Jn 12:49 - Meta’

⁴⁹ Chəi mə̀ gha ɨnû mbɔ̂ ənɨ mɨ ɨghəm. Mɨ Mbǎʼ ziə we nɨ nyaʼa tom əmɨ fə nàʼ ɨkə ɨ num ɨmbə̀ʼ ənû ze nɨ mə berɨ nɨ ghà bə̀ ghàm.

Ikan feg

⁴⁹ Chəyi mə̀ ghàmà ane ìmə ighəm. Inug ijìm mbe ne mə ghà, à ya ìmə Mbaʼ we ne cha amə, gha inum gha mə gha. À ya məd bə chwìti icheg ni ghà angu inum.

Jn 12:49 교차 참조

Jn 14:10

Chəi à ben ni mə wɨ ənɨ ənû ə mɔʼ mbɨ ə Mbǎʼ fɔrɨ ni Mbǎʼ wɨ ənɨ ənû ə mɔʼ mbɨ num ə? Ɨŋgam we nɨ mə̀ gha ɨ nən, chəi mə̀ ghà əmɨ ənɨ mɨ ɨghəm. À yɨə Mbǎʼ we nɨ yeʼ ənɨ ənû ə mɔʼ mbɨ num we ə ghɨ̀ ɨnû mbe nɨ wɨ̀ kəbɨ.

Jn 14:24

Ka wə̀d we nɨ chəi wɨ̀ ghaʼ əmɨ bɨrɨ zu i mɨ ɨŋgam bə̀ nùŋ. Ɨnû mbe nɨ mbə fə zu kaʼi mbum, mbɨ yɨ rɨ əmbɨ Mbǎʼ we nɨ nyaʼa tom əmɨ.

Jn 14:31

àyɨə mə wɨə ghɨ̀ àmei ɨchî nɨ Mbǎʼ gha ɨ num, ɨmbə̀ʼ ɨsɨg kyerɨ ni mə ghaʼ ə Mbǎʼ. Mbə̀ nɔʼ tɨ̀ kɔ wo a.”

Jn 15:15

Chəi mɨə wɨrɨə tɔŋ əwən ənɨ bə̂d ə̀fàʼì, ɨmbə̀ʼ ɨghəm nɨ chəi wə̀d ə̀fàʼì kyerɨ əghɨ ze nɨ mbǎʼ ə̀fàʼì məd ə ghɨ̀ə̀. Àyɨə mə wɨə tɔŋ əwən ənɨ mɨ̀sə̀ʼ, ɨmbə̀ʼ ɨghəm nɨ ɨnû jìm mbe nɨ mə zu rɨ əmbɨ mɨ Mbǎʼ, mə fə ghà ɨ nən.

Jn 17:8

Mə fə ghà ɨkə̂n we nɨ à nyaʼa ghà ɨ num ni mə̀ gha əmbɨ mɨ̀mə̌d. Mbɨ fə zu bə̀ kyerɨ ənɨ rəsìʼ ni à yɨ àwɔ̀ nyaʼa tom əmɨ. Mbɨ fə bə̀ ben ni à yɨ àwɔ̀ nyaʼa tom əmɨ.

Jn 3:11

Mə wɨə ghà rəsìʼ ɨ ne ni tɨ̀ wɨə ghà ɨnû mbe nɨ tɨ̀ kyerɨ, bə̀ ghàə̀ mbe nɨ tɨ̀ fə zə, àyɨə chəi mbə̀ ben ɨnû mbe nɨ tɨə ghàə̀.

Jn 3:32

Məd wɨə ghàə̀ ɨnû mbe nɨ wɨ̀ fə zə bə̀ zu, àyɨə chəi wə̀d nɨ ben ənû ze nɨ wɨə ghàə̀.

Jn 5:19

Yeso nyaʼa ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni, “Mə ghà rəsìʼ ɨ nən ni, chəi ənɨ tɨ̀ Wan ghɨ̀ ənû ə mɔʼɔ ənɨ i ɨghəm. Məd wɨə ghɨ̀ àmei ɨnû mbe nɨ wɨ̀ zə ənɨ Mbǎʼ ə ghɨ̀ə̀. Ənû ze nɨ Mbǎʼ ə ghɨ̀ə̀, Wan bɨrɨ bɨ ghɨ̀.

Jn 5:30

Chəi ənû ə mɔʼɔ nɨ tɨ̀ mə ghɨ̀ ənɨ mɨ ɨka. Mə wɨə saʼə bə̂d àmei ɨchî nɨ Ŋwìə̀ ghà ɨ num, əne mə wɨə saʼə mɨ̀mə̌d ɨchî nɨ kuʼnɨ, ɨmbə̀ʼ ɨghəm nɨ chəi mɨə ghɨ̀ ənû ze nɨ mə kəbɨ. Mə wɨə ghɨ̀ yeʼ əze nɨ wə̀d we nɨ tom əmɨ kəbɨ.”

Jn 6:68

Saimon Pità nyaʼa wììrɨ̀ ɨ bɔ ni, “Ə̀nùŋɨ̀sɨg, tɨ̀ kɨə wɨ wò əsɨ we ə? Àmei àwɔ̀ berɨ ɨŋgam we nɨə nàʼ ɨ̀tènɨ̀ rɨ mì.

Jn 7:16

Yeso nyaʼa wììrɨ̀ əmbɨ mɨ̀mə̌d ni, “Kaʼ ɨnû mbɔ̂ nɨ mɨə chwiə yɨ i rɨ num. Mbɨ yɨ rɨ əmbɨ wə̀d we nɨ nyaʼa tom əmɨ.

Jn 8:26

Mə berɨ ɨnû nɔnɔʼ nɨ gha ɨmbə̀ʼ əwən. Mə bə̀ berɨ ɨnû nɔnɔʼ nɨ zɨ ɨsaʼi ɨgwɨ nən. Wə̀d we nɨ nyaʼa tom əmɨ wɨə ghà rəsìʼ, əne ɨnû mbe nɨ mə̀ zu rɨ bɔ, yɨ mbɨwən mbe nɨ mɨə ghà əmbɨ ɨsɨg.”

Jn 8:28

Əne wɨ̀ nyaʼa ghà əmbɨ mɨ̀mə̌d ni, “Ənɨ mbə̀ fə nɔ Wan Wə̀d əzed ə baʼnɨ, mbə bɨrɨ sɨ kyerɨ ni mɔ̌ yɨə wə̀d we nɨ mə̀ gha ni mə yɨ wɨwən, bə̀ kyerɨ ni chəi mɨə ghɨ̀ ənû ə mɔʼɔ ənɨ mɨ ɨghəm. Mə wɨə ghà àmei ənû ze nɨ Mbǎʼ gha ɨ num.

Jn 8:42

Yeso nyaʼa ghà əmbɨ mɨ̀mə̌d ni, “Ŋwìə̀ mɨ kə̀ʼ yeʼ ə Mbǎʼ, njɨ mbə ghaʼ əmɨ, ɨmbə̀ʼ ɨghəm nɨ mə yɨ rɨ əsɨ ə Ŋwiə̀. Chəi mə̀ nyaʼa yeʼe ənɨ mɨ ɨghəm. À yɨə məd nyaʼa tom əmɨ.

Ɨnû 1:1

Ə̀ŋwàʼnɨ̀ zɔ̂ yɨ ɨmbə̀ʼ ɨnû mbe nɨ bɨrɨ zambɨ ghɨ̀, nɨ Ŋwìə̀ nyaʼa ghǎ əmbɨ Yeso Kristo ni wɨ̀ chwi əmbɨ mbi bə̂d ə̀fàʼì. Yeso Kristo nyaʼa tom wi aŋgɨrə̀ əsɨ i wə̀d ə̀fàʼì nɨ ɨkum məd nyaʼə Jɔ̌n ni wɨ̀ ghɨ bə̂d kyerɨ ɨnû mbɔ̂.