Jn 12:1 - Meta’

¹ Ənɨ ɨni nyaʼa buʼ rɨ̀fuə bɔŋ mɨ̀Jû nyaʼa sɨə jɨg Əchwɨ̂ ə Che-ɨgun, Yeso nyaʼa wò ə Betanì, nɨ yeʼ əsɨ ze nɨ Lazarɔ̀s we nɨ wɨ̀ nyaʼa zwemnɨ nyaʼə chub əŋgu.

Ikan feg

¹ Yeso ya pè a Betanì ne ineg ya si bùʼ tìfughə ni nàʼ abə aneg Iteri Chègun. Lazarɔ̀s we ne Yeso ya zwemne ane iwu yaya chùghə a angu.

Jn 12:1 교차 참조

Matìyò 21:17

Ənɨ wɨ̀ nyaʼa ghà əne, wɨ̀ nyaʼa sàŋ mɨ̀mə̌d, jwɨ̀ rɨŋga əsɨ ze wò ə Betanì, pè ni əŋgu.

Mk 11:11

Yeso nyaʼa wò nyɨ ə Jèrusalèm chè wò ɨŋga mbàn Ŋwìə̀. Wɨ̀ nyaʼa pè nèŋ ɨghɨjìm kad. Àyɨə ɨchî nɨ nyùmə̀ nyaʼa fə kən chè əku, wɨ̀ nyaʼa jwɨ̀ wò ə Betanì mbɨ mə̀mə̀ə̀nɨ̀-ɨnû mbe wum chɔ̀b rɨ̀be.

Lk 24:50

Yeso nyaʼa nɨŋ mbi mə̀mə̀ə̀nɨ̀-ɨnû mbɨ jwɨ̀ wò ə Betanì. Wɨ̀ nyaʼa pè əŋgu nɔ̀ mbi ɨbɔ zɨ̀ əbɔrəbɔd ɨgwɨ mɨ̀mə̌d.

Lk 7:37

Əyi mɔʼɔ nyaʼa ɨŋga əsɨ ze nɨ nyaʼə ghɨ̀ ɨnû rɨbɔ̀ŋ. Ənɨ wɨ̀ nyaʼa zu ni Yeso wɨə jɨg ɨŋga nəb Farisiî we, wɨ̀ nyaʼa wò mbɨ mɨwud nɨ nyaʼə nyùʼrɨ ɨfɔ chɔ̀m. Mɨwud mbe nyaʼa ɨŋga chəŋ àlàbastà.

Jn 11:1

Mbaŋə̀ mɔʼɔ nɨ ɨkum məd nyaʼə Lazarɔ̀s nyaʼə wɔ̀nə̀. Wɨ̀ nyaʼə chub ə Betanì mbɨ ti njàbɨ nɨ tɨkum tɨ mɨ̀mə̌d nyaʼə Mèri mbɨ Màta.

Jn 11:43

Ənɨ wɨ̀ nyaʼa gha ənû zɔ̂, wɨ̀ nyaʼa kyeŋ rɨkǎ ghà ni, “Lazarɔ̀s, jwɨə yeʼe!”

Jn 11:44

Lazarɔ̀s nyaʼa jwɨ̀, kɨrɨ mbɨ tɨbabɨ ngywɨ̌ te nɨ mbɨ nyaʼa nib ɨwu məd mbɨ ɨbɔ məd fɔrɨ mbɨ ze nɨ mbɨ nyaʼa nib ɨfě məd əŋgu. Ənɨ wɨ̀ nyaʼa jwɨ̀ əne, Yeso nyaʼa ghà əmbɨ bə̂d mbe nɨ nyaʼa əŋgu ni, “Mbə̀ za tɨbabɨ ngywɨ te, sàŋ ni wɨ̀ wò i.”

Jn 11:55

Nyùmə̀ Əchwɨ̂ ə Che-ɨgun nyaʼa fə tiinɨ, əne bə̂d mɨ̀nɔnɔʼ nyaʼa nɔ̀ʼ rɨŋga ɨsɨ mbe nɨ nyaʼa ɨban ɨban wò ə Jèrusalèm ɨmbə̀ʼ zeŋnɨ ə ɨnyod, bɔŋ mbɨ sɨə jɨg əchwɨ̂ ze.

Jn 12:12

À nyaʼa əni ze nɨ beenɨ, ɨnɔ̂n bə̂d nɨ nyaʼa kwàʼ wɨ kyeŋ, nɨ nyaʼa wo ənɨ əchwɨ̂ ze, nyaʼa zu ni Yeso wɨə yeʼe ə Jèrusalèm.

Jn 12:20

Bə̂d mɔʼɔ nɨ kaʼi mɨ̀Jû nyaʼa əbɔʼ ə bə̂d mbe nɨ nyaʼa wo wumnɨ ə Ŋwiə̀ ənɨ mbɨ nyaʼə jɨg Əchwɨ̂ ə Che-ɨgun ze.

Jn 12:9

À nyaʼa ənɨ ə nyùmə̀ we, ɨnɔ̂n mɨ̀Jû we nɨ nyaʼa wo ənɨ əchwɨ̂ ze nyaʼa zu ni Yeso wɨ ə Betanì, əne mbɨ nyaʼa wò əŋgu. Chəi mbɨ nyaʼa wo əŋgu àmei nɨ zə ə Yeso. Mbɨ nyaʼa bə̀ wò ɨmbə̀ʼ zə ə Lazarɔ̀s we nɨ Yeso nyaʼa zwemnɨ.