Jn 14:26 - Meta’

²⁶ Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Ikan feg

²⁶ Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Jn 14:26 교차 참조

Matìyò 1:18

Ɨchî nɨ mbɨ nyaʼa gywɨ ə Yeso Kristo yɨ əni: Jòsêf nyaʼa nyɨ ə Mèri we nɨ nyaʼa gywɨ ə Yeso. Àyɨə bɔŋ mbɨ nyaʼa sɨə namə, mbɨ nyaʼa zə ni Əzwî ə Zeŋɨ ə nyaʼa fə ghɨ̀ Mèri sɨ rɨ̀bùmə̀.

Matìyò 1:20

Ənɨ wɨ̀ nyaʼə kɨrɨ kɔndɨə əne, aŋgɨrə̀ Ə̀nùŋɨ̀sɨg nyaʼa jwɨ̀ ɨ bɔ ə njə̀m ghà ɨ bɔ ni, “Jòsêf, àwɔ̀ nɨ yeʼ wan tɨ ənɨ əghaŋ ə Dèvîd, tɨrə̀ bɔ e nɨ nɨŋ ə Mèri ənɨ e ɨwi, ɨmbə̀ʼ ɨghəm nɨ à yɨ Əzwî ə Zeŋɨ ə ghɨ ni wɨ̀ sɨ rɨ̀bùmə̀.

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Matìyò 3:11

“Mə wɨə nàʼ mɨnib ɨ nən ɨ chwi ni mbə fə bèŋ tə fîŋ, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ beʼ ɨtabɨ məd. Məd bɨrɨ cha Əzwî ə Zeŋɨ bə̀ chà ɨwid ɨgwɨ nən.

Mk 12:36

Əzwî ə Zeŋɨ ə nyaʼa fe ə Dèvîd wɨ̀ ghà ziə ni, 'Ə̀nùŋɨ̀sɨg nyaʼa ghà əmbɨ mɨ Ə̀nùŋɨ̀sɨg ni, Chub ənɨ mɨ əbɔ ə jɨgɨ, pè ənɨ mə̀ nuŋ mbe bə̂d pə̀n əton mbe ɨwu.'

Mk 13:11

Ənɨ mbɨ gywɨ əwən wò ɨfě mə̀saʼ ɨbeŋ, tɨ mbə̀ nwìʼ ə ɨnyod ɨmbə̀ʼ ənû ze nɨ mbə̀ bɨrɨ ghà. Mbə ghà àmei ənû ze nɨ Ŋwìə̀ gha ɨ nən ənɨ ə nyùmə̀ we, ɨmbə̀ʼ ɨghəm nɨ à yɨ Əzwî ə Zeŋɨ ə ghàmə̀, kaʼi mbə̀nə.

Lk 1:15

Wɨ̀ bɨrɨ yeʼ ədabɨ ə wə̀d ɨfě Ə̀nùŋɨ̀sɨg. Kaʼ wɨ̀ bɨrɨ nɔ i mɨnoʼ əgɔ̂ kɨ̀ mɨnoʼ kǎ kǎ. Əzwî ə Zeŋɨ ə bɨrɨ swi ɨŋga məd kɔ rɨ ənɨ mbɨ gywɨ əməd.

Lk 1:35

Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

Lk 1:41

Ənɨ Èlisabèt nyaʼa zu ə̀chàʼrɨ̀ ə Mèri, wan we nyaʼa gàtɨ̀ ɨŋga ɨ̀bùm məd. Əzwî ə Zeŋɨ nyaʼa swi ɨŋga məd,

Lk 1:67

Əzwî ə Zeŋɨ nyaʼa swi ɨŋga Zèkàriyà, mbǎʼ Jɔ̌n, əne wɨ̀ nyaʼa ghà ɨkə̂n Ŋwiə̀ ni,

Lk 11:13

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ nɨ yeʼ ɨkaŋ bɨrɨ kaŋ naʼ Əzwî ə Zeŋɨ əmbɨ ə bə̂d mbe nɨ nɔn ɨ bɔ!”

Lk 2:25

Mbaŋə̀ mɔʼɔ zɨə nyaʼa ə Jèrusalèm nɨ ɨkum məd nyaʼə Simiòn. Ɨ wɨə nyaʼə ghɨ̀ ɨnû nɨ kuʼnɨ. Ɨ wɨə nyaʼə nùŋ i fîŋ ɨgun ə Ŋwiə̀. Ɨ wɨə nyaʼə bə̀ wòmə̀ nyùmə̀ we nɨ Ŋwìə̀ bɨrɨ chɨ mɨ̀Izre rəŋgəʼ. Əzwî ə Zeŋɨ ə nyaʼa ɨgwɨ məd.

Lk 24:49

Mbə̀ zə, mə bɨrɨ cha əghɨ ze nɨ mɨ Mbǎʼ kaʼ ɨ nən. Àyɨə mbə̀ chub ə Jèrusalèm pè ənɨ Ŋwìə̀ naʼ ɨka nən.”

Lk 3:22

əne Əzwî ə Zeŋɨ ə nyaʼa swiʼi yeʼe ɨgwɨ məd ɨghabɨ tə̀bə̀ŋə. Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Jn 1:33

Mɔ̌, ənɨ mɨ ɨghəm, chəi mə nyaʼa kyerɨ ni à yɨə məd, àyɨə Ŋwìə̀ we nɨ nyaʼa cha əmɨ ni mə̀ naʼ mɨnib nyaʼa ghà ɨ num ni, 'Wə̀d we nɨ Əzwî ə swiʼi chub ɨgwɨ məd yɨ we nɨ bɨrɨ naʼ yeʼ ənɨ Əzwî ə Zeŋɨ əmbɨ ə bə̂d.'

Jn 12:16

Chəi ɨtu mə̀mə̀ə̀nɨ̀-ɨnû ɨməd nyaʼa kɨrɨ zeŋ ɨmbə̀ʼ ənû zɔ̂ ənɨ ə nyùmə̀ we. Àyɨə ənɨ Ŋwìə̀ nyaʼa zwemnɨ əməd naʼ ɨwumnɨ ɨ bɔ, mə̀mə̀ə̀nɨ̀-ɨnû mbe nyaʼa sɨ kɔndɨ ni mbɨ nyaʼa ŋwàʼnɨ̀ ənû zɔ̂ ɨmbə̀ʼ əməd ɨŋga Ə̀ŋwàʼnɨ̀ ə Ŋwiə̀. Mbɨ nyaʼa bə̀ kɔndɨ ni mbɨ fə ghɨ ənû rəŋgu ənɨ məd.

Jn 14:16

Mbə mɨ ghɨ̀ əne, mə bɨrɨ biirɨ əmbɨ Mbǎʼ, əne wɨ̀ bɨrɨ naʼ Ə̀wèèrɨ̀-bə̂d cherə ɨ nən nɨ bɨrɨ chubɨ mbɨ nən koŋ.

Jn 14:25

“Mə fə ghà ɨnû mbɔ̂ ɨ nən ənɨ mə kɨrɨ mbɨ nən.

Jn 15:26

“Ənɨ Ə̀wèèrɨ̀-bə̂d we nɨ mə bɨrɨ tom ɨ nən tɨ əmbɨ ə Mbǎʼ yeʼe, wɨ̀ bɨrɨ gha ɨnû ɨmbə̀ʼ əmɨ. Məd yɨ Əzwî ze nɨ Mbǎʼ chǎ. Məd bɨrɨ du rəsìʼ əsaŋ.

Jn 16:7

Mə ghà rəsìʼ ɨ nən ni zɨə kàŋ bɔ̀ŋ ni mə̀ wo ə, ɨmbə̀ʼ ɨghəm nɨ mə mɨ rɨka wo əmɨ, njɨ chəi Ə̀wèèrɨ̀-bə̂d we bɨrɨ yeʼe ɨ nən. Mə mɨ wò, mə bɨrɨ cha əməd ɨ nən.

Jn 2:22

Ənɨ Ŋwìə̀ nyaʼa zwemnɨ əməd, mə̀mə̀ə̀nɨ̀-ɨnû ɨməd nyaʼa wɨrɨ kɔndɨ ni wɨ̀ nyaʼa ghà ənû zɔ̂, əne mbɨ nyaʼa ben ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ bə̀ ben ɨŋgam we nɨ Yeso nyaʼa bə̀ ghà.

Jn 20:22

Ənɨ wɨ̀ nyaʼa fə gha ənû zɔ̂, wɨ̀ nyaʼa zwì ɨgwɨ mɨ̀mə̌d, ghà əmbɨ mɨ̀mə̌d ni, “Əzwî ə Zeŋɨ ə yeʼe ɨgwɨ nən.

Jn 6:45

Bə̂d ɨ̀kə̀n Ŋwìə̀ nyaʼa ŋwàʼnɨ̀ ni, 'Ŋwìə̀ bɨrɨ chwi ɨnû əmbɨ mɨ̀mə̌d mɨjìm.' Wə̀d jìm we nɨ zu ənû ze nɨ Ŋwìə̀ ghǎ bə̀ kwembɨ ənû rɨ bɔ bɨrɨ yeʼe əsɨ num.

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

Ɨ̀fàʼì 1:2

wò pè əni ze nɨ Ŋwìə̀ nyaʼa nɨŋ əməd ɨkaŋ. Bɔŋ wɨ̀ nyaʼə sɨə wò ɨkaŋ, wɨ̀ nyaʼa chè ənjìm Əzwî ə Zeŋɨ nàʼ rɨkə əmbɨ ə bə̂d tom mbe nɨ wɨ̀ nyaʼa fə chɔʼɔ.

Ɨ̀fàʼì 1:4

Ənɨ wɨ̀ nyaʼa kɨrɨ i mbɨ mɨ̀mə̌d, wɨ̀ nyaʼa patɨ mɨ̀mə̌d ni, “Tɨ mbə̀ nɔʼ ə rɨ ə Jèrusalèm, àyɨə mbə̀ chubɨ wòm ɨneʼe we nɨ mə̀ nyaʼa gha ɨ nən, əne yɨ ɨneʼe we nɨ mɨ Mbǎʼ nyaʼa kaʼ ni tə bɨrɨ naʼ ɨ nən.

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Ɨ̀fàʼì 11:16

Əne mə nyaʼa kɔndɨ ɨŋgam Ə̀nùŋɨ̀sɨg, ɨchî nɨ wɨ̀ nyaʼa gha ni, 'Jɔ̌n wɨə nyaʼə nàʼə̀ mɨnib, àyɨə Ŋwìə̀ bɨrɨ naʼ Əzwî ə Zeŋɨ ɨ nən.'

Ɨ̀fàʼì 13:2

Ənɨ mbɨ nyaʼə wumnɨ ə Ə̀nùŋɨ̀sɨg bə̀ chubə rɨ jɨg, Əzwî ə Zeŋɨ ə nyaʼa ghà əmbɨ mɨ̀mə̌d ni, “Mbə̀ sweŋ ə Banabàs mbɨ Sɔ̂l ɨ num ɨmbə̀ʼ mbɨ faʼ ə̀fàʼì ze nɨ mə chɔʼ mɨ̀mə̌d ni mbɨ faʼa.”

Ɨ̀fàʼì 13:4

Əzwî ə Zeŋɨ ə nyaʼa tom ə Banabàs mbɨ Sɔ̂l, əne mbɨ nyaʼa swiʼi wò ə Selusià. Mbɨ nyaʼa nɔ̀ʼ rəŋgu nyɨ əbaŋ ɨgyɨ̀ baanɨ wò əkəm əsɨ ze rɨŋga ɨgyɨ̀ nɨ mbɨ nyaʼə tɔŋ ənɨ Saiprùs.

Ɨ̀fàʼì 15:28

Zɨə bɔ̀ŋ əmbɨ Əzwî ə Zeŋɨ bə̀ bɔ̀ŋ ɨ na ni tɨ rɨ̀ nyeŋ a ɨnû cherə ɨgwɨ nən chè rɨ ənɨ mbɔ̂ nɨ mbə berɨ nɨ ghɨ̀.

Ɨ̀fàʼì 15:8

Əne Ŋwìə̀ we nɨ kyerɨ fîŋ rɨ bə̂d mɨjìm nyaʼa chwi ni tə fə chɔʼɔ mɨ̀mə̌d ɨchî nɨ wɨ̀ nyaʼa naʼ Əzwî ə Zeŋɨ əmbɨ mɨ̀mə̌d àmei ɨchî nɨ wɨ̀ nyaʼa bə̀ naʼ ɨ na.

Ɨ̀fàʼì 16:6

Pɔ̂l mbɨ Sailàs fɔrɨ ə Timotì nyaʼa wò chè ə Frigìà nɨ nyaʼa ɨŋga əbà əbeŋ ze rɨ ə Gàlesià. Chəi Əzwî ə Zeŋɨ ə nyaʼa ben ni mbɨ ghà ɨŋgam Ŋwiə̀ ə Esià.

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

Ɨ̀fàʼì 2:4

Əzwî ə Zeŋɨ ə nyaʼa swi ɨŋga mɨ̀mə̌d mɨjìm, əne mbɨ nyaʼa kɔ gham mɨŋgam ɨbeŋ cherə, ɨchî nɨ Əzwî ze ə nyaʼa naʼ ɨka əmbɨ mɨ̀mə̌d.

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

Ɨ̀fàʼì 20:35

Ənɨ ɨnû jìm, mə fə chwi ɨ nən ni zɨə bɔ̀ŋ ni tɨ̀ faʼ rɨkǎ ɨmbə̀ʼ weerɨ bə̂d mbe nɨ kwaŋ ɨghɨ. Mbə̀ kɔndɨ ɨŋgam Ə̀nùŋɨ̀sɨg Yeso ɨchî nɨ wɨ̀ nyaʼa gha ni, 'Wə̀d we nɨə nàʼə̀, wɨə berɨ əbɔrəbɔd chè we nɨə nɨŋə.'”

Ɨ̀fàʼì 28:25

Ɨchî nɨ chə nyaʼa i mɨ̀mə̌d ənɨ ɨchû mɔʼ, mbɨ nyaʼa jwɨ̀ rɨŋga nəb Pɔ̂l, ənɨ wɨ̀ nyaʼa fə ghǎ ənû zɔ̂ ə mɔʼ ni, “Əzwî ə Zeŋɨ ə nyaʼa kùʼ ɨchî nɨ zɨə nyaʼa chè ənjìm wə̀d ɨ̀kə̀n Ŋwìə̀ Aizayà ghà əmbɨ mbə mɨ̀mbǎʼ rəŋwe ni,

Ɨ̀fàʼì 5:3

Ənɨ wɨ̀ nyaʼa nùŋ əne, Pità nyaʼa biirɨ ɨ bɔ ni, “Ànàniàs, əton nɨ à saŋ ni Satàn nyɨ ɨŋga e fîŋ ghɨ̀ ni à ghà mɨghab əmbɨ Əzwî ə Zeŋɨ, əne nùŋ əba rɨ ənɨ ɨkab we nɨ à fen əsɨ ə si ze, kɨ ɨmbə̀ʼ ə yè ə?

Ɨ̀fàʼì 7:51

“Mbə yɨə mɨ̀-ə̀kà ɨtu! Tə fîŋ mbɨ mbə ɨ̀tǒŋ yɨ ɨghabɨ tɨ bə̂d mbe nɨ kaʼi mɨ̀Jû! Chəi mbə̀ə zuunɨ Əzwî ə Zeŋɨ! Mbə yɨ ɨghabɨ mbə mɨ̀mbǎʼ rəŋwe. Mbə mbɨə ghɨ̀ àmei ɨnû mbe nɨ mɨ̀mə̌d nyaʼə ghɨ̀ə̀.

Ɨ̀fàʼì 7:55

Àyɨə Stɨfɨ̀n, nɨ Əzwî ə Zeŋɨ ə nyaʼa swi ɨŋga məd, nyaʼa neŋ ɨkaŋ zə ɨzeŋɨ zeŋɨ Ŋwiə̀ bə̀ zə ə Yeso nɨ nyaʼa təm əbà əbɔ ə jɨgɨ ə Ŋwiə̀.

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

Rm 15:16

ni mə yeʼ wə̀d ə̀fàʼì Kristo Yeso əmbɨ ə bə̂d mbe nɨ kaʼi mɨ̀Jû. Mə wɨə fàʼ ɨghabɨ ə wə̀d mbàn Ŋwìə̀ ɨchî nɨ mɨə ghà ɨkə̂n chɔ̀m ɨmbə̀ʼ ə Ŋwiə̀. Əne yɨ ɨmbə̀ʼ bə̂d mbe nɨ kaʼi mɨ̀Jû yeʼ ɨghɨ ə̀fà nɨ Ŋwìə̀ benɨ, nɨ Əzwî ə Zeŋɨ fə bə̀ ghɨ̀ ni mbɨ zeŋ.

Rm 5:5

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

1 Kɔrèn 12:3

Əne tɨ̀nîn mə kə̀b ni mbə̀ kyerɨ ni chəi wə̀d mɔʼɔ we nɨə ghà ɨŋgam nɨ Əzwî ə Ŋwiə̀ ə naʼ ɨ bɔ we tɨ̀ wɨ̀ ghà ni, “Ndɔ̀n nyɨ ɨgwɨ ə Yeso.” Mə bə̀ kə̀b ni mbə̀ kyerɨ ni chəi wə̀d mɔʼɔ we tɨ̀ wɨ̀ ghà ni, “Yeso yɨ Ə̀nùŋɨ̀sɨg,” nɨ kaʼi Əzwî ə Zeŋɨ ə ghɨ ni wɨ̀ gha əne.

1 Kɔrèn 6:19

Chəi mbə̀ kyerɨ ni tə nyamnyod yɨə mbàn əmbɨ Əzwî ə Zeŋɨ ze nɨ yeʼ ɨŋga nən, nɨ Ŋwìə̀ nyaʼa naʼ ɨ nən ə? Ka tə nyamnyod yɨ i tən.

2 Kɔrèn 13:14

Ɨ̀chɔ̀m Ə̀nùŋɨ̀sɨg Yeso Kristo, ɨghaʼi Ŋwiə̀ mbɨ ɨfɔtɨ we nɨ tɨ̀ berɨ mbɨ Əzwî ə Zeŋɨ yeʼ mbɨ mbə̀n mɨjìm.

2 Kɔrèn 6:6

Tɨ̀ wɨə chwiə ni tɨ yɨə bə̂d nɨ zeŋɨ. Tɨ̀ wɨə chwiə ni tɨə kyerɨ ənû. Tɨ̀ wɨə yimə fîŋ. Tɨ̀ wɨə ghɨ̀ ɨ̀chɔ̀m. Əzwî ə Zeŋɨ ə zɨ ɨŋga na. Tɨ̀ wɨə ghaʼə bə̂d ənɨ ta fîŋ rɨ̀jìm.

Efesùs 1:13

Mbə̀n bə̂ mbɨə nyaʼa ənɨ ɨfɔtɨ mbɨ Kristo, ənɨ mbə̀ nyaʼa zu ɨŋgam we nɨ yeʼ wɨ rəsìʼ, nɨ yeʼ ɨkə̂n chɔ̀m ɨmbə̀ʼ ɨchî nɨ Ŋwìə̀ bɨrɨ chɨ əwən rəŋgəʼ. Mbə nyaʼa zu benɨ, əne Ŋwiə̀ nyaʼa zɨ̀ ənweenɨ ɨgwɨ nən nɨ yeʼ Əzwî ə Zeŋɨ ze nɨ wɨ̀ nyaʼa kaʼi.

Efesùs 1:17

Mə wɨə kɔ̀ŋgɨ̀ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo, nɨ yeʼ Mbǎʼ nɨ ɨwumnɨ jìm yeʼ wɨ məd, ni wɨ̀ naʼ e Əzwî ɨ nən ɨmbə̀ʼ mbə̀ berɨ ɨwe. Mə wɨə bə̀ kɔ̀ŋgɨ̀ə̀ ni wɨ̀ chwi wi rəsìʼ ɨ nən ɨmbə̀ʼ mbə̀ jeŋgɨ kyerɨ əməd.

Efesùs 4:30

Tɨ mbə̀ ghɨ ə ni Əzwî ə Ŋwiə̀ ə Zeŋɨ ə kənə. Əzwî ə Zeŋɨ ze yɨ ənweenɨ nɨ chwi ni mbə yɨə bə̂d Ŋwiə̀ wò pè əni ze nɨ Ŋwìə̀ bɨrɨ choʼ mbə ɨtu.

1 Tèsàlonikà 4:8

Chəi wə̀d mɔʼɔ we nɨ ton tɨkə tɔ̂ ton wə̀d mɨ̀sɔŋɨchù, wɨ̀ ton yeʼ Ŋwiə̀ we nɨə nàʼ e Əzwî ə Zeŋɨ ɨ nən.

2 Timotì 1:14

Nəŋgɨ rəsìʼ we nɨ Əzwî ə Zeŋɨ ze nɨ yeʼ ɨŋga na ə zɨ ɨŋga te rɨkyerɨ-ɨbɔ.

Tayitùs 3:5

wɨ̀ nyaʼa chɨ̀ əwa rəŋgəʼ. Chəi wɨ̀ nyaʼa ghɨ əne ɨmbə̀ʼ ɨnû chɔ̀m mɔʼɔ mbe nɨ tɨ̀ nyaʼa ghɨ̌. Wɨ̀ nyaʼa chɨ̀ əwa yeʼ ɨmbə̀ʼ ɨghəm nɨ wɨ̀ diirɨ əwa əne che ənjìm Əzwî ə Zeŋɨ sò əwa tɨ̀ zeŋ, bèŋ əwa tɨ̀ sɨ ɨghabɨ ə bɔn bɔd bə̀ nàʼ ɨ̀tènɨ̀ fi ɨ na.

Mə̀Hibrù 10:15

Əzwî ə Zeŋɨ yɨə bə̀ ə zərɨmbin ɨ na ənɨ ɨnû mbe nɨ wɨ̀ nyaʼa ghǎ. Əzwî ze ə nyaʼa bè ghà ni,

Mə̀Hibrù 2:4

Ŋwìə̀ nyaʼa bə̀ chwiə ni ɨkə̂n we nɨ mbɨ̀aŋgɨrə̀ nyaʼa gha yɨ wɨ rəsìʼ, ɨchî nɨ wɨ̀ nyaʼa ghɨ̀ ɨnweenɨ-ɨnû, ghɨ̀ ɨnû nɨ chè bə̂d bə̀ ghɨ̀ ɨnû yiirɨ tɨkwɨrɨkwɨ. Wɨ̀ nyaʼa bə̀ ghàpɨ̀ mɨneʼe mbe nɨ Əzwî ə Zeŋɨ ə nàʼə̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ.

Mə̀Hibrù 3:7

Əzwî ə Ŋwìə̀ ə zɨə ghàə̀ ni, “Tə̀chɔ̀ŋ, mbə̀ mɨ nɨə zu gɨ̂ Ŋwìə̀,

Mə̀Hibrù 9:8

Ɨchî nɨ zɨə yeʼ ɨchî wɔ̂, Əzwî ə Zeŋɨ ə zɨə chwiə ni chəi mbɨ kɨrɨ fiʼ ɨnə̂njɨ̀ nɨ wo ɨŋga əsɨ ɨwumnɨ nɨ ətu ə nəb ze nɨə nèŋ ɨsɨg ə kɨrɨ əŋgu.

1 Pità 1:12

Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

2 Pità 1:21

ɨmbə̀ʼ ɨghəm nɨ chəi ɨkə̂n Ŋwiə̀ nyaʼa yeʼe ɨchî nɨ bə̂d mɨ̀sɔŋɨchù nyaʼa kəbɨ. À yɨ Əzwî ə Zeŋɨ ə nyaʼa ghɨ ni bə̂d gha ɨkə̂n Ŋwiə̀.

1 Jɔn 2:20

À yeʼ ɨmbə̀ʼ əwən, Wə̀d Zeŋɨ fə zɔʼ əwən, əne mbə̀n mɨjìm fə kyerɨ rəsìʼ.

1 Jɔn 2:27

À yeʼ ɨmbə̀ʼ əwən, Əzwî ze nɨ Kristo nyaʼa cha ɨ nən ə fə ten i ɨŋga nən, əne chəi ənɨ tɨ̀ wə̀d mɔʼɔ wɨrɨ chwi ənû ɨ nən. Əzwî ə zɨə chwi ɨnû jìm ɨ nən. Ɨnû mbe nɨ zɨə chwiə yɨ ɨnû rəsìʼ, nɨ chəi mɨghab ɨŋga. Mbə̀ ghɨ ɨnû mbe əne chubɨ ənɨ ɨfɔtɨ mbɨ Kristo.

1 Jɔn 5:7

Mɨ̀zərɨmbin mɨ̀tad mbɨə ghàə̀ ni ənû zɔ̂ yɨ ənû rəsìʼ.

Jûd 1:20

À yeʼ mbə̀nə, mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ wo ɨmbì kwi ɨŋga ə ɨbenɨ we nɨ fə zeŋɨ màànɨ̀. Mbə̀ kɔŋgɨ ə Ŋwiə̀ ɨchî nɨ Əzwî ə Zeŋɨ ə naʼ ɨka ɨ nən.

Ɨnû 2:11

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Kaʼ ɨvɨ we nɨ pe ənɨ wɨ be bɨrɨ betɨ i wə̀d we nɨ baŋ ɨnû rɨbɔ̀ŋ.'”