Jn 12:2 - Meta’

² Bə̂d mɔʼɔ rɨŋga əsɨ ze nyaʼa tekɨ ɨghɨjɨg ɨ bɔ əŋgu. À yɨə Màta nyaʼə nàʼ ɨghɨjɨg mbe əmbɨ ə bə̂d. Lazarɔ̀s yɨ wɨ mɔʼɔ rəbɔʼ bə̂d mbe nɨ nyaʼa chubɨ ɨ jɨg mbɨ məd.

Ikan feg

² Bəd mɔ̀ʼɔ inga aben ze ya tighe ighijəg abə Yeso. À ya Màta yaya nàʼà ighijəg mbe abə bəd. Lazarɔ̀s ya wə̀d mɔ̀ʼɔ abɔ̀ʼ bəd mbe ne ya chughi aseg ghi jəg tì Yeso.

Jn 12:2 교차 참조

Matìyò 26:6

Ənɨ Yeso nyaʼa ə Betanì ɨŋga nəb Saimòn we nɨ nyaʼa kweʼ wɔ̀n əpabɨ,

Mk 14:3

Yeso wɨə nyaʼa ə Betanì ɨŋga nəb Saimòn we nɨ nyaʼa kweʼ wɔ̀n əpabɨ. Ənɨ wɨ̀ nyaʼə jɨgə, əyi mɔʼɔ nyaʼa wò mbɨ mɨwud əka ɨnùn ɨŋga chəŋ àlàbastà. Mɨwud mbe nyaʼa berɨ ɨfɔ chɔ̀m. Mbɨ nyaʼa tekɨ mɨwud mbe àmei ənɨ ə naàd. Wɨ̀ nyaʼa pè sob ətu ə chəŋ ze, tuŋ mɨwud mbe ɨgun ətu ə Yeso.

Lk 12:37

Ŋwìə̀ zɨ əbɔrəbɔd ɨgun ə bə̂d ə̀fàʼì mbe nɨ ənɨ mbǎʼ ə̀fàʼì mɨ̀mə̌d yeʼe, wɨ̀ pè zə mɨ̀mə̌d ɨkyèʼe. Mə ghà rəsìʼ ɨ nən ni wɨ̀ bɨrɨ zɨ i ngywɨ̌ ə̀fàʼì, ghà ni mbɨ chub ə si, əne nàʼ ɨghɨjɨg əmbɨ mɨ̀mə̌d.

Lk 14:12

Yeso nyaʼa bə̀ ghà əmbɨ wə̀d we nɨ kəʼ tɔŋ əməd ni, “Ənɨ à tekɨ ɨghɨjɨg ɨ jə bə̂d əziə kɨ̀ ɨzimɨ, tɨrə̀ won e mbe mɨ̀sə̀ʼ, kɨ̀ mbe bɔŋgɔb, kɨ̀ e ɨnəbɨ, kɨ̀ bə̂d mbɔ̂n. À mɨ won tɨkwɨrɨ bə̂d tɔ̂, mbɨ bɨrɨ bɨ tɔŋ əwe, əne wì ənû ze nɨ à ghɨ̌.

Lk 22:27

We nɨ yeʼ wɨ kyeŋ kɨ wi ə? À kɨ we nɨ chubɨ jɨg, kɨ̀ we nɨə nàʼ ɨghɨjɨg ə? Kaʼ à wa kɨ i we nɨ chubɨ jɨg ə? Mə wɨ əkaʼ nən ɨghabɨ ə wə̀d ə̀fàʼì.

Lk 5:29

Levì nyaʼa kàʼ əchwɨ̂ ə kyeŋ əmbɨ Yeso ɨŋga i nəb. Məfetɨ mɨ̀tagsɨ̀ nɔnɔʼ nyaʼa əŋgu mbɨə bə̂d cherə nɨ nyaʼa chub ɨ jɨg mbɨ mɨ̀mə̌d.

Ɨnû 3:20

Zə, mə təm ɨchû nəb ɨ goŋgɨ, wə̀d mɔʼɔ mɨ zu mɨ gɨ̂, fiʼ ɨchû nəb, mə bɨrɨ nyɨ ɨŋga nəb tɨ̀ jɨg ɨnɔ̂n.