Jn 12:16 - Meta’

¹⁶ Chəi ɨtu mə̀mə̀ə̀nɨ̀-ɨnû ɨməd nyaʼa kɨrɨ zeŋ ɨmbə̀ʼ ənû zɔ̂ ənɨ ə nyùmə̀ we. Àyɨə ənɨ Ŋwìə̀ nyaʼa zwemnɨ əməd naʼ ɨwumnɨ ɨ bɔ, mə̀mə̀ə̀nɨ̀-ɨnû mbe nyaʼa sɨ kɔndɨ ni mbɨ nyaʼa ŋwàʼnɨ̀ ənû zɔ̂ ɨmbə̀ʼ əməd ɨŋga Ə̀ŋwàʼnɨ̀ ə Ŋwiə̀. Mbɨ nyaʼa bə̀ kɔndɨ ni mbɨ fə ghɨ ənû rəŋgu ənɨ məd.

Ikan feg

¹⁶ Chəyi atog abə mə̀mə̀nənùg məd ya zḛ imbə̀ʼ anug azo̰ ane nyumə̀ we. Si ya gha, anyumə̀ ne Ŋwiye ya zwemne Yeso iwu, ghì bəd se ghùmnə aməd, mbi ya kə wèndi gha, Àŋwàʼrì Ŋwiye ya ghà inug mbe imbə̀ʼ Yeso, ane inug mbe bə̀ dù kwàʼ icheg ne mbi ya ŋwàʼri.

Jn 12:16 교차 참조

Mk 16:19

Ənɨ Ə̀nùŋɨ̀sɨg Yeso nyaʼa fə ghàm əmbɨ mə̀mə̀ə̀nɨ̀-ɨnû mbe, Ŋwìə̀ nyaʼa nɨŋ əməd ɨkaŋ, wɨ̀ pè chub əbà əbɔ ə jɨgɨ ə Ŋwiə̀.

Mk 9:32

Chəi ɨtu mɨ̀mə̌d nyaʼa zeŋ ɨmbə̀ʼ ənû ze nɨ wɨ̀ nyaʼə ghàə̀, àyɨə mbɨ nyaʼa bɔ nɨ biirɨ ɨ bɔ.

Lk 18:34

Mə̀mə̀ə̀nɨ̀-ɨnû mbe nyaʼa zu ɨnû mbe, àyɨə chəi ɨtu mɨ̀mə̌d nyaʼa zeŋɨ. Ŋwìə̀ nyaʼa nə̀m əton ənɨ ɨŋgam wɔ̂ rɨ əmbɨ mɨ̀mə̌d. Chəi mbɨ nyaʼa bə̀ kyerɨ ənû ze nɨ wɨ̀ nyaʼə ghàə̀.

Lk 24:25

Yeso nyaʼa zu əne ghà əmbɨ mɨ̀mə̌d ni, “Mbə yɨ ɨneŋ, mbə mbɨə jìŋgɨ̀ə̀ nɨ ben ɨnû jìm mbe nɨ bə̂d ɨ̀kə̀n Ŋwiə̀ nyaʼa fə ghǎ!

Lk 24:45

Ənɨ wɨ̀ nyaʼa ghà əne, wɨ̀ nyaʼa fìʼ fîŋ tɨ mɨ̀mə̌d ni mbɨ kyerɨ Ə̀ŋwàʼnɨ̀ ə Ŋwiə̀, ɨtu mɨ̀mə̌d zeŋ.

Lk 9:45

Mbɨ nyaʼa zu ɨŋgam rəŋgu, àyɨə chəi ɨtu mɨ̀mə̌d nyaʼa kɨrɨ zeŋ. Ŋwìə̀ nyaʼa fə nə̀m ɨŋgam we rɨ əmbɨ mɨ̀mə̌d ɨmbə̀ʼ tɨ mbɨ kyerɨ əwən. Mbɨ nyaʼa bə̀ bɔ nɨ biirɨ ɨŋgam we rɨ əmbɨ Yeso.

Jn 12:23

Yeso nyaʼa wììrɨ̀ əmbɨ mɨ̀mə̌d ni, “Nyùmə̀ fə kùʼi nɨ Ŋwìə̀ bɨrɨ ghɨ ni mbɨ wumnɨ Wan Wə̀d.

Jn 14:26

Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Jn 16:4

Àyɨə mə fə ghà ɨnû mbɔ̂ ɨ nən ɨmbə̀ʼ nyùmə̀ we mɨ kùʼ, mbə bɨrɨ fə kyerɨ ni mə nyaʼa fə patɨ əwən.” Yeso nyaʼa wo ɨmbì gha ni, “Chəi mə̀ nyaʼa gha ɨnû mbɔ̂ ɨ nən ənɨ mə̀ nyaʼa kɔ chwi ɨnû ɨmbə̀ʼ ɨghəm nɨ mə wɨə nyaʼa kɨrɨ mbɨ nən.

Jn 17:5

Əne tɨ̀nîn, kyɨə Mbǎʼ, wumnɨ əmɨ əsɨ ze nɨ à yeʼ əŋgu. Wumnɨ əmɨ ɨchî nɨ à nyaʼə wumnɨə bɔŋ à nyaʼa sɨə tekɨ ɨsɨg.

Jn 2:22

Ənɨ Ŋwìə̀ nyaʼa zwemnɨ əməd, mə̀mə̀ə̀nɨ̀-ɨnû ɨməd nyaʼa wɨrɨ kɔndɨ ni wɨ̀ nyaʼa ghà ənû zɔ̂, əne mbɨ nyaʼa ben ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ bə̀ ben ɨŋgam we nɨ Yeso nyaʼa bə̀ ghà.

Jn 7:39

Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

Ɨ̀fàʼì 2:36

“Əne mɨ̀Izre mɨ̀jìm kyerɨ ni à yɨə kwàʼ rəsìʼ ni Ŋwìə̀ nyaʼa fə nùŋ ə Yeso wɔ̂ nɨ mbə̀ nyaʼa kombɨ əzed ə baʼnɨ ənɨ Ə̀nùŋɨ̀sɨg bə̀ fɔrɨ ənɨ Wə̀d we nɨ wɨ̀ zɔʼɔ.”

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Mə̀Hibrù 8:1

Ənû ə kyeŋ nɨ yeʼ ɨŋga ənû zɔ̂ yɨ ni, tɨ̀ berɨ ətu ɨgwɨ ə bə̂d mbàn Ŋwìə̀ nɨ yeʼ ɨghabɨ wɔ̂ nɨ tɨ̀ gha ɨmbə̀ʼ əməd. Ɨ wɨ ɨkaŋ əbà əbɔ ə jɨg ətən ɨfɔ̀n ə Ŋwiə̀ Ə̀chè-ɨsɨg.