Jn 12:32 - Meta’

³² Əne mɔ̌, ənɨ mbɨ fə nɔ əmɨ ɨkaŋ, mə bɨrɨ suŋ bə̂d mɨjìm ənɨ ə num.”

Ikan feg

³² Si ya gha, mbi fə mə nɔ̀ amə ikaŋ, mə biri ghì bəd məjìm yeʼe inum.”

Jn 12:32 교차 참조

Jn 1:7

Jɔ̌n nyaʼa yeʼe ɨghabɨ zərɨmbin ɨ gha ɨnû ɨmbə̀ʼ ɨzeŋɨ zeŋɨ we. Ɨ wɨə nyaʼə ghà əne ɨmbə̀ʼ bə̂d mɨjìm mbe tɨ̀ mbɨ zu benɨ.

Jn 12:34

Ɨnɔ̂n bə̂d we nyaʼa wììrɨ̀ ɨ bɔ ni, “Ə zɨ ɨŋga tɨkə rɨ Mose ni Wə̀d we nɨ Ŋwìə̀ zɔʼɔ bɨrɨ ten i koŋ. À sɨ chè rɨ ye ghà ni mbɨ berɨ nɔ Wan Wə̀d ɨkaŋ ə? Wan Wə̀d wɔ̂ kɨə be əwe ə?”

Jn 18:32

Ənû zɔ̂ ə nyaʼa ghɨ̀ ɨmbə̀ʼ ənû ze nɨ Yeso nyaʼa ghǎ de ɨchî nɨ wɨ̀ berɨ chè bɔŋ kwɨ ə jwɨ ənɨ rəsìʼ.

Jn 19:17

Yeso nyaʼa bèʼ e əzed ə baʼnɨ ziə. Əne mbɨ nyaʼa jwɨ̀ wò əsɨ ze nɨ mbɨ nyaʼə tɔŋ ənɨ Tɨmbin Ɨwɔʼ-ətu. Ɨ mbɨə nyaʼə tɔŋ əsɨ ze ənɨ ɨŋgam Hibrù ni Golgotà.

Jn 3:14

Ɨchî nɨ Mose nyaʼa nɔ jɔ brɔnz ɨkaŋ əzed ɨŋga ɨbad rɨkwàʼi, yɨə bə̀ ɨchî nɨ mbɨ berɨ nɔ Wan Wə̀d,

Jn 6:44

Chəi wə̀d mɔʼɔ nɨ tɨ̀ wɨ̀ yeʼe əsɨ num kɨrɨ ənɨ à yɨə Mbǎʼ we nɨ nyaʼa tom əmɨ suŋ əməd ni wɨ̀ yeʼe əsɨ num. Mə bɨrɨ zwemnɨ əməd əni ze nɨ sɨ nwìə̀.

Jn 8:28

Əne wɨ̀ nyaʼa ghà əmbɨ mɨ̀mə̌d ni, “Ənɨ mbə̀ fə nɔ Wan Wə̀d əzed ə baʼnɨ, mbə bɨrɨ sɨ kyerɨ ni mɔ̌ yɨə wə̀d we nɨ mə̀ gha ni mə yɨ wɨwən, bə̀ kyerɨ ni chəi mɨə ghɨ̀ ənû ə mɔʼɔ ənɨ mɨ ɨghəm. Mə wɨə ghà àmei ənû ze nɨ Mbǎʼ gha ɨ num.

Gàlesìyà 3:13

Kristo nyaʼa choʼ mba ɨtu tɨ ənɨ ə ndɔ̀n ze nɨ rɨkə nyaʼa zɨ ɨgwɨ na. Wɨ̀ nyaʼa ghɨ̀ əne ɨchî nɨ wɨ̀ nyaʼa beʼ ndɔ̀n ɨmbə̀ʼ əwa. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ mbɨ tiŋ əməd ɨkaŋ əzed.”

1 Timotì 2:6

Wɨ̀ nyaʼa nàʼ i ɨnyod ənɨ əghɨ ə̀fà ɨmbə̀ʼ choʼ ɨtu bə̂d mɨjìm. Əzɔ̂ yɨ ənweenɨ ni ənɨ ə nyùmə̀ nyaʼa kuʼu, Ŋwiə̀ nyaʼa kə̀b ni bə̂d mɨ̀jìm jwɨ rəŋgəʼ.

Mə̀Hibrù 2:9

Àyɨə tɨ̀ wɨə zə ə Yeso nɨ Ŋwìə̀ nyaʼa ghɨ ni wɨ̀ tɔ swiʼ əton mbɨ̀aŋgɨrə̀ ənɨ ɨkə nyumə̀. Wɨ̀ fə ghɨ̀ ni wɨ̀ berɨ ɨzeŋɨ zeŋɨ bə̀ berɨ ɨwumnɨ. Wɨ̀ nyaʼa zə ŋgəʼ kwɨ, ɨmbə̀ʼ ənjìm ɨ̀chɔ̀m Ŋwìə̀, ɨ we tɨ̀ wɨ̀ kwɨ ɨgwɨ ətu ə bə̂d mɨ̀jìm.

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

1 Jɔn 2:2

Məd yɨ əghɨ ə̀fà ze nɨ Ŋwìə̀ che ənjìm məd waʼ mba ɨnû rɨbɔ̀ŋ. Ka wɨ̀ bɨrɨ waʼ i àmei mba ɨnû rɨbɔ̀ŋ, wɨ̀ bɨrɨ bɨ waʼ mbɨ bə̂d mɨ̀jìm rɨŋga ɨsɨg.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.