Jn 16:2 - Meta’

² Bə̂d bɨrɨ fid əwən rɨŋga nəb tɨ ə̀kàtɨ̀. À yɨ rəsìʼ ni nyùmə̀ wɨə yeʼe nɨ wə̀d mɔʼɔ we nɨ zwiirɨ əwən bɨrɨ kɔndɨ ni tə wɨə ghɨ̀ə̀ yeʼ ənû ze nɨ Ŋwìə̀ gha ɨ bɔ.

Ikan feg

² Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

Jn 16:2 교차 참조

Matìyò 10:28

Tɨ̀ mbə̀ bɔ ə bə̂d mbe nɨə zwiirɨə nyamnyod, àyɨə chəi ənɨ tɨ̀ mbɨ zwiirɨ əzwî. Mbə̀ bɔ yeʼ məd we nɨ tɨ̀ wɨ̀ nimnɨ nyamnyod bə̀ nimnɨ əzwî ɨŋga əsɨ ɨchə.

Matìyò 24:9

“Nyùmə̀ we mɨ kùʼ, mbə bə̂d pə̀n bɨrɨ gywɨ əwən nàʼ ni mbɨ chə əwən bə̀ zwiirɨ əwən. Ɨsɨg jìm bɨrɨ ban əwən ɨmbə̀ʼ əmɨ.

Lk 6:22

“Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Jn 12:42

Ka à bè yeʼi əne, bə̂d mɨ̀nɔnɔʼ rəbɔʼ mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ben ə Yeso, àyɨə chəi mbɨ nyaʼa gha əsaŋ əsaŋ ɨmbə̀ʼ ɨghəm nɨ ɨ mbɨə nyaʼə bɔə mɨ̀Farisiî. Mɨ̀Farisiî nyaʼa mɨ kyerɨ, njɨ mbɨ bɨrɨ fid mɨ̀mə̌d tɨ̀ ɨŋga nəb ə̀kàtɨ̀.

Jn 16:25

Yeso nyaʼa wo ɨmbì gha əmbɨ mɨ̀mə̌d ni, “Mə fə ghà ɨnû mbɔ̂ ɨ nən ənɨ ɨŋgam maʼi. Mbə̀ kyerɨ ni nyùmə̀ wɨə yeʼe nɨ chəi mə̀ bɨrɨ wɨrɨ ghàm ɨ nən ənɨ ɨŋgam maʼi. Mə bɨrɨ gham ɨ nən əsaŋ əsaŋ ɨmbə̀ʼ ə Mbǎʼ.

Jn 16:32

Nyùmə̀ wɨə yeʼe, təsìʼ yɨ ni nyùmə̀ we fə yeʼe i nɨ mbə̀ bɨrɨ jàŋə̀. Wə̀d mɔʼ mɔʼ bɨrɨ wo əkwɨ ni, əne mbə̀n mɨjìm bɨrɨ saŋ əmɨ rə̀zìʼ. Àyɨə chəi əmɨ rə̀zìʼ, ɨmbə̀ʼ ɨghəm nɨ Mbǎʼ wɨ i mbɨ num.

Jn 4:21

Yeso nyaʼa ghà ɨ bɔ ni, “Əyî, ben ənû ze nɨ mə̀ gha ɨ ne. Nyùmə̀ wɨə yeʼe nɨ chəi mbə̀ bɨrɨ wumnɨ ə Mbǎʼ ɨgun ɨwum wɔ̂ kɨ ə Jèrusalèm.

Jn 4:23

Nyùmə̀ wɨə yeʼe, əne wɨ̀ fə yeʼe i, nɨ bə̂d bɨrɨ wumnɨ ə Mbǎʼ ɨchî nɨ Əzwî ə chwiə. Zɨə bɨrɨ yeʼ ni mbɨ wumnɨ əməd ɨchî nɨ wɨ̀ yeʼ ə. Bə̂d mbe nɨə ghɨ̀ əne mbɨə wumnɨ ə Mbǎʼ ɨchî nɨ wɨ̀ kə̀bɨ ni mbɨ wumnɨ əməd.

Jn 9:22

Mbǎʼ mbɨ ɨŋgɔb mbaŋə̀ ze nyaʼa ghà əne ɨmbə̀ʼ ɨghəm nɨ mbɨ nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû, ɨmbə̀ʼ ɨghəm nɨ mbɨ nyaʼa fə nùŋ ni mbə bɨrɨ fid wə̀d mɔʼɔ we nɨ ben ni Yeso yɨə Wə̀d we nɨ Ŋwìə̀ zɔʼɔ rɨŋga nəb ə̀kàtɨ̀.

Jn 9:34

Mbɨ nyaʼa wììrɨ̀ ɨ bɔ ni, “Mbɨ nyaʼa gywɨ əwe à kwi ɨŋga ɨnû rɨbɔ̀ŋ əne à wa bɨrɨ chwi ɨnû ɨ na ə?” Mbɨ nyaʼa ghà əne, fid əməd tɨ ɨŋga nəb ə̀kàtɨ̀ ze.

Ɨ̀fàʼì 5:33

Ənɨ mə̀saʼ əbeŋ mbe nyaʼa zu ənû zɔ̂, mbɨ nyaʼa sə ɨtəm kwàʼ rɨŋgəʼ. Əne mbɨ nyaʼa kə̀b ni njɨ mbə zwiirɨ mɨ̀mə̌d.

Ɨ̀fàʼì 7:56

Wɨ̀ nyaʼa zə əne ghà ni, “Mbə̀ zə! Mə wɨə zə ɨkaŋ əfìʼə. Mə wɨə bə̀ zə ə Wan Wə̀d nɨ təm əbà əbɔ ə jɨgɨ ə Ŋwiə̀.”

1 Kɔrèn 4:13

Ənɨ mbɨ chəkɨ ta rɨkum, tɨ wɨə wììrɨ̀ ənɨ ɨŋgam chɔ̀m. Ɨ pe rɨ̀nîn bə̂d fə nɨŋ əwa ɨghabɨ ni tɨ̀ yɨ ɨghɨ rɨbɔ̀ŋ fɔrɨ ɨghabɨ ni tɨ̀ yɨ rɨfiŋɨ.

Fìlipì 3:6

Ɨ zɨ ətu ənɨ ənû ə mɔʼɔ, mə wɨə nyaʼə nwèndɨ̀ rɨkyerɨ-ɨwu bə̂d Kristo. Ɨ təm kùʼnɨ̀ ɨchî nɨ rɨkə chwiə, chəi bə̂d kweʼ ghà ənû rɨbɔ̀ŋ ɨmbə̀ʼ əmɨ.

Ɨnû 6:9

Ənɨ Wan njɨ̀g we nyaʼa kyeʼrɨ ɨneŋ we nɨ pe ənɨ wɨ tân, mə nyaʼa nèŋ əton ɨkwi ɨjə̀ŋ ə̀fààrɨ̀, əne zə ɨzwî bə̂d mbe nɨ mbɨ nyaʼa zwiirɨ ɨmbə̀ʼ ɨchî nɨ mbɨ nyaʼə ghà ɨŋgam Ŋwiə̀ fɔrɨ ɨmbə̀ʼ ɨchî nɨ mbɨ nyaʼa yim ɨŋgam Ŋwiə̀ wɨ kàànɨ̀.