Jn 16:20 - Meta’

²⁰ Mə ghà rəsìʼ ɨ nən ni mbə bɨrɨ chweŋ mɨsɨ, bə̀ dì, àyɨə ɨsɨg bɨrɨ ghaʼ i. Mbə bɨrɨ kə̀nə̀, àyɨə ə̀kə̀nɨ̀ ze ə bɨrɨ bèŋ sɨ ɨghaʼi.

Ikan feg

²⁰ Mə gha tesiʼ inən gha, mbə biri dèg mèʼì məchə. Si ya gha, bəd igun isəg biri ya gyènde. Ibəʼ biri nyi inga ìtən fìŋ. Si ya gha, wi biri si bə̀ŋə̀ ane igyendi.

Jn 16:20 교차 참조

Matìyò 21:38

“Àyɨə ənɨ bə̂d mbe nɨ nyaʼa yim mbeŋ ze nyaʼa zə wan məd, mbɨ nyaʼa ghà mbənə mbənə ni, 'À yɨ əjɨnəb məd wɔ̂. Mbə̀ yeʼe tɨ̀ zwiirɨ əməd ɨmbə̀ʼ jɨg ɨghɨ məd.'

Matìyò 5:4

Ŋwìə̀ zɨ əbɔrəbɔd ɨgun ə bə̂d mbe nɨə dìə̀, ɨmbə̀ʼ ɨghəm nɨ məd ziə bɨrɨ nəərɨ mɨ̀mə̌d.

Mk 14:72

Àmei əwu əwən, ɨnoŋgub nyaʼa yi tɔŋ ənɨ ɨghəm nɨ pe be. Əne Pità nyaʼa kɔndɨ ɨchî nɨ Yeso nyaʼa gha ɨ bɔ ni, “Bɔŋ ɨnoŋgub sɨə tɔŋ ɨghəm be, à bɨrɨ fə ton əmɨ ɨghəm tad.” Wɨ̀ nyaʼa kɔndɨ əne, ɨnyod ɨməd nə̀ŋə̀, wɨ̀ chweŋ mɨsɨ.

Mk 16:10

Mèri nyaʼa zə əməd əne, nɔ̀ʼ wò ghà əmbɨ bə̂d mbe nɨ nyaʼa mbɨ Yeso ənɨ mbɨ nyaʼə kə̀nə̀ bə̀ dìə̀.

Lk 22:45

Ənɨ wɨ̀ nyaʼa nɔʼ rɨ kɔŋgɨ ə Ŋwiə̀, wɨ̀ nyaʼa wò əsɨ mbi mə̀mə̀ə̀nɨ̀-ɨnû pè zə mɨ̀mə̌d ənɨ mbɨ nyaʼə gwenə. Ɨ mbɨə nyaʼə gwen ɨmbə̀ʼ ə̀kə̀nɨ̀ ze nɨ nyaʼa swi ɨŋga fîŋ tɨ mɨ̀mə̌d.

Lk 22:62

Wɨ̀ nyaʼa kɔndɨ əne, jwɨ̀ wò ɨsɨg chweŋ mɨsɨ kwàʼ rɨ̀kǎ.

Lk 23:27

Ɨnɔ̂n bə̂d nɨ nyaʼa kwàʼ wɨ kyeŋ wɨə nyaʼə beenɨ əbɔʼ məd mbɨ məyi nɨ nyaʼə dìə̀ bə̀ chweŋ mɨsɨ ɨmbə̀ʼ əməd.

Lk 24:17

Wɨ̀ nyaʼa biirɨ əmbɨ mɨ̀mə̌d ni, “Mbə̀ kɨə yènə̀ tumə ŋgan ghàə̀ ni ye ə?” Mbɨ nyaʼa təm rɨ kɨ̂d, tɨfě tɨ mɨ̀mə̌d chwiə ni ə̀kə̀nɨ̀ ə nyaʼa swi ɨŋga fîŋ tɨ mɨ̀mə̌d.

Lk 24:21

Tɨ̀ nyaʼa nùŋ ta rɨkɔndɨ ɨgwɨ məd ni à yɨə məd bɨrɨ choʼ ətu mɨ̀Izre. Tə̀chɔ̀ŋ yɨ ɨni tad nɨ ɨnû mbɔ̂ fə ghɨ.

Lk 6:21

Ŋwìə̀ zɨ əbɔrəbɔd ɨgwɨ mbə̀n mbe nɨ njì ə zaŋə rɨ̀nîn, ɨmbə̀ʼ ɨghəm nɨ mbə bɨrɨ jɨg kod. Ŋwìə̀ zɨ əbɔrəbɔd ɨgwɨ mbə̀n mbe nɨə chweŋ mɨsɨ rɨ̀nîn, ɨmbə̀ʼ ɨghəm nɨ mbə̀ bɨrɨ chəʼrɨ.

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Jn 16:6

Àyɨə ɨchî nɨ mə̀ fə gha ɨnû mbɔ̂ ɨ nən, ə̀kə̀nɨ̀ ə fə swi ɨŋga tə fîŋ.

Jn 20:20

Ənɨ wɨ̀ nyaʼa ghà ənû zɔ̂, wɨ̀ nyaʼa chwi mbi ɨbɔ bə̀ chwi i ɨban ɨbeŋ əmbɨ mɨ̀mə̌d. Ənɨ mə̀mə̀ə̀nɨ̀-ɨnû mbe nyaʼa zə əməd, ɨghaʼi nyaʼa swi ɨŋga fîŋ tɨ mɨ̀mə̌d.

Ɨ̀fàʼì 5:41

Bə̂d tom mbe nyaʼa sàŋ mə̀saʼ əbeŋ mbe yènə̀ ghaʼə ni Ŋwìə̀ fə zə əwən ni mbə kuʼ nɨ zə ŋgəʼ bə̀ berɨ tɨ̀nìd ətu ɨmbə̀ʼ ə Yeso.

Rm 5:11

Kaʼi əjìm əze, tɨ̀ wɨə bə̀ goŋ ɨgɔ̂ ɨmbə̀ʼ ə Ŋwiə̀ ənjìm a Ə̀nùŋɨ̀sɨg Yeso Kristo. Məd fə màànɨ̀ a taŋ mbɨ ə Ŋwiə̀.

2 Kɔrèn 6:10

Bə̂d mɔʼɔ mbɨə ghɨ̀ mbɨ na ɨghabɨ ni tɨ̀ yɨə bə̂d nɨə kə̀nə̀, àyɨə tɨ̀ wɨə ghaʼrɨ əwa ɨghəm jìm. Bə̂d mɔʼɔ mbɨə ghɨ̀ mbɨ na ɨghabɨ ni tɨ yɨə bə̂d ɨkwaŋ, àyɨə tɨ wɨə ghɨ̀ ni bə̂d mɨ̀nɔnɔʼ fuʼ əwən. Bə̂d mɔʼɔ mbɨə neŋ əwa ni tɨ̀ yɨə bə̂d nɨ chəi əghɨ, àyɨə tɨ̀ berɨ ɨghɨjìm.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

1 Tèsàlonikà 1:6

Mbə mbɨə nyaʼə ghɨ̀ ɨnû mbe nɨ tɨ̀ nyaʼə ghɨ̀ə̀ bə̀ ghɨ̀ə̀ mbe nɨ Ə̀nùŋɨ̀sɨg nyaʼə ghɨ̀ə̀. Ka à bè yeʼi ni mbə mbɨə nyaʼə zəə ŋgəʼ, Əzwî ə Zeŋɨ ə nyaʼa ghɨ̀ mbə̀ nɨŋ ɨŋgam we mbɨ ɨghaʼi.

Jems 1:2

Mbɨ bɔŋgɔb, mbə̀ ghaʼrɨ əwən ənɨ mɨ̀nyùmə̀ jìm mbe nɨ tɨkwɨrɨ ɨ̀kwàʼnɨ̀ nɔnɔʼ nyɨ ɨgwɨ nən.

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.

Ɨnû 11:10

Ɨghaʼi bɨrɨ swi ɨŋga fîŋ bə̂d mbe nɨə chub ɨgwɨ ə si, ɨmbə̀ʼ ɨghəm nɨ mɨ̀zərɨmbin mbe fə kwɨ. Mbɨ bɨrɨ chaanɨ mɨneʼe mbənə mbənə bə̀ ghɨ̀ ɨghaʼi ɨmbə̀ʼ ɨghəm nɨ bə̂d ɨ̀kə̀n mbɔ̂ mɨbe mbɨə nyaʼə chə ə bə̂d rɨ ɨgwɨ ə si.

Ɨnû 18:7

Ɨ wɨə nyaʼə tərə i bə̀ tad i ɨnyod ɨŋga mbɔ̂n əne mbə̀ jeŋgɨ chə əməd bə̀ ghɨ̀ ni wɨ̀ kənə. Ɨ wɨə ghà ɨŋga i fîŋ ni 'Mə yɨ ɨfɔ̂n əyi! Kaʼ mə yɨ əmɨ ɨku əyi, əne chəi mə bɨrɨ nɔ dì!'