Jn 15:15 - Meta’

¹⁵ Chəi mɨə wɨrɨə tɔŋ əwən ənɨ bə̂d ə̀fàʼì, ɨmbə̀ʼ ɨghəm nɨ chəi wə̀d ə̀fàʼì kyerɨ əghɨ ze nɨ mbǎʼ ə̀fàʼì məd ə ghɨ̀ə̀. Àyɨə mə wɨə tɔŋ əwən ənɨ mɨ̀sə̀ʼ, ɨmbə̀ʼ ɨghəm nɨ ɨnû jìm mbe nɨ mə zu rɨ əmbɨ mɨ Mbǎʼ, mə fə ghà ɨ nən.

Ikan feg

¹⁵ Chəyi mə̀ ywìrè kàrà awən ane bəd àfàʼì imbə̀ʼ icheg ne, chəyi bəd àfàʼì kyeri inug ìmbi ìwɔb mbaʼ àfàʼì. Mə ya se kàrà awən yaʼ ane ìmbum mə̀sə̀ʼ imbə̀ʼ icheg ne, inug mbe ne ìmə Mbaʼ gha inum, mə fə ghì mbə̰ kyeri kwàʼ ijìm.

Jn 15:15 교차 참조

Matìyò 13:11

Wɨ̀ nyaʼa wììrɨ̀ əmbɨ mɨ̀mə̌d ni, “Ŋwìə̀ fə nàʼ ɨwe ɨ nən ni mbə̀ kyerɨ ɨnû mbe nɨ yeʼ ənə̀mə ɨmbə̀ʼ ənû ɨfɔ̀n rɨkaŋ, àyɨə chəi wɨ̀ naʼ ɨwe we əmbɨ mɨ̀mə̌d.

Lk 10:23

Ənɨ wɨ̀ nyaʼa ghà əne, wɨ̀ nyaʼa bèŋ ghà əmbɨ mə̀mə̀ə̀nɨ̀-ɨnû mbe ənjìm ənjìm ni, “Ŋwìə̀ zɨ əbɔrəbɔd ɨgun əghə ze nɨə zə ɨghɨ mbe nɨ mbə̀n ə zəə!

Jn 12:26

Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Jn 13:16

Mə ghà rəsìʼ ɨ nən ni chəi wə̀d ə̀fàʼì mɔʼɔ nɨ dabə chè i mbǎʼ ə̀fàʼì, kɨ̀ wə̀d tom nɨ dabə chè wə̀d we nɨ tom əməd.

Jn 15:20

Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Jn 16:12

“Mə kɨrɨ berɨ ɨnû nɔnɔʼ nɨ gha ɨ nən, àyɨə ɨnû mbe ə nɔʼ chè ɨchî nɨ tɨ̀ mbə zu rɨ̀nîn yim ɨjìm.

Jn 17:26

Mə nyaʼa ghɨ̀ ni mbɨ kyerɨ əwe. Mə bɨrɨ kɨrɨ wo ɨmbì ghɨ̀ ni mbɨ jeŋgɨ kyerɨ əwe, ɨmbə̀ʼ ɨchî nɨ à ghaʼ əmɨ bə yeʼ əkaʼ mɨ̀mə̌d, fɔrɨ ni mɔ̌ bə̂ mə̀ bə̀ yeʼ əkaʼ mɨ̀mə̌d.”

Jn 20:17

Yeso nyaʼa ghà ɨ bɔ ni, “Tɨrə̀ yim e əmɨ, ɨmbə̀ʼ ɨghəm nɨ chəi mə kɨrɨ wò ɨkaŋ əsɨ mɨ Mbǎʼ. Àyɨə ndə̀ əsɨ mbɨ bɔŋgɔb pè ghà əmbɨ mɨ̀mə̌d ni mə yɨ əni wò ɨkaŋ əsɨ mɨ Mbǎʼ nɨ bə yeʼ ə Mbǎʼ, bə̀ wò əsɨ mɨ Ŋwiə̀ nɨ bə yeʼ ə Ŋwiə̀.”

Jn 4:19

Əyi we nyaʼa ghà ɨ bɔ ni, “Masà, mə zə ni àwɔ̀ yɨə wə̀d ɨ̀kə̀n Ŋwìə̀.

Jn 8:26

Mə berɨ ɨnû nɔnɔʼ nɨ gha ɨmbə̀ʼ əwən. Mə bə̀ berɨ ɨnû nɔnɔʼ nɨ zɨ ɨsaʼi ɨgwɨ nən. Wə̀d we nɨ nyaʼa tom əmɨ wɨə ghà rəsìʼ, əne ɨnû mbe nɨ mə̀ zu rɨ bɔ, yɨ mbɨwən mbe nɨ mɨə ghà əmbɨ ɨsɨg.”

Ɨ̀fàʼì 20:27

ɨmbə̀ʼ ɨghəm nɨ chəi mə̀ nyaʼa nuŋ ənû ə mɔʼɔ ze nɨ Ŋwìə̀ nyaʼa taŋ nùŋ ɨmbə̀ʼ əwən nɨ chəi mə̀ gha ɨ nən.

Rm 7:15

Chəi mɨ ətu ə kɨrɨ zeŋ ɨmbə̀ʼ ɨnû mbe nɨ mɨə ghɨ̀ə̀, ɨmbə̀ʼ ɨghəm nɨ chəi mɨə ghɨ̀ ɨnû mbe nɨ mə kə̀bɨ. Mə wɨə ghɨ̀ yeʼ mbe nɨ mə̀ banɨ.

1 Kɔrèn 2:16

Ə zɨ ɨŋga Ə̀ŋwàʼnɨ̀ ə Ŋwiə̀ ni, “À kɨə we nɨ kyerɨ ɨnû mbe nɨ Ŋwìə̀ ə kɔndɨə ɨmbə̀ʼ kəərɨ əməd ə?” Àyɨə tɨ̀ we tɨ̀ rɨ̀ kyerɨ ɨnû mbɔ̂ ɨmbə̀ʼ ɨghəm nɨ ənû ze nɨ Kristo ə kɔndɨə ə zɨ ɨŋga ta fîŋ.

Gàlesìyà 4:6

Ɨchî nɨ mbə̀ yeʼ bɔn, Ŋwìə̀ fə chà Əzwî ə Wan məd ɨŋga ta fîŋ. Əzwî ze ə zɨə kyeŋə ghàə̀ ni, “Mbǎʼ, mɨ Mbǎʼ!”

Efesùs 1:9

Wɨ̀ nyaʼa nɨŋ ɨwe jìm mbɨ ɨkyerɨ-ɨnû jìm ghɨ̀ tɨ̀ kyerɨ ɨnû mɔʼɔ mbe nɨ nyaʼa ənə̀mə. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ fɔrɨ ɨmbə̀ʼ ɨchî nɨ wɨ̀ nyaʼa fə taŋ nùŋ ənɨ ɨfɔtɨ mbɨ Kristo.

Efesùs 3:5

Chəi Ŋwìə̀ nyaʼa ghɨ ni tɨ̀ghə̀m rɨ bə̂d te nɨ nyaʼa fə che kyerɨ ənû zɔ̂ ɨchî nɨ wɨ̀ fə che ənjìm Əzwî tɨ̀nîn chwi əmbɨ mbi bə̂d tom zeŋɨ bə̀ chwi əmbɨ mbi bə̂d ɨ̀kə̀n.

Kòlosè 1:26

Mbɨ nyaʼa fə nə̀m ɨŋgam we rəŋwe rəŋwe bə̀ nə̀m rɨ əmbɨ rɨghəm rɨ bə̂d nɔnɔʼ. Àyɨə rɨ̀nîn Ŋwìə̀ fə ghɨ ni bə̂d məd kyerɨ.

Filemɔ̀n 1:16

Chəi à bɨrɨ wɨrɨ nɨŋ əməd ɨghabɨ ə̀bòʼò. À bɨrɨ nɨŋ əməd ɨghabɨ wə̀d nɨ chè ə̀bòʼò. Məd yɨ aŋgɔb nɨ tɨ̀ ghaʼi kwàʼ rɨŋgəʼ. Mə ghaʼ əməd, àyɨə mə kyerɨ ni à ghaʼ əməd chè əmɨ. Ghaʼ əməd ɨghabɨ ə̀bòʼò fɔrɨ ɨghabɨ aŋgɔb ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg.

Jems 1:1

À yɨə mɔ̌ Jems, nɨ mə̀ yeʼ wə̀d ə̀fàʼì Ŋwìə̀ mbɨ wɨ Ə̀nùŋɨ̀sɨg Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mɨnəbɨ mɨ̀Jû mbe wum chɔ̀b rɨ̀be nɨ jaŋ ɨŋga ɨsɨg jìm. Mə chàʼrɨ̀ əwən.

Jems 2:23

Ə̀ŋwàʼnɨ̀ ə Ŋwiə̀ ə nyaʼa jwɨ̀ ənɨ rəsìʼ ɨchî nɨ zɨə nyaʼa gha ni, “Abràham nyaʼa ben ə Ŋwiə̀ əne Ŋwìə̀ nyaʼa ben ni məd ə təm kùʼnɨ̀.” Əze ə nyaʼa ghɨ̀ ni Ŋwìə̀ tɔŋ əməd ənɨ i sə̀ʼ.

1 Pità 1:11

Mbɨ nyaʼa bə̀ jeŋgɨ nwèndɨ̀ ɨnû ze nɨ Əzwî ə Kristo ze nɨ yeʼ ɨŋga mɨ̀mə̌d ə nyaʼa be ghà əmbɨ mɨ̀mə̌d ɨmbə̀ʼ ɨchî nɨ Kristo nyaʼa wo zə ŋgəʼ. Mbɨ nyaʼa bə̀ jeŋgɨ nwèndɨ̀ ɨwumnɨ kyeŋ we nɨ wɨ̀ nyaʼa wo berɨ. Mbɨ nyaʼa bə̀ jeŋgɨ nwèndɨ̀ ɨmbə̀ʼ wə̀d we məd yeʼ wɨwən bə̀ nwèndɨ̀ ə nyùmə̀ we nɨ ɨnû mbe bɨrɨ ghɨ̀.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.