Jn 15:24 - Meta’

²⁴ À kɨ nɨ chəi mə̀ nyaʼa ghɨ ɨnû əkaʼ mɨ̀mə̌d nɨ chəi wə̀d cherə kweʼ ghɨ̀, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn mbɨ fə zə ɨnû mbe nɨ mə nyaʼa ghɨ̌, əne ɨ mbɨə bàn əmɨ bə̀ bànə̀ mɨ Mbǎʼ.

Ikan feg

²⁴ Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 15:24 교차 참조

Matìyò 11:5

Mɨfɨgɨ̀ mbɨə sɨə zə ɨsɨ, bə̂d nɨə tèʼ ɨwu mbɨə sɨə yèn ɨchî chɔ̀m, əpabɨ ə mì i rɨ ənɨ bə̂d mbe nɨ nyaʼə wɔ̀n əpabɨ, mbɨ̀rɨko mbɨə sɨə zu ɨnû, ɨvɨ bə̂d zwemə, ɨ mbɨə bə̀ ghà ɨkə̂n chɔ̀m əmbɨ bə̂d ɨkwaŋ.

Matìyò 21:32

Mə ghà əne ɨmbə̀ʼ ɨghəm nɨ Jɔ̌n nyaʼa yeʼe əsɨ nən ɨ chwi ɨnə̂njɨ̀ nɨ kuʼnɨ, àyɨə chəi mbə̀ nyaʼa ben əməd. À yɨ məfetɨ mɨ̀tagsɨ̀ mbɨ ɨ̀kùnɨ̀ nyaʼa ben əməd. Ka àbei ənɨ mbə̀ nyaʼa zə ənû zɔ̂, chəi mbə̀ nyaʼa wɨrɨ bèŋ tə fîŋ ben əməd.

Matìyò 9:33

Ənɨ Yeso nyaʼa chɨ əzwî rɨbɔ̀ŋ ze, mbaŋə̀ ze nyaʼa kɔ ghamɨ. Mɨnɔ̂n bə̂d mbe nyaʼa yiirɨ, əne ghà ni, “Chəi tɨ̀ kweʼ zə ənû ɨghabɨ zɔ̂ ɨŋga Izre.”

Mk 2:12

Mbaŋə̀ ze nyaʼa nɔ̀ʼ əwu əwən, nɨŋ i matə̀, jwɨ̀ wò i ɨfě mɨ̀mə̌d mɨjìm. Ənû ze ə nyaʼa chè bə̂d mbe mɨ̀jìm, əne mbɨ nyaʼa yiirɨ ə Ŋwiə̀ ghàə̀ ni, “Chəi tɨ̀ kweʼ zə ənû ɨghabɨ ə zɔ̂!”

Lk 24:19

Wɨ̀ nyaʼa biirɨ əmbɨ mɨ̀mə̌d ni, “À kɨ ɨnû mbi ə?” Mbɨ nyaʼa wììrɨ̀ ɨ bɔ ni, “À yɨ ɨnû ɨmbə̀ʼ ə Yeso we rɨ ə Nazàret, nɨ nyaʼə wə̀d ɨ̀kə̀n Ŋwìə̀. Ɨ wɨə nyaʼə ghɨ̀ ɨnû yiirɨ nɨ che əbɔ bə̀ ghà ɨnû nɨ dabə ɨfě Ŋwiə̀ fɔrɨ ɨfě bə̂d mɨjìm.

Jn 10:32

Yeso nyaʼa wììrɨ̀ əmbɨ mɨ̀mə̌d ni, “Mɨ Mbǎʼ fə ghɨ̀ ni mə ghɨ ɨnû chɔ̀m nɔnɔʼ əkaʼ nən. À kɨə zi rəbɔʼ ɨnû mbɔ̂ nɨ mbɨə kəb tumbɨ əmɨ ɨmbə̀ʼ əzɨ əwən ə?”

Jn 10:37

À mɨ yeʼ nɨ chəi mɨə ghɨ̀ ɨnû mbe nɨ mɨ Mbǎʼ ghà ɨ num, tɨ mbə̀ ben ə ɨnû mbe nɨ mɨə ghàə̀.

Jn 12:10

Əne bə̂d kyeŋ mbe rɨ ə mbàn Ŋwìə̀ nyaʼa taŋ ni mbə bɨrɨ bɨ zwiirɨ ə Lazarɔ̀s,

Jn 12:45

Wə̀d mɔʼɔ we nɨ zə əmɨ wɨə bə̀ zə əməd we nɨ nyaʼa tom əmɨ.

Jn 14:9

Yeso nyaʼa wììrɨ̀ ni, “Ɨmbə̀ʼ mə fə chubɨ mbɨ nən əgha ə se, àyɨə chəi àwɔ̀, Filip, kaŋ kɨrɨ kyerɨ əmɨ ə? Wə̀d jìm we nɨ zə əmɨ fə bə̀ zə ə Mbǎʼ. Àwɔ̀ wɨrɨ che rɨ ye ghà ɨ num ni, 'Chwiə Mbǎʼ ɨ na ə'?

Jn 15:21

Bə̂d rɨŋga ɨsɨg bɨrɨ ghɨ ɨnû mbɔ̂ jìm ənɨ ə nən ɨmbə̀ʼ ɨghəm nɨ mbə̀ yeʼ mbɨ bə̂d, ɨmbə̀ʼ ɨghəm nɨ chəi mbɨ kyerɨ məd we nɨ nyaʼa tom əmɨ.

Jn 15:22

À mɨ yeʼ nɨ chəi mə̀ nyaʼa yeʼe ɨŋga ɨsɨg pè gham əmbɨ mɨ̀mə̌d, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn, chəi mbɨ berɨ ənû nɨ ghà ɨmbə̀ʼ ɨchî nɨ ɨ mbɨə kɨrɨ ghɨ ɨnû rɨbɔ̀ŋ.

Jn 15:23

Wə̀d we nɨ ban əmɨ ə bə̀ bàn mɨ Mbǎʼ.

Jn 16:9

Tɨkɔndɨ tɨ mɨ̀mə̌d rɨka kuʼi ɨmbə̀ʼ ɨnû rɨbɔ̀ŋ, ɨmbə̀ʼ ɨghəm nɨ chəi mbɨ nuŋ fîŋ ɨgwɨ num.

Jn 3:2

Mbaŋə̀ zɔ̂ nyaʼa wò əsɨ Yeso ɨzimɨ pè ghà ɨ bɔ ni, “Əchwiə̀-ɨnû, tɨ̀ ə kyerɨ ni àwɔ̀ yɨ əchwiə̀-ɨnû we nɨ Ŋwìə̀ tom. Chəi wə̀d mɔʼɔ əŋgu nɨ tɨ̀ wɨ̀ ghɨ̀ ɨnû yiirɨ mbɔ̂ nɨ àwɔ̀ ə ghɨ̀ə̀, kɨrɨ ənɨ Ŋwìə̀ wɨ mbɨ məd.”

Jn 5:36

Ɨnû mbɔ̂ nɨ mɨə ghàə̀ yɨ mɨ̀zərɨmbin ɨ num. Mbɨ chè mbe nɨ Jɔ̌n nyaʼə ghà ɨmbə̀ʼ əmɨ. Ɨnû mbe nɨ Mbǎʼ zɨ ɨŋga tum rɨkyerɨ-ɨbɔ ni mə maanə, əne yɨ mbe nɨ mɨə ghɨ̀ə̀, ɨ mbɨə chwiə ni à yɨə Mbǎʼ nyaʼa tom əmɨ.

Jn 6:36

Ka à bè yeʼi əne, mə nyaʼa fə ghà ɨ nən ni mbə fə zə əmɨ, àyɨə chəi mbə̀ kɨrɨ benɨ.

Jn 7:31

Àyɨə bə̂d mɨ̀nɔnɔʼ nyaʼa ben ənû ze nɨ wɨ̀ nyaʼə ghàə̀. Mbɨ nyaʼa gha ni, “Ənɨ Wə̀d we nɨ Ŋwìə̀ zɔʼɔ yeʼe, wɨ̀ wa bɨrɨ ghɨ ɨnû yiirɨ nɨ nɔʼ chè mbe nɨ mbaŋə̀ zɔ̂ fə ghɨ ə?”

Jn 9:32

Tɨ ənɨ Ŋwìə̀ nyaʼa tekɨ ɨsɨg, chəi bə̂d kweʼ zu ni wə̀d mɔʼɔ fə fìʼ əghə ə wə̀d nɨ mbɨ nyaʼa gywɨ əfɨgə.

Jn 9:41

Yeso nyaʼa wììrɨ̀ əmbɨ mɨ̀mə̌d ni, “À mɨ yeʼ nɨ mbə yɨ mɨfɨgɨ̀, njɨ chəi ɨgu-ənû ɨgwɨ nən. Àyɨə ɨchî nɨ mbə̀ gha ni mbə mbɨə zə ɨsɨ, ɨgu-ənû we kɨrɨ tən ɨgwɨ nən.”

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 2:22

“Mɨ̀Izre, mbə̀ zu ɨŋgam wɔ̂: Yeso we rɨ ə Nazàret yɨə wə̀d we nɨ Ŋwìə̀ nyaʼa chɔʼɔ. Ŋwìə̀ nyaʼa chè ənjìm məd ghɨ̀ ɨnû kyeŋ kyeŋ, ghɨ̀ ɨnû yiirɨ bə̀ ghɨ̀ ɨnweenɨ-ɨnû əkaʼ nən, ɨchî nɨ mbə̀ kaŋ kyerɨ.

Rm 1:30

ɨ mbɨə chə̀kɨ̀ rɨkum bə̂d, ɨ mbɨə bàn ə Ŋwiə̀, ɨ mbɨə tə̀ə̀nɨ̀ə̀ bə̂d, ɨ mbɨə seenɨə, ɨ mbɨə nɔ̀ ɨnyod, ɨ mbɨə tekɨ mɨnə̂njɨ̀ fi nɨ ghɨ ɨnû rɨbɔ̀ŋ, ɨ mbɨə bə̀ ghɨ̀ rɨ̀zuə̀ əmbɨ mbə mɨ̀mbǎʼ bə̀ fɔrɨ əmbɨ mbə mɨ̀nɨ̌ŋ.

2 Timotì 3:4

Mbɨ bɨrɨ sɨə fènə̀ bə̂d, sɨə ghɨ̀ ɨnû zɨ rɨ kɔndɨ, bə̀ sɨə nɔ ɨnyod. Mbɨ bɨrɨ sɨə ghaʼ ɨnû mbe nɨ nyamnyod tɨ mɨ̀mə̌d ə feenɨə chè ɨchî nɨ mbɨ ghaʼ ə Ŋwiə̀.

Jems 4:4

Mbə yɨ ɨghabɨ məyi namɨ nɨə niirɨə mbaŋə̀! Chəi mbə̀ kyerɨ ni wə̀d we nɨə kə̀b jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀ ə? Əne wə̀d mɔʼɔ we nɨ ghaʼ ənû nɨ jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀.