Jn 12:26 - Meta’

²⁶ Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.‍”

Ikan feg

²⁶ Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Jn 12:26 교차 참조

Matìyò 16:24

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Wə̀d mɔʼɔ mɨ kə̀b yeʼe əbɔʼ num, wɨ̀ ton ɨnû mɔʼɔ mbe nɨ nyamnyod məd ə feenɨə, bèʼ e əzed ə baʼnɨ, beenɨ əbɔʼ num,

Matìyò 25:21

Mbǎʼ ə̀fàʼì məd we nyaʼa ghà ɨ bɔ ni, 'À fə ghɨ̀ ɨchî chɔ̀m, kyɨə wə̀d ə̀fàʼì chɔ̀m nɨə fàʼ ənɨ i fîŋ jìm. Ɨchî nɨ à fàʼ ənɨ e fîŋ jìm mbɨ ɨghɨ rɨpiî, mə bɨrɨ nuŋ əwe ɨgwɨ ɨghɨ nɔnɔʼ. Nyɨ ə nəb tɨ̀ ghɨ ɨghaʼi!'

Mk 8:34

Ənɨ wɨ̀ nyaʼa ghà əne, wɨ̀ nyaʼa tɔŋ ɨnɔ̂n bə̂d we bə̀ tɔŋ mbi mə̀mə̀ə̀nɨ̀-ɨnû əsɨ ni, ghà əmbɨ mɨ̀mə̌d ni, “Wə̀d mɔʼɔ mɨ kəb yeʼe əbɔʼ num, wɨ̀ ton ɨnû mɔʼɔ mbe nɨ nyamnyod məd ə feenɨə, bèʼ e əzed ə baʼnɨ beenɨ əbɔʼ num,

Lk 12:37

Ŋwìə̀ zɨ əbɔrəbɔd ɨgun ə bə̂d ə̀fàʼì mbe nɨ ənɨ mbǎʼ ə̀fàʼì mɨ̀mə̌d yeʼe, wɨ̀ pè zə mɨ̀mə̌d ɨkyèʼe. Mə ghà rəsìʼ ɨ nən ni wɨ̀ bɨrɨ zɨ i ngywɨ̌ ə̀fàʼì, ghà ni mbɨ chub ə si, əne nàʼ ɨghɨjɨg əmbɨ mɨ̀mə̌d.

Lk 6:46

“Mbə̀ kɨə tɔŋ əmɨ ni, 'Ə̀nùŋɨ̀sɨg, Ə̀nùŋɨ̀sɨg', àyɨə chəi mbə̀ə ghɨ̀ ɨnû mbe nɨ mɨə gha ɨ nən ɨmbə̀ʼ ə ye ə?

Lk 9:23

Wɨ̀ nyaʼa ghà əmbɨ mɨ̀mə̌d mɨjìm ni, “Wə̀d mɔʼɔ mɨ kəb yeʼe əbɔʼ num, wɨ̀ ton ɨnû mɔʼɔ mbe nɨ nyamnyod məd ə feenɨə, bèʼ i əzed ə baʼnɨ ɨni jìm beenɨ əbɔʼ num,

Jn 10:27

Tɨ njɨ̀g tɨə zu ənû ze nɨ mɨə ghàə̀. Mə kyerɨ tɨ njɨ̀g. Ɨ tɨə beenɨ əbɔʼ num.

Jn 13:16

Mə ghà rəsìʼ ɨ nən ni chəi wə̀d ə̀fàʼì mɔʼɔ nɨ dabə chè i mbǎʼ ə̀fàʼì, kɨ̀ wə̀d tom nɨ dabə chè wə̀d we nɨ tom əməd.

Jn 14:15

Yeso nyaʼa bə̀ yi ghà əmbɨ mbi mə̀mə̀ə̀nɨ̀-ɨnû ni, “Mbə mɨ ghaʼ əmɨ, mbə bɨrɨ nuŋ tum rɨkə.

Jn 14:3

Ənɨ mə̀ wo tekɨ əsɨ ɨ nən, mə bɨrɨ wɨrɨ yeʼe pè nɨŋ əwən ni mbə̀ yeʼe mbɨ num, ɨmbə̀ʼ əsɨ ze nɨ mə yeʼ əŋgu, mbə bɨrɨ bɨ yeʼ əŋgu.

Jn 15:20

Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

Jn 21:22

Yeso nyaʼa wììrɨ̀ ɨ bɔ ni, “Mə mɨ kə̀b ni wɨ̀ chub ɨka pè ənɨ mə̀ wɨrɨ yeʼe, əze ə kɨə ye ɨ ne ə? Beenɨ əbɔʼ num!”

Rm 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Rm 14:18

Ənɨ wə̀d ə fàʼ əmbɨ Kristo ɨkwɨ ɨchî wɔ̂, Ŋwìə̀ wɨə ghaʼə, bə̂d bə̀ ben ni ɨ wɨə ghɨ̀ ənû nɨ kuʼnɨ.

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

2 Kɔrèn 5:8

Ee, ɨnû mbe nɨ tɨ̀ benɨ yɨ mbɨ rəsìʼ, əne tɨ̀ bɨrɨ kə̀b saŋ nyamnyod zɔ̂, ɨmbə̀ʼ chub ɨŋga nyamnyod fi mbɨ Ə̀nùŋɨ̀sɨg.

Gàlesìyà 1:10

Mə̀ kɨə kə̀bə̀ ni bə̂d gha ni mə bɔ̀ŋ, kɨ̀ ni Ŋwìə̀ gha ni mə bɔ̀ŋ ə? Kɨ̀ mə̀ kɨə kə̀b ghɨ ni fîŋ rɨ bə̂d bɔŋ ə? Mə mɨ yeʼə kɨrɨ kəb nɨ ghɨ ni bə̂d gha ni mə bɔ̀ŋ, njɨ ka mɔ̌ yɨ əmɨ wə̀d ə̀fàʼì Kristo.

Fìlipì 1:23

Ɨnû mbɔ̂ be mbɨ ɨgwɨ num. Zɨə kàŋ se nɨ chɔʼ əzɨ ə fibɨ̀. Ənû nɨ mə̀ kaŋ kə̀b yɨ ni mə̀ saŋ ɨsɨg wɔ̂ wò chubɨ mbɨ Kristo. Əze yɨ ənû nɨ bɔŋ chè.

Kòlosè 3:24

Mbə mɨ yeʼə fàʼə̀, mbə̀ kyerɨ ni Ə̀nùŋɨ̀sɨg bɨrɨ chɔʼ ə ə̀fàʼì ənɨ ɨghɨ mbe nɨ wɨ nuŋ ɨ nən ɨkaŋ. Mbə mbɨə fàʼə̀ yeʼ əmbɨ Ə̀nùŋɨ̀sɨg Kristo.

Kòlosè 4:12

Epafràs, nɨ yeʼ wə̀d ə̀fàʼì Kristo, nɨ bə̀ yeʼ wə̀d rəbɔʼ nən wɨə chàʼrɨ̀ əwən. Ɨ wɨə kɔ̀ŋgɨ̀ ə Ŋwiə̀ kwàʼ rɨka ɨghəm jìm kɔndɨ əwən ni mbə̀ təm kàànɨ̀ bə̀ jeŋgɨ kyerɨ ɨnû jìm mbe nɨ Ŋwìə̀ kə̀bɨ.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

1 Jɔn 5:3

Ɨ ghaʼ ə Ŋwìə̀ ə chwiə ni tɨ̀ berɨ nuŋ tɨkə rɨ məd. Chəi tɨkə te jeŋgɨ se ɨ na nɨ nuŋ,

Jûd 1:1

À yɨə mɔ̌ Jûd, nɨ mə̀ yeʼ wə̀d ə̀fàʼì Yeso Kristo bə̀ yeʼ aŋgɔb Jems, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwìə̀ Mbǎʼ nyaʼa ghaʼi kwàʼ rɨŋgəʼ, əne tɔŋ mɨ̀mə̌d ni mbɨ yeʼ mbi bə̂d, bə̀ nùŋ mɨ̀mə̌d wòm nyùmə̀ we nɨ Yeso Kristo bɨrɨ wɨrɨ yeʼe.

Ɨnû 14:4

Bə̂d mbɔ̂ yɨə mbe nɨ chəi mbɨ fiinɨ ə ɨnyod mbɨ məyi, ɨmbə̀ʼ ɨghəm nɨ chəi mbɨ nyaʼa kɨrɨ ni məyi. À yɨə bə̂d mbɔ̂ ə beenɨ əbɔʼ Wan njɨ̀g ɨsɨ jìm mbe nɨ wɨə wòə̀. Mbɨ fə choʼ mɨ̀mə̌d rəkaʼ ə̀bùʼ ə bə̂d mbe rɨ ɨgwɨ ɨsɨg əne nàʼ əmbɨ ə Ŋwiə̀ fɔrɨ əmbɨ ə Wan njɨ̀g ɨghabɨ ɨghɨ rɨtu nɨ mbɨ kwəŋɨ.