lazarɔ̀s nyaʼa berɨ ɨghɨ rɨbɔ̀ŋ. Tɨ̀nîn məd wɨ ɨŋga chɔ̀m əgha, àyɨə àwɔ̀ wɨ əŋgəʼ.

Lk 19:26

Wɨ̀ nyaʼa wììrɨ̀ ni, 'Mə ghà ɨ nən ni wə̀d jìm we nɨ berɨ ɨghɨ, mbɨ bɨrɨ naʼ mbɨ cherə ɨ bɔ wɨ̀ sɨ berɨ mbɨ nɔʼ, àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ berɨ, mbɨ bɨrɨ nɨŋ rɨ bɔ.

Lk 24:41

Ənɨ chəi mbɨ nyaʼa kɨrɨ ben ənû zɔ̂ ɨmbə̀ʼ ɨghaʼi fɔrɨ ɨmbə̀ʼ ɨchî nɨ mbɨ nyaʼa kɨrɨ bid ə, wɨ̀ nyaʼa ghà əmbɨ mɨ̀mə̌d ni, “Mbə wa berɨ əghɨ ə mɔʼɔ əgha nɨ jɨg ə?”

Jn 14:1

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Tɨ tə fîŋ tɔb i əwən. Mbə̀ ben ə Ŋwiə̀ bə̀ ben əmɨ.

Jn 14:19

À sɨ bùʼ ɨkə nyumə̀, chəi ɨsɨg bɨrɨ wɨrɨ zə əmɨ, àyɨə mbə bɨrɨ zə əmɨ. Ɨchî nɨ mə yeʼ ɨkǎ, əne bə̂ mbə bɨrɨ bɨ yeʼ ɨkǎ.

Jn 14:27

“Mə sàŋ əbɔrəbɔd ɨ nən. Mə bə̀ nàʼ mɨ əbɔrəbɔd ɨ nən. Chəi mə naʼ ɨchî nɨ ɨsɨg ə nàʼə̀. Tɨ tə fîŋ tɔb i əwən. Tɨ mbə̀ bɔ ə.

Jn 16:16

Yeso nyaʼa wo ɨmbì gha əmbɨ mɨ̀mə̌d ni, “Chəi mbə̀ bɨrɨ wɨrɨ zə əmɨ ənɨ ɨkə nyùmə̀. À sɨ ənɨ ɨkə nyùmə̀ cherə, mbə bɨrɨ wɨrɨ zə əmɨ.”

Jn 16:20

Mə ghà rəsìʼ ɨ nən ni mbə bɨrɨ chweŋ mɨsɨ, bə̀ dì, àyɨə ɨsɨg bɨrɨ ghaʼ i. Mbə bɨrɨ kə̀nə̀, àyɨə ə̀kə̀nɨ̀ ze ə bɨrɨ bèŋ sɨ ɨghaʼi.

Jn 16:6

Àyɨə ɨchî nɨ mə̀ fə gha ɨnû mbɔ̂ ɨ nən, ə̀kə̀nɨ̀ ə fə swi ɨŋga tə fîŋ.

Jn 21:7

Ə̀mə̀ə̀nɨ̀-ɨnû we nɨ Yeso nyaʼa ghaʼi nyaʼa ghà əmbɨ Pità ni, “À yɨ Ə̀nùŋɨ̀sɨg!” Ənɨ Saimon Pità nyaʼa zu ni à yɨ Ə̀nùŋɨ̀sɨg, wɨ̀ nyaʼa wɨrɨ zɨ̀ ti ngywɨ̌, tòm ɨgyɨ̀ wò əsɨ Yeso. Wɨ̀ nyaʼa bè chɨ̀ ti ngywɨ ɨmbə̀ʼ ɨghəm nɨ wɨ̀ nyaʼa wo fàʼ.

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Ɨ̀fàʼì 13:52

Ɨghaʼi mbɨ Əzwî ə Zeŋɨ nyaʼa swi ɨŋga bə̂d mbe nɨ nyaʼa ben ə Kristo ə Antiɔ̀k.

Ɨ̀fàʼì 16:25

À nyaʼa sɨ ɨghabɨ ɨzimɨ ka, Pɔ̂l mbɨ Sailàs mbɨə nyaʼə kɔ̀ŋgɨ̀ ə Ŋwiə̀, bə̀ kwerɨ mɨkyî yiirɨ ə Ŋwiə̀. Bə̂d ndəŋ mbe nɨ nyaʼa əŋgu mbɨə nyaʼə zwetɨə.

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Ɨ̀fàʼì 5:41

Bə̂d tom mbe nyaʼa sàŋ mə̀saʼ əbeŋ mbe yènə̀ ghaʼə ni Ŋwìə̀ fə zə əwən ni mbə kuʼ nɨ zə ŋgəʼ bə̀ berɨ tɨ̀nìd ətu ɨmbə̀ʼ ə Yeso.

2 Kɔrèn 6:10

Bə̂d mɔʼɔ mbɨə ghɨ̀ mbɨ na ɨghabɨ ni tɨ̀ yɨə bə̂d nɨə kə̀nə̀, àyɨə tɨ̀ wɨə ghaʼrɨ əwa ɨghəm jìm. Bə̂d mɔʼɔ mbɨə ghɨ̀ mbɨ na ɨghabɨ ni tɨ yɨə bə̂d ɨkwaŋ, àyɨə tɨ wɨə ghɨ̀ ni bə̂d mɨ̀nɔnɔʼ fuʼ əwən. Bə̂d mɔʼɔ mbɨə neŋ əwa ni tɨ̀ yɨə bə̂d nɨ chəi əghɨ, àyɨə tɨ̀ berɨ ɨghɨjìm.

2 Tès 2:16

A Ə̀nùŋɨ̀sɨg Yeso Kristo ziə mbɨ Ŋwìə̀ a Mbǎʼ, nɨ ghaʼ əwa ənjìm ɨ̀chɔ̀m məd, nəərɨ əwa koŋ bə̀ ghɨ ni tɨ̀ nuŋ ɨkɔndɨ wòm ɨnû chɔ̀m mbe nɨ wɨ̀ kaʼ ɨ na.

Mə̀Hibrù 10:34

Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.

Mə̀Hibrù 6:18

Ɨnû nɨ chəi ənɨ tɨ mbɨ kwepɨ mbɨ ɨbe nɨ chəi Ŋwìə̀ bɨrɨ nɔ gha mɨghab ɨmbə̀ʼ mbɨwən. Əne mbà mbe nɨ fə norɨ wo nə̀mbɨ̀ əton məd mbe tɨ rɨ̀ yim fîŋ ɨmbə̀ʼ berɨ ənû ze nɨ tɨə nùŋ rɨkɔndɨ wòmə̀.

1 Pità 1:8

Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.