Jn 14:16 - Meta’

¹⁶ Mbə mɨ ghɨ̀ əne, mə bɨrɨ biirɨ əmbɨ Mbǎʼ, əne wɨ̀ bɨrɨ naʼ Ə̀wèèrɨ̀-bə̂d cherə ɨ nən nɨ bɨrɨ chubɨ mbɨ nən koŋ.

Ikan feg

¹⁶ Mə biri ghì gha, ìmə mbaʼ naʼa Àwètìbə̀d ndəŋ ne biri chughi tì inən ane ighə̀m imɔʼ.

Jn 14:16 교차 참조

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Jn 14:14

Mbə mɨ biirɨ ənû ə mɔʼɔ ənɨ mɨ ɨkum, mə bɨrɨ ghɨ ənû ze.”

Jn 14:18

“Chəi mə bɨrɨ saŋ əwən ɨghabɨ ni mbə yɨ mɨchɨ, àyɨə mə bɨrɨ wɨrɨ yeʼe əsɨ nən.

Jn 14:26

Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Jn 15:26

“Ənɨ Ə̀wèèrɨ̀-bə̂d we nɨ mə bɨrɨ tom ɨ nən tɨ əmbɨ ə Mbǎʼ yeʼe, wɨ̀ bɨrɨ gha ɨnû ɨmbə̀ʼ əmɨ. Məd yɨ Əzwî ze nɨ Mbǎʼ chǎ. Məd bɨrɨ du rəsìʼ əsaŋ.

Jn 16:22

Mbə mbɨə kə̀nə̀ tɨ̀nîn, àyɨə mə bɨrɨ wɨrɨ zə əwən. Ənɨ mə̀ wɨrɨ zə əwən, ɨghaʼi bɨrɨ swi ɨŋga tə fîŋ. Chəi wə̀d mɔʼɔ əŋgu nɨ bɨrɨ nɔ̀ chɨ̀ ɨghaʼi we rɨŋga tə fîŋ.

Jn 17:15

Chəi mə̀ gha ni à chɨ mɨ̀mə̌d rɨŋga ɨsɨg. Mə ghà yeʼ ni à kən mɨ̀mə̌d tɨ əmbɨ ə wə̀d rɨ̀bɔ̀ŋ.

Jn 17:20

“Mə wɨə kɔ̀ŋgɨ̀ əwe kaʼ àmei ɨmbə̀ʼ mɨ̀mə̌d mbɔ̂. Mə wɨə bə̀ kɔ̀ŋgɨ̀ əwe ɨmbə̀ʼ bə̂d mbe nɨ ben əmɨ ənjìm ɨŋgam we nɨ mbɨ mə̀mə̀ə̀nɨ̀-ɨnû gha əmbɨ mɨ̀mə̌d.

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

Ɨ̀fàʼì 1:4

Ənɨ wɨ̀ nyaʼa kɨrɨ i mbɨ mɨ̀mə̌d, wɨ̀ nyaʼa patɨ mɨ̀mə̌d ni, “Tɨ mbə̀ nɔʼ ə rɨ ə Jèrusalèm, àyɨə mbə̀ chubɨ wòm ɨneʼe we nɨ mə̀ nyaʼa gha ɨ nən, əne yɨ ɨneʼe we nɨ mɨ Mbǎʼ nyaʼa kaʼ ni tə bɨrɨ naʼ ɨ nən.

Ɨ̀fàʼì 13:52

Ɨghaʼi mbɨ Əzwî ə Zeŋɨ nyaʼa swi ɨŋga bə̂d mbe nɨ nyaʼa ben ə Kristo ə Antiɔ̀k.

Ɨ̀fàʼì 9:31

À nyaʼa ənɨ ə nyùmə̀ we, tɨfetɨ bə̂d Kristo rɨjìm te nɨ nyaʼə Jùdeyà mbɨ te nɨ nyaʼə Galiliî fɔrɨ te nɨ nyaʼə Sàmàriyà nyaʼa chub ənɨ əbɔrəbɔd. Bə̂d mbe nɨ nyaʼa benɨ mbɨə nyaʼə wumnɨ Ə̀nùŋɨ̀sɨg. Əzwî ə Zeŋɨ ə nyaʼə wèèrɨ̀ə̀ bə̂d mbe nɨ nyaʼa ben ə Kristo. Ɨnun mɨ̀mə̌d wɨə nyaʼə bə̀ nɔʼrɨə wò ɨmbì.

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

Rm 5:5

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

Rm 8:34

À kɨə we nɨ bɨrɨ gha ni mbɨ fə gù ɨsaʼi ə? À wa kɨə Kristo Yeso nɨ nyaʼa kwɨ, ee, nɨ Ŋwìə̀ nyaʼa zwemnɨ, nɨ chub əbà əbɔ ə jɨgɨ ə Ŋwiə̀, kɔ̀ŋgɨ̀ əməd ɨgwɨ mba ɨtu ə?

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Fìlipì 2:1

Ɨchî nɨ mbə̀ yeʼ ənɨ ɨfɔtɨ mbɨ Kristo zɨə tìmbɨ̀ əwən. Ɨchî nɨ wɨ̀ ghaʼ əwən wɨə nəərɨ əwən. Mbə mbɨ ənɨ ɨfɔtɨ mbɨ Əzwî ə Ŋwìə̀. Mbə mbɨə ghɨ̀ ɨ̀chɔ̀m ənɨ mbə bɔŋgɔb. Mbɨ mbɨə kə̀n ənɨ wə̀d mɔʼɔ we rəbɔʼ nən nɨə zəə ŋgəʼ.

2 Tès 2:16

A Ə̀nùŋɨ̀sɨg Yeso Kristo ziə mbɨ Ŋwìə̀ a Mbǎʼ, nɨ ghaʼ əwa ənjìm ɨ̀chɔ̀m məd, nəərɨ əwa koŋ bə̀ ghɨ ni tɨ̀ nuŋ ɨkɔndɨ wòm ɨnû chɔ̀m mbe nɨ wɨ̀ kaʼ ɨ na.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

1 Jɔn 2:1

Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨnû mbɔ̂ ɨ nən ɨmbə̀ʼ tɨ mbə̀ ghɨ ə ɨnû rɨbɔ̀ŋ. Àyɨə wə̀d mɔʼɔ mɨ ghɨ̀ ənû rɨbɔ̀ŋ, tɨ̀ berɨ wə̀d mɔʼɔ nɨə buʼ ɨbɔ əmbɨ Mbǎʼ ɨgwɨ mba ɨtu. Məd yɨə Yeso Kristo we nɨə ghɨ̀ ɨnû nɨ kuʼnɨ.

1 Jɔn 2:27

À yeʼ ɨmbə̀ʼ əwən, Əzwî ze nɨ Kristo nyaʼa cha ɨ nən ə fə ten i ɨŋga nən, əne chəi ənɨ tɨ̀ wə̀d mɔʼɔ wɨrɨ chwi ənû ɨ nən. Əzwî ə zɨə chwi ɨnû jìm ɨ nən. Ɨnû mbe nɨ zɨə chwiə yɨ ɨnû rəsìʼ, nɨ chəi mɨghab ɨŋga. Mbə̀ ghɨ ɨnû mbe əne chubɨ ənɨ ɨfɔtɨ mbɨ Kristo.

2 Jɔn 1:2

Mə ghaʼ əwən ɨmbə̀ʼ ɨghəm nɨ tɨ̀ kyerɨ rəsìʼ, əne rəsìʼ we bɨrɨ ten i ɨŋga na koŋ.