Jn 16:19 - Meta’

¹⁹ Yeso nyaʼa kyerɨ ni mbɨ nyaʼa kəb biirɨ ɨŋgam we ɨ ni. Əne wɨ̀ nyaʼa ghà əmbɨ mɨ̀mə̌d ni, “Mə kə̀ʼ ghà ni, 'Chəi mbə̀ bɨrɨ wɨrɨ zə əmɨ ənɨ ɨkə nyùmə̀. À sɨ ənɨ ɨkə nyùmə̀ cherə, mbə bɨrɨ wɨrɨ zə əmɨ.' Ɨmbə̀ʼ wɔ̂ yɨ ɨŋgam we nɨ mbə̀ə biirɨə mbənə mbənə ə?

Ikan feg

¹⁹ Yeso ya bàd awɔb kyèri àzi aghi gha mbi ya kə̀bə̀ ni biri anug azo̰ ibo. Ane, wì ya si ghà inɔb gha, “Mbə kə anìŋ bìri abə wə̀d imɔʼ imɔʼ abɔ̀ʼ inən ni kyeri aton ane ìngam gho̰ ne mə gha, ‹Chəyi mbə̀ biri ywiri bàd amə ane iki nyumə̀. Àsi ane iki nyumə̀ ndəŋ, mbə biri ywiri bàd amə›?

Jn 16:19 교차 참조

Matìyò 6:8

Tɨ mbə̀ ghɨ̀ ə ɨghabɨ mɨ̀mə̌d, ɨmbə̀ʼ ɨghəm nɨ ə Mbǎʼ ə kyerɨ ɨghɨ mbe nɨ mbə̀ kwaŋɨ bɔŋ mbə̀ sɨə biirɨə.

Matìyò 9:4

Yeso nyaʼa kyerɨ tɨkɔndɨ tɨ mɨ̀mə̌d, əne wɨ̀ nyaʼa ghà ni, “Mbə̀ kɨə kɔndɨ ɨnû rɨbɔ̀ŋ ɨŋga tə fîŋ ɨmbə̀ʼ ə yè ə?

Mk 9:32

Chəi ɨtu mɨ̀mə̌d nyaʼa zeŋ ɨmbə̀ʼ ənû ze nɨ wɨ̀ nyaʼə ghàə̀, àyɨə mbɨ nyaʼa bɔ nɨ biirɨ ɨ bɔ.

Jn 13:33

Mbɨ bɔn, mə bɨrɨ kɨrɨ chubɨ mbɨ nən ənɨ ɨkə nyùmə̀. Ɨ nɔʼ rɨ əwɔ, mbə bɨrɨ kəb əmɨ rəkan. Ənû ze nɨ mə̀ nyaʼa gha əmbɨ ə bə̂d mbe nɨə tekɨ ɨnû ɨŋga əbeŋ mɨ̀Jû, mə yɨ əni ghà ɨ nən ni, 'Chəi ənɨ tɨ̀ mbə yeʼe əsɨ ze nɨ mɨə wò əŋgu.'

Jn 14:19

À sɨ bùʼ ɨkə nyumə̀, chəi ɨsɨg bɨrɨ wɨrɨ zə əmɨ, àyɨə mbə bɨrɨ zə əmɨ. Ɨchî nɨ mə yeʼ ɨkǎ, əne bə̂ mbə bɨrɨ bɨ yeʼ ɨkǎ.

Jn 16:16

Yeso nyaʼa wo ɨmbì gha əmbɨ mɨ̀mə̌d ni, “Chəi mbə̀ bɨrɨ wɨrɨ zə əmɨ ənɨ ɨkə nyùmə̀. À sɨ ənɨ ɨkə nyùmə̀ cherə, mbə bɨrɨ wɨrɨ zə əmɨ.”

Jn 16:18

Mbɨ nyaʼa bə̀ biirɨ ni, “Əton ənɨ 'ɨkə nyùmə̀' kɨ ni ye ə? Chəi mba ɨtu kɨrɨ zeŋ ɨmbə̀ʼ ənû zɔ̂ nɨ wɨə ghàə̀.”

Jn 16:23

À sɨ əni ze, chəi mbə̀ bɨrɨ wɨrɨ biirɨ ənû ə mɔʼɔ ɨ num. Mə̀ ghà rəsìʼ ɨ nən ni mbə mɨ biirɨ ənû ə mɔʼɔ tɨ əmbɨ mɨ Mbǎʼ ənɨ mɨ ɨkum, wɨ̀ bɨrɨ ghɨ ənû ze ɨ nən.

Jn 16:26

À sɨ əni ze, mbə bɨrɨ biirɨ ɨnû rɨ əmbɨ mɨ Mbǎʼ ənɨ mɨ ɨkum. Chəi mə̀ berɨ əton nɨ biirɨ ənû ə mɔʼɔ ɨ bɔ ənɨ wən rɨ ɨghəm,

Jn 16:30

Tɨ̀ fə kyerɨ tɨ̀nîn ni à kyerɨ ɨnû jìm, əne chəi əton nɨ tɨ̀ wə̀d mɔʼɔ wɨrɨ biirɨ ənû ɨ ne. Əzɔ̂ ə fə ghɨ̀ tɨ̀ ben ni à yɨə Ŋwìə̀ nyaʼa tom əwe.”

Jn 21:17

Yeso nyaʼa yì biirɨ ɨ bɔ ənɨ ɨghəm nɨ pè tad ni, “Saimòn, àwɔ̀ wan Jɔ̌n, à ghaʼ əmɨ ə?” Pità nyaʼa kə̀n ɨmbə̀ʼ ɨchî nɨ Yeso nyaʼa biirɨ ɨ bɔ ənɨ ɨghəm nɨ pè tad ni, “À ghaʼ əmɨ ə?” Əne wɨ̀ nyaʼa wììrɨ̀ əmbɨ Yeso ni, “Ə̀nùŋɨ̀sɨg, à kyerɨ ɨnû jìm. À kyerɨ ni mə ghaʼ əwe!” Yeso nyaʼa ghà ɨ bɔ ni, “Jə tɨ njɨ̀g.

Jn 6:61

Chəi wə̀d nyaʼa gha ənû ə mɔʼɔ ɨ bɔ, àyɨə wɨ̀ nyaʼa kyerɨ ɨŋga i fîŋ ni mə̀mə̀ə̀nɨ̀-ɨnû ɨməd mbɨə nyaʼə dùmbɨ̀ə̀. Əne wɨ̀ nyaʼa ghà əmbɨ mɨ̀mə̌d ni, “Ɨŋgam wɔ̂ ə wa ghɨ̀ mbə sə ɨtəm ə?

Jn 7:33

Yeso nyaʼa ghà əmbɨ mɨ̀mə̌d ni, “Mə bɨrɨ kɨrɨ chubɨ mbɨ nən ɨkə nyùmə̀. Ənɨ ə nyùmə̀ we fə che, mə bɨrɨ bəndɨ wò əsɨ məd we nɨ nyaʼa tom əmɨ.

Mə̀Hibrù 4:13

Chəi əghɨ ə mɔʼɔ rəbɔʼ mbe nɨ Ŋwiə̀ tekɨ nɨ tɨ̀ zɨə nəmbɨ rɨ ənɨ əghə əməd. Ɨghɨjìm mbɨ əsaŋ ɨfě məd we nɨ tɨ̀ bɨrɨ gha ɨnû jìm mbe nɨ tɨ̀ fə ghɨ ɨ bɔ.

Ɨnû 2:23

Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.