Jn 12:48 - Meta’

⁴⁸ Wə̀d we nɨ ton əmɨ, nɨ chəi wɨə zu ɨnû mbe nɨ mɨə ghàə̀, berɨ wə̀d nɨ bɨrɨ saʼ əməd. Ɨnû mbe nɨ mə fə ghà bɨrɨ saʼ əməd əni ze nɨ sɨ nwìə̀.

Ikan feg

⁴⁸ Bəd mbe ne to̰ awɔb awum bə̀ to̰ awɔb anug ne mə̀ ghà, wə̀d ne biri saʼ awɔb we angu. À ya ìngam we ne mə gha, biri saʼ awɔb ane aneg ìnwḭ.

Jn 12:48 교차 참조

Matìyò 10:15

Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.

Matìyò 21:42

Yeso nyaʼa ghà əmbɨ mɨ̀mə̌d ni, “Chəi mbə̀ kweʼ foŋ ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə? Zɨə ghà ni, 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb. Ənû zɔ̂ yɨ Ə̀nùŋɨ̀sɨg ghɨ̌, əne à yɨ ənû ə yiirɨ ɨ na nɨ zə.'?

Matìyò 25:31

“Ənɨ Wan Wə̀d wɨrɨ yeʼe ɨghabɨ ɨfɔ̀n mbɨ mbɨ̀aŋgɨrə̀ mɨ̀jìm mbɨ məd, wɨ̀ bɨrɨ chub ɨgun e ətən ɨfɔ̀n.

Mk 12:10

Chəi mbə̀ kɨrɨ foŋ ənû zɔ̂ ɨŋga Ə̀ŋwàʼnɨ̀ ə Ŋwiə̀ ni, 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb.

Mk 16:16

We nɨ benɨ, nɨŋ mɨnib, bɨrɨ jwɨ̀ rəŋgəʼ. Àyɨə Ŋwìə̀ bɨrɨ zɨ ɨsaʼi ɨgwɨ we nɨ chəi wɨ̀ benɨ.

Mk 8:31

Yeso nyaʼa kɔ chwi ɨnû əmbɨ mbi mə̀mə̀ə̀nɨ̀-ɨnû ni Wan Wə̀d berɨ jeŋgɨ zə ŋgəʼ, bə̂d kyeŋ mbe rɨŋga əbeŋ mbɨ ə bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ bɨrɨ ton əməd. Mbɨ bɨrɨ zwiirɨ əməd. Ɨni nɨə che tad wɨ̀ wɨrɨ zwemə.

Lk 10:16

“Wə̀d mɔʼɔ we nɨ zu ənû ze nɨ mbə̀ gha, fə bə̀ zu əze nɨ mə gha. We nɨ ton əwən, fə bə̀ ton əmɨ. We nɨ ton əmɨ, fə bə̀ ton wə̀d we nɨ nyaʼa tom əmɨ.”

Lk 17:25

Àyɨə wɨ̀ bɨrɨ be zə ŋgəʼ ənɨ ɨnû nɔnɔʼ, ɨghəm bə̂d wɔ̂ ton əməd.

Lk 20:17

Àyɨə Yeso nyaʼa nèŋ mɨ̀mə̌d ghà ni, “Əton ənɨ Ɨŋgam Ŋwiə̀ wɔ̂ kɨ ni ye ə? 'Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb.'

Lk 7:30

Àyɨə mɨ̀Farisiî mbe mbɨ məchwiə̀ rɨ̀kə̌ mbe nyaʼa ton ənû ze nɨ Ŋwìə̀ nyaʼa fə taŋ nùŋ ɨmbə̀ʼ mɨ̀mə̌d, ɨmbə̀ʼ ɨghəm nɨ chəi mbɨ nyaʼa ben ni Jɔ̌n naʼ mɨnib əmbɨ mɨ̀mə̌d.

Lk 9:22

Wɨ̀ nyaʼa ghà ni, “Wan Wə̀d berɨ jeŋgɨ zə ŋgəʼ, bə̂d kyeŋ mbe rɨŋga əbeŋ, bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ bɨrɨ ton əməd. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.”

Lk 9:26

Ətu ə mɨ nìd wə̀d mɔʼɔ ɨmbə̀ʼ əmɨ fɔrɨ ɨmbə̀ʼ mɨ ɨŋgam, ətu ə Wan Wə̀d ə bɨrɨ bɨ nìd ɨmbə̀ʼ əməd ənɨ wɨ̀ yeʼe ɨghabɨ ɨfɔ̀n mbɨ ɨka we nɨ Mbǎʼ naʼ ɨ bɔ bə̀ fɔrɨ mbɨ ɨwumnɨ we nɨ mbɨ̀aŋgɨrə̀ zeŋɨ bə̀ nàʼ ɨ bɔ.

Jn 11:24

Màta nyaʼa wììrɨ̀ ɨ bɔ ni, “Mə kyerɨ ni wɨ̀ bɨrɨ wɨrɨ zwemə əni ze nɨ sɨ nwìə̀.”

Jn 5:45

Tɨ mbə̀ kɔndɨ ə ni mə bɨrɨ zɨ ɨsaʼi ɨgwɨ nən ɨfě Mbǎʼ. À yɨə Mose we nɨ mbə̀ nuŋ tə rɨkɔndɨ ɨgwɨ məd bɨrɨ zɨ ɨsaʼi ɨgwɨ nən.

Jn 6:39

Ənû ze nɨ wə̀d we nɨ nyaʼa tom əmɨ kəbɨ yɨ ni tɨ mə̀ nimnɨ əmɨ wə̀d mɔʼɔ rəbɔʼ bə̂d mɨjìm mbe nɨ wɨ̀ naʼ ɨ num. Wɨ̀ kəb yeʼ ni mə̀ zwemnɨ mɨ̀mə̌d əni ze nɨ sɨ nwìə̀.

Jn 8:47

Wə̀d we nɨ yeʼ wə̀d Ŋwìə̀ wɨə zu ənû ze nɨ Ŋwìə̀ ə ghàə̀. Əton nɨ chəi mbə̀ə zuə yɨ ɨmbə̀ʼ ɨghəm nɨ ka mbə yɨ ə bə̂d Ŋwiə̀.”

Ɨ̀fàʼì 17:31

Wɨ̀ nyaʼa fə nùŋ əni nɨ wɨ̀ bɨrɨ chè ənjìm ə Wə̀d we nɨ wɨ̀ nyaʼa chɔʼɔ, saʼ wə̀d jìm ɨŋga ɨsɨg wɔ̂ ɨchî nɨ kuʼnɨ. Wɨ̀ fə chwi ənweenɨ əmbɨ ə bə̂d mɨ̀jìm ni ənû zɔ̂ yɨ ənû rəsìʼ. Wɨ̀ nyaʼa ghɨ̀ əne ɨchî nɨ wɨ̀ nyaʼa zwemnɨ wə̀d we.”

Ɨ̀fàʼì 3:23

Mbɨ bɨrɨ chɨ wə̀d jìm we nɨ chəi wɨə zuunɨ ə wə̀d ɨ̀kə̀n Ŋwìə̀ we rəkaʼ bə̂d, nimnɨ.'

Rm 2:16

Ɨkə̂n chɔ̀m we nɨ mɨə ghàə̀ ə chwi ni əni ze nɨ Ŋwìə̀ bɨrɨ saʼ ɨsɨg ənjìm ə Yeso Kristo, wɨ̀ bɨrɨ bɨ saʼ tɨkɔndɨ te nɨ yeʼ ənə̀mə.

2 Kɔrèn 4:3

À mɨ yeʼ nɨ ngywɨ̌ kən ɨkə̂n chɔ̀m, njɨ zɨə kən àmei əmbɨ ə bə̂d mbe nɨə nimə.

2 Tès 1:8

Wɨ̀ bɨrɨ swiʼi mbɨ ɨwid nɨə berɨə, pè zɨ̀ ŋgəʼ ɨgun ə bə̂d mbe nɨ chəi mbɨ kyerɨ ə Ŋwiə̀, zɨ̀ ɨgun mbe nɨ ton nɨ wumnɨ əməd bə̀ zɨ̀ ɨgun mbe nɨ chəi mbɨə ghɨ̀ ɨnû mbe nɨ yeʼ ɨŋga ɨkə̂n chɔ̀m a Ə̀nùŋɨ̀sɨg Yeso.

Mə̀Hibrù 10:25

Tɨ rɨ̀ waʼ a ənû nɨ kɨə fetɨ, ɨchî nɨ bə̂d mɔʼɔ ə ghɨ̀ə̀, àyɨə tɨ̀ timbɨ a ɨnyod mbǎ mbǎ. Mbə jeŋgɨ ghɨ̀ əne ɨchî nɨ mbə̀ zə ni əni ze nɨ Ə̀nùŋɨ̀sɨg bɨrɨ wɨrɨ yeʼe fə tiinɨ.

Mə̀Hibrù 12:25

Mbə̀ zə ni tɨ mbə̀ ton ə məd we nɨə ghàm ɨ nən. À mɨ yeʼ nɨ chəi bə̂d mbe nɨ nyaʼa ton wə̀d we nɨ nyaʼa patɨ mɨ̀mə̌d ɨgwɨ ə si nyaʼa jwɨ rəŋgəʼ, njɨ tɨ̀ kɨə wo chè rɨ ye bɔŋ norɨ məd we nɨə patɨ əwa rɨkaŋ ə?

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

Mə̀Hibrù 4:12

Ɨŋgam Ŋwiə̀ wɨ ɨkǎ. Ɨ wɨə bə̀ ghɨ̀ ənû ze nɨ Ŋwìə̀ kəbɨ. Wɨ tɔ chè ɨbi ɨba jìm. Ɨ wɨə zum ə wə̀d wò pè əsɨ ze nɨ ɨ̀tènɨ̀ mbɨ əzwî ghabrə. Ɨ wɨə bə̀ wò pè əsɨ ze nɨ tɨnaanɨ ɨnyod mbɨ rɨfɔm ghabrə. Ɨ wɨə saʼə tɨkɔndɨ bə̂d bə̀ saʼ ɨnû mbe nɨ fîŋ tɨ mɨ̀mə̌d ə kə̀bə̀.

1 Pità 1:5

Ŋwìə̀ fə chè ənjìm i ɨka kən əwən ɨchî nɨ mbə̀ nuŋ fîŋ ɨgun ə Kristo, ɨmbə̀ʼ mbə̀ jwɨ rəŋgəʼ əwu rənjìm.

2 Pità 3:3

Ənû rɨtu nɨ mbə̀ berɨ nɨ kyerɨ yɨ ni ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe pè baʼrɨ əwən. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə.

2 Pità 3:7

À yɨə bə̀ àmei ənɨ ɨŋgam nɨ Ŋwìə̀ fə nuŋ ni tə bɨrɨ nimnɨ ɨkaŋ wɔ̂ nɨ yeʼ rɨ̀nîn bə̀ nimnɨ si zɔ̂ nɨ yeʼ rɨ̀nîn ɨŋga ɨwid. Ŋwìə̀ fə nùŋ ni ɨkaŋ mbɨ ə si chubɨ pè əni ze nɨ wɨ̀ bɨrɨ saʼ mɨ̀mə̌d bə̀ nimnɨ bə̂d mbe nɨ chəi mbɨə wumnɨ əməd.