Jn 13:1 - Meta’

¹ À nyaʼa əni ze nɨ nyaʼə nàʼ əmbɨ əni Əchwɨ̂ ə Che-ɨgun, Yeso nyaʼa kyerɨ ni nyùmə̀ nyaʼa fə kùʼ ɨ bɔ nɨ saŋ ɨsɨg wɔ̂ wò əsɨ i Mbǎʼ. Ɨchî nɨ wɨ̀ nyaʼa ghaʼ bə̂d mbe rɨŋga ɨsɨg wɔ̂ nɨ nyaʼa mbi, wɨ̀ nyaʼa ghaʼ əne wò pè ənɨ ɨnwǐ.

Ikan feg

¹ À ya yaʼ igun aneg ze ne nàʼà abə aneg ne mbe jə̀ghə Iteri Chègun. Yeso ya fə kyeri gha, nyùmə̀ fə kòʼ ibo ni sàŋì isəg gho̰, ghò yi abɔ̀ʼ ìwi Mbaʼ. Wì ya kɔ̀ŋ bəd mbe igun isəg gho̰ ne ya ìmbi məd anene ghò pè ane ìnwḭ.

Jn 13:1 교차 참조

Matìyò 26:45

Wɨ̀ nyaʼa bə̀ndɨ̀ wò əsɨ mə̀mə̀ə̀nɨ̀-ɨnû mbe pè ghà əmbɨ mɨ̀mə̌d ni, “Mbə̀ kɨə kɨrɨ gwenə bə̀ zwììrɨ̀ əwən ə? Mbə̀ zə ni nyùmə̀ fə kùʼi, əne mbɨ fə fèn Wan Wə̀d əmbɨ ə bə̂d nɨə ghɨ̀ ɨnû rɨbɔ̀ŋ.

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Lk 22:53

Mə wɨə nyaʼa mbɨ nən ɨni jìm ɨŋga mbàn Ŋwìə̀. Chəi mbə nyaʼa gywɨ əmɨ. Àyɨə ə nyùmə̀ fə kuʼi, nɨ wə̀d we nɨə tùmbɨ̀ ɨsɨ firɨ fə naʼ ɨka ɨ nən.”

Lk 9:51

Ənɨ ɨni nyaʼa sɨə tiinə nɨ Ŋwìə̀ nyaʼa wo nɨŋ ə Yeso ɨkaŋ, wɨ̀ nyaʼa nuŋ ɨŋga i fîŋ ni tə berɨ wo ə Jèrusalèm.

Jn 11:55

Nyùmə̀ Əchwɨ̂ ə Che-ɨgun nyaʼa fə tiinɨ, əne bə̂d mɨ̀nɔnɔʼ nyaʼa nɔ̀ʼ rɨŋga ɨsɨ mbe nɨ nyaʼa ɨban ɨban wò ə Jèrusalèm ɨmbə̀ʼ zeŋnɨ ə ɨnyod, bɔŋ mbɨ sɨə jɨg əchwɨ̂ ze.

Jn 12:23

Yeso nyaʼa wììrɨ̀ əmbɨ mɨ̀mə̌d ni, “Nyùmə̀ fə kùʼi nɨ Ŋwìə̀ bɨrɨ ghɨ ni mbɨ wumnɨ Wan Wə̀d.

Jn 13:29

Mbɨ mɔʼɔ nyaʼa kɔndɨ ni ɨchî nɨ à yɨə Judàs nyaʼə yim ə̀bàm ɨkab, Yeso wɨə nyaʼə ghà ɨ bɔ yeʼ ni wɨ̀ zon ɨghɨ mbe nɨ mbɨ bɨrɨ jɨg əchwɨ̂ ze əŋgu, kɨ ni wɨ̀ naʼ əghɨ ə mɔʼɔ əmbɨ ə bə̂d ɨkwaŋ.

Jn 13:3

Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.

Jn 13:34

Mə yɨ əni nàʼ ɨkə fi ɨ nən ni: mbə̀ ghaʼ mbə bɔŋgɔb. Ɨchî nɨ mə̀ nyaʼa ghaʼ əwən, əne mbə̀ berɨ bɨ ghaʼ mbə bɔŋgɔb.

Jn 14:28

Mbə fə zu ənɨ mə ghà ɨ nən ni, 'Mə wɨə wòə̀, àyɨə mə bɨrɨ wɨrɨ yeʼe əsɨ nən.' À kɨ ənɨ mbə nyaʼa kaŋ ghaʼ əmɨ, njɨ mbə bɨrɨ ghaʼ ni mə wɨə wò əsɨ Mbǎʼ, ɨmbə̀ʼ ɨghəm nɨ Mbǎʼ ə chè əmɨ.

Jn 14:31

àyɨə mə wɨə ghɨ̀ àmei ɨchî nɨ Mbǎʼ gha ɨ num, ɨmbə̀ʼ ɨsɨg kyerɨ ni mə ghaʼ ə Mbǎʼ. Mbə̀ nɔʼ tɨ̀ kɔ wo a.”

Jn 16:28

Mə nyaʼa nɔ̀ʼ rɨ əsɨ Mbǎʼ bɔŋ yeʼe ɨŋga ɨsɨg. Tɨ̀nîn mə wɨə sàŋ ɨsɨg wɨrɨə wò əsɨ Mbǎʼ.”

Jn 17:1

Ənɨ Yeso nyaʼa fə gha ɨnû mbɔ̂, wɨ̀ nyaʼa nèŋ ɨkaŋ ghà ni, “Mɨ Mbǎʼ, nyùmə̀ fə kuʼi. Wumnɨ e Wan, ɨmbə̀ʼ e Wan bə̀ wumnɨ əwe.

Jn 17:16

Ka mbɨ yɨ ə bə̂d rɨŋga ɨsɨg, ɨchî nɨ ka mɔ̌ yɨ bə̀ əmɨ wə̀d rɨŋga ɨsɨg.

Jn 17:26

Mə nyaʼa ghɨ̀ ni mbɨ kyerɨ əwe. Mə bɨrɨ kɨrɨ wo ɨmbì ghɨ̀ ni mbɨ jeŋgɨ kyerɨ əwe, ɨmbə̀ʼ ɨchî nɨ à ghaʼ əmɨ bə yeʼ əkaʼ mɨ̀mə̌d, fɔrɨ ni mɔ̌ bə̂ mə̀ bə̀ yeʼ əkaʼ mɨ̀mə̌d.”

Jn 17:5

Əne tɨ̀nîn, kyɨə Mbǎʼ, wumnɨ əmɨ əsɨ ze nɨ à yeʼ əŋgu. Wumnɨ əmɨ ɨchî nɨ à nyaʼə wumnɨə bɔŋ à nyaʼa sɨə tekɨ ɨsɨg.

Jn 18:4

Yeso nyaʼa kyerɨ ɨnû jìm mbe nɨ bɨrɨ ghɨ̀ ənɨ ə ni, əne wɨ̀ nyaʼa wò ɨmbì pè biirɨ əmbɨ mɨ̀mə̌d ni, “Mbə kɨə kə̀b əwe ə?”

Jn 19:28

Yeso nyaʼa kyerɨ ni ɨnû jìm fə mì i, əne ɨ ghɨ ni ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ, wɨ̀ nyaʼa ghà ni, “Ədɔʼ ə zɨə ne əmɨ.”

Jn 2:13

Nyùmə̀ nyaʼa sɨə wò kùʼ ənɨ mɨ̀Jû nyaʼa berɨ jɨg Əchwɨ̂ ə Che-ɨgun, əne Yeso nyaʼa kɔʼ wò ə Jèrusalèm.

Jn 6:4

Əni nɨ mɨ̀Jû nyaʼa berɨ jɨgɨ Əchwɨ̂ ə Che-ɨgun nyaʼa fə tiinɨ.

Jn 7:30

Ənɨ wɨ̀ nyaʼa gha əne, mbɨ nyaʼa kə̀b gywɨ əməd, àyɨə chəi wə̀d mɔʼɔ nyaʼa yim əməd, ɨmbə̀ʼ ɨghəm nɨ chəi nyùmə̀ nɨ mbɨ nyaʼa berɨ gywɨ əməd nyaʼa kɨrɨ kuʼ.

Jn 7:6

Yeso nyaʼa ghà əmbɨ mɨ̀mə̌d ni, “Chəi mɨ nyùmə̀ kɨrɨ kuʼ, àyɨə nyùmə̀ jìm ə kùʼ ɨ nən.

Jn 8:20

Yeso nyaʼa ghà ənû zɔ̂ ənɨ wɨ̀ nyaʼə chwi ɨnû ɨŋga mbàn Ŋwìə̀, əsɨ ze nɨ mbɨ nyaʼə màʼ ɨkab. Chəi wə̀d mɔʼɔ nyaʼa gywɨ əməd, ɨmbə̀ʼ ɨghəm nɨ chəi nyùmə̀ we nɨ njɨ mbɨ nyaʼa gywɨ̀ əməd nyaʼa kɨrɨ kuʼ.

Rm 8:37

Chə̂, ɨŋga ɨnû mbɔ̂ jìm, tɨ̀ chè bə̂d mbe nɨ che bid ənjìm əməd we nɨ ghaʼ əwa.

1 Kɔrèn 1:8

Məd bɨrɨ ghɨ ni mbə̀ təm kàànɨ̀ wò pè ənɨ ɨnwǐ, ɨmbə̀ʼ tɨ wɨ̀ zə i ənû rɨbɔ̀ŋ ə mɔʼɔ ɨgwɨ nən əni ze nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mə̀Hibrù 6:11

Tɨ̀ wɨə kə̀bə̀ ni wə̀d mɔʼ mɔʼ rəbɔʼ nən wo ɨmbì àmei əne, fàʼ ənɨ i fîŋ jìm wò pè ənɨ ɨnwǐ, ɨmbə̀ʼ mbə̀ berɨ ɨghɨ mbe nɨ mbə̀ nuŋ tə rɨkɔndɨ ɨ wòm.

1 Pità 1:13

Mbə̀ tekɨ tə fîŋ ɨmbə̀ʼ ghɨ ɨnû mbe nɨ Ŋwiə̀ kəbɨ. Mbə̀ yimbɨ ə ɨnyod kwàʼ ɨchî chɔ̀m. Mbə̀ jeŋgɨ nuŋ tə rɨkɔndɨ àmei ɨgun ɨ̀chɔ̀m we nɨ Ŋwìə̀ bɨrɨ ghɨ ənɨ ə nən ənɨ Yeso Kristo wɨrɨ yeʼe.

1 Jɔn 4:19

Tɨ̀ wɨə ghaʼə Ŋwiə̀ ɨmbə̀ʼ ɨghəm nɨ məd ziə nyaʼa bè ghaʼ əwa.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.