23 Yeso nyaʼa wììrɨ̀ əmbɨ mɨ̀mə̌d ni, “Nyùmə̀ fə kùʼi nɨ Ŋwìə̀ bɨrɨ ghɨ ni mbɨ wumnɨ Wan Wə̀d.
23 Yeso gha ywìtì gha, nyùmə̀ fə kòʼ ne Ŋwiye biri ghì gha mbe ghumni Ŋwan Wə̀d.
“Ənɨ Wan Wə̀d wɨrɨ yeʼe ɨghabɨ ɨfɔ̀n mbɨ mbɨ̀aŋgɨrə̀ mɨ̀jìm mbɨ məd, wɨ̀ bɨrɨ chub ɨgun e ətən ɨfɔ̀n.
Wɨ̀ nyaʼa bə̀ndɨ̀ wò əsɨ mə̀mə̀ə̀nɨ̀-ɨnû mbe pè ghà əmbɨ mɨ̀mə̌d ni, “Mbə̀ kɨə kɨrɨ gwenə bə̀ zwììrɨ̀ əwən ə? Mbə̀ zə ni nyùmə̀ fə kùʼi, əne mbɨ fə fèn Wan Wə̀d əmbɨ ə bə̂d nɨə ghɨ̀ ɨnû rɨbɔ̀ŋ.
Wɨ̀ nyaʼa ghà əne, yèndɨ̀ wò ɨmbì rɨpiî, pè kub ɨfě ə si, kɔ kɔŋgɨ ə Ŋwìə̀ ghà ni, ɨchî mɨ chwiə, wɨ̀ ghɨ̀ ni nyùmə̀ ŋgəʼ we che rɨ ɨgwɨ ni.
Wɨ̀ nyaʼa bə̀ yì wò ənɨ ɨghəm nɨ pe tad, pè ghà əmbɨ mɨ̀mə̌d ni, “Mbə̀ kɨə kɨrɨ gwenə bə̀ zwììrɨ̀ əwən ə? Zɨə kuʼ əne. Nyùmə̀ fə kùʼ i. Mbɨ fə fèn Wan Wə̀d əmbɨ ə bə̂d nɨə ghɨ ɨnû rɨbɔ̀ŋ.
Chəi ɨtu mə̀mə̀ə̀nɨ̀-ɨnû ɨməd nyaʼa kɨrɨ zeŋ ɨmbə̀ʼ ənû zɔ̂ ənɨ ə nyùmə̀ we. Àyɨə ənɨ Ŋwìə̀ nyaʼa zwemnɨ əməd naʼ ɨwumnɨ ɨ bɔ, mə̀mə̀ə̀nɨ̀-ɨnû mbe nyaʼa sɨ kɔndɨ ni mbɨ nyaʼa ŋwàʼnɨ̀ ənû zɔ̂ ɨmbə̀ʼ əməd ɨŋga Ə̀ŋwàʼnɨ̀ ə Ŋwiə̀. Mbɨ nyaʼa bə̀ kɔndɨ ni mbɨ fə ghɨ ənû rəŋgu ənɨ məd.
Yeso nyaʼa ghà ni, “Tɨ̀nîn mɨ fîŋ zɨə tɔb əmɨ. Mə kɨə wo gha ni yè ə? Tɨ̀ mə ghà ni, mɨ Mbǎʼ, tɨrə̀ ben e ni nyùmə̀ wɔ̂ yeʼe ɨgwɨ num ə? Chə̂, mə nyaʼa yeʼe ɨmbə̀ʼ nyùmə̀ wɔ̂.
À nyaʼa əni ze nɨ nyaʼə nàʼ əmbɨ əni Əchwɨ̂ ə Che-ɨgun, Yeso nyaʼa kyerɨ ni nyùmə̀ nyaʼa fə kùʼ ɨ bɔ nɨ saŋ ɨsɨg wɔ̂ wò əsɨ i Mbǎʼ. Ɨchî nɨ wɨ̀ nyaʼa ghaʼ bə̂d mbe rɨŋga ɨsɨg wɔ̂ nɨ nyaʼa mbi, wɨ̀ nyaʼa ghaʼ əne wò pè ənɨ ɨnwǐ.
Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.
