Jn 14:24 - Meta’

²⁴ Ka wə̀d we nɨ chəi wɨ̀ ghaʼ əmɨ bɨrɨ zu i mɨ ɨŋgam bə̀ nùŋ. Ɨnû mbe nɨ mbə fə zu kaʼi mbum, mbɨ yɨ rɨ əmbɨ Mbǎʼ we nɨ nyaʼa tom əmɨ.

Ikan feg

²⁴ Wə̀d ne chəyi wì kɔ̀ŋ amə, chəyi tengàŋ biri zugri ìtum tikə. Inug mbo̰ ne mə ghà inən kayi mə ghàmà ane ìmə ighəm. À ya ìmə Mbaʼ we ne cha amə, gha mə gha.

Jn 14:24 교차 참조

Matìyò 19:21

Yeso nyaʼa ghà ɨ bɔ ni, “À mɨ kə̀b bɔ̀ŋ màànɨ̀, ndə̀ wo fèndɨ̀ ɨghɨjìm mbe nɨ à berɨ, wò nàʼ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Jn 14:10

Chəi à ben ni mə wɨ ənɨ ənû ə mɔʼ mbɨ ə Mbǎʼ fɔrɨ ni Mbǎʼ wɨ ənɨ ənû ə mɔʼ mbɨ num ə? Ɨŋgam we nɨ mə̀ gha ɨ nən, chəi mə̀ ghà əmɨ ənɨ mɨ ɨghəm. À yɨə Mbǎʼ we nɨ yeʼ ənɨ ənû ə mɔʼ mbɨ num we ə ghɨ̀ ɨnû mbe nɨ wɨ̀ kəbɨ.

Jn 14:15

Yeso nyaʼa bə̀ yi ghà əmbɨ mbi mə̀mə̀ə̀nɨ̀-ɨnû ni, “Mbə mɨ ghaʼ əmɨ, mbə bɨrɨ nuŋ tum rɨkə.

Jn 14:25

“Mə fə ghà ɨnû mbɔ̂ ɨ nən ənɨ mə kɨrɨ mbɨ nən.

Jn 3:11

Mə wɨə ghà rəsìʼ ɨ ne ni tɨ̀ wɨə ghà ɨnû mbe nɨ tɨ̀ kyerɨ, bə̀ ghàə̀ mbe nɨ tɨ̀ fə zə, àyɨə chəi mbə̀ ben ɨnû mbe nɨ tɨə ghàə̀.

Jn 3:34

Ɨŋgam we nɨ wə̀d we nɨ Ŋwìə̀ tom ə ghàə̀ yɨ rɨ əmbɨ ə Ŋwiə̀, ɨmbə̀ʼ ɨghəm nɨ Əzwî ə Ŋwìə̀ ə zɨ ɨgwɨ məd nɨ chəi ənɨ tɨ̀ mbɨ mɨ̀g.

Jn 5:19

Yeso nyaʼa ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni, “Mə ghà rəsìʼ ɨ nən ni, chəi ənɨ tɨ̀ Wan ghɨ̀ ənû ə mɔʼɔ ənɨ i ɨghəm. Məd wɨə ghɨ̀ àmei ɨnû mbe nɨ wɨ̀ zə ənɨ Mbǎʼ ə ghɨ̀ə̀. Ənû ze nɨ Mbǎʼ ə ghɨ̀ə̀, Wan bɨrɨ bɨ ghɨ̀.

Jn 5:38

Chəi ɨŋgam məd ɨŋga tə fîŋ, ɨmbə̀ʼ ɨghəm nɨ chəi mbə̀ ben əməd we nɨ wɨ̀ nyaʼa tomɨ.

Jn 7:16

Yeso nyaʼa wììrɨ̀ əmbɨ mɨ̀mə̌d ni, “Kaʼ ɨnû mbɔ̂ nɨ mɨə chwiə yɨ i rɨ num. Mbɨ yɨ rɨ əmbɨ wə̀d we nɨ nyaʼa tom əmɨ.

Jn 7:28

Ənɨ Yeso nyaʼə chwi ɨnû ɨŋga mbàn Ŋwìə̀, wɨ̀ nyaʼa gham rɨ̀kǎ ghà ni, “Mbə kàŋ kyerɨ əmɨ bə̀ kyerɨ əsɨ ze nɨ mə̀ nɔʼ rəŋgu. Chəi mə nyaʼa yeʼe ɨŋga ɨsɨg wɔ̂ ənɨ mɨ ɨghəm. Àyɨə wə̀d we nɨ nyaʼa tom əmɨ wɨə ghàə̀ rəsìʼ. Chəi mbə̀ kyerɨ əməd,

Jn 8:26

Mə berɨ ɨnû nɔnɔʼ nɨ gha ɨmbə̀ʼ əwən. Mə bə̀ berɨ ɨnû nɔnɔʼ nɨ zɨ ɨsaʼi ɨgwɨ nən. Wə̀d we nɨ nyaʼa tom əmɨ wɨə ghà rəsìʼ, əne ɨnû mbe nɨ mə̀ zu rɨ bɔ, yɨ mbɨwən mbe nɨ mɨə ghà əmbɨ ɨsɨg.”

Jn 8:28

Əne wɨ̀ nyaʼa ghà əmbɨ mɨ̀mə̌d ni, “Ənɨ mbə̀ fə nɔ Wan Wə̀d əzed ə baʼnɨ, mbə bɨrɨ sɨ kyerɨ ni mɔ̌ yɨə wə̀d we nɨ mə̀ gha ni mə yɨ wɨwən, bə̀ kyerɨ ni chəi mɨə ghɨ̀ ənû ə mɔʼɔ ənɨ mɨ ɨghəm. Mə wɨə ghà àmei ənû ze nɨ Mbǎʼ gha ɨ num.

Jn 8:38

Mə wɨə ghà ɨnû mbe nɨ mə nyaʼa zə ənɨ mə nyaʼa mbɨ mɨ Mbǎʼ, àyɨə mbə̀ mbɨə ghɨ̀ə̀ yeʼ mbe nɨ mbə̀ nyaʼa zu rɨ əmbɨ mbə mɨ̀mbǎʼ.”

Jn 8:42

Yeso nyaʼa ghà əmbɨ mɨ̀mə̌d ni, “Ŋwìə̀ mɨ kə̀ʼ yeʼ ə Mbǎʼ, njɨ mbə ghaʼ əmɨ, ɨmbə̀ʼ ɨghəm nɨ mə yɨ rɨ əsɨ ə Ŋwiə̀. Chəi mə̀ nyaʼa yeʼe ənɨ mɨ ɨghəm. À yɨə məd nyaʼa tom əmɨ.