Jn 11:55 - Meta’

⁵⁵ Nyùmə̀ Əchwɨ̂ ə Che-ɨgun nyaʼa fə tiinɨ, əne bə̂d mɨ̀nɔnɔʼ nyaʼa nɔ̀ʼ rɨŋga ɨsɨ mbe nɨ nyaʼa ɨban ɨban wò ə Jèrusalèm ɨmbə̀ʼ zeŋnɨ ə ɨnyod, bɔŋ mbɨ sɨə jɨg əchwɨ̂ ze.

Ikan feg

⁵⁵ Anyumə̀ ne Iteri Chègun mə̀Ju ya se tìnde, bəd nɔʼ nɔʼ ya nɔ̀ʼ inga isiŋi ijìm mbe ne yaʼi iban iban, kòʼ ghò a Jèrusalèm ni sò nyɔd icheg ne mə̀nɔ̀ʼɔ̀ Muse chwi.

Jn 11:55 교차 참조

Matìyò 26:1

Ənɨ Yeso nyaʼa fə maanɨ nɨ chwi ɨnû mbe, wɨ̀ nyaʼa ghà əmbɨ mbi mə̀mə̀ə̀nɨ̀-ɨnû ni,

Matìyò 26:2

“Mbə̀ fə kyerɨ ə ni à sɨ bùʼ ɨni be mbɨ jɨg Əchwɨ̂ ə Che-ɨgun, əne mbɨ bɨrɨ yim Wan Wə̀d nàʼ ni mbɨ kombɨ əzed ə baʼnɨ.”

Mk 14:1

À nyaʼa sɨ bùʼ ɨni be bɔŋ mɨ̀Jû nyaʼə sɨə jɨg Əchwɨ̂ ə Che-ɨgun mbɨ Əchwɨ̂ ə Ŋgə̀ŋ nɨ chəi ɨfuʼ we nɨə ghɨ̀ ni ŋgə̀ŋ kɔʼ ɨŋga. Əne bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa kɔ kə̀b ɨnə̂njɨ̀ nɨ yim ə Yeso ənjìm ənjìm ɨmbə̀ʼ zwiirɨ.

Lk 22:1

Ənɨ Əchwɨ̂ ə Che-ɨgun ə nyaʼa fə tiinɨ, nɨ mbɨə tɔŋ ənɨ əchwɨ̂ nɨ mbɨə jɨgə ŋgə̀ŋ nɨ chəi ɨfuʼ we nɨə ghɨ̀ ni ŋgə̀ŋ kɔʼ ɨŋga,

Jn 12:1

Ənɨ ɨni nyaʼa buʼ rɨ̀fuə bɔŋ mɨ̀Jû nyaʼa sɨə jɨg Əchwɨ̂ ə Che-ɨgun, Yeso nyaʼa wò ə Betanì, nɨ yeʼ əsɨ ze nɨ Lazarɔ̀s we nɨ wɨ̀ nyaʼa zwemnɨ nyaʼə chub əŋgu.

Jn 13:1

À nyaʼa əni ze nɨ nyaʼə nàʼ əmbɨ əni Əchwɨ̂ ə Che-ɨgun, Yeso nyaʼa kyerɨ ni nyùmə̀ nyaʼa fə kùʼ ɨ bɔ nɨ saŋ ɨsɨg wɔ̂ wò əsɨ i Mbǎʼ. Ɨchî nɨ wɨ̀ nyaʼa ghaʼ bə̂d mbe rɨŋga ɨsɨg wɔ̂ nɨ nyaʼa mbi, wɨ̀ nyaʼa ghaʼ əne wò pè ənɨ ɨnwǐ.

Jn 18:28

Ɨtuʼ nyaʼa mɨ chɨg i chɨg ɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa nɨŋ ə Yeso rɨ əkwɨ Kaifàs wò mbɨ məd ə tɔʼ gɔmnà. Chəi mbɨ nyaʼa nyɨ ɨŋga tɔʼ ze, ɨmbə̀ʼ ɨghəm nɨ mbɨ nyaʼa kəb chub ɨzeŋɨ zeŋɨ ɨmbə̀ʼ jɨg Əchwɨ̂ ə Che-ɨgun.

Jn 2:13

Nyùmə̀ nyaʼa sɨə wò kùʼ ənɨ mɨ̀Jû nyaʼa berɨ jɨg Əchwɨ̂ ə Che-ɨgun, əne Yeso nyaʼa kɔʼ wò ə Jèrusalèm.

Jn 2:6

Mɨ̀Jû mbɨə nyaʼə nùŋə̀ tɨkyiŋ mɨnib nɨ mbɨ nyaʼa chəb ənɨ əti ɨfě nəb tɨ mɨ̀mə̌d. Tɨkwɨrɨ ɨkyiŋ tɔ̂ nyaʼa əŋgu rɨ̀fuə. Fɨkyiŋ fibɨ̀ nyaʼə yim mɨnib ɨghabɨ mɨ̀lità ɨwum famɨ wò pè ənɨ ɨkɨ fibɨ̀ mbɨ ɨwum be. Tɨkyiŋ te nyaʼa əŋgu ɨmbə̀ʼ ɨghəm nɨ ə zɨə nyaʼa ɨŋga rɨkə tɨ mɨ̀Jû ni mbɨ mɨ kə̀b wumnɨ ə Ŋwiə̀ ɨchî nɨ kuʼnɨ, mbɨ berɨ so ɨnyod bə̀ sò ɨghɨ bɔŋ sɨə jɨgə.

Jn 5:1

Ənɨ nyùmə̀ mɔʼɔ nyaʼa chě, Yeso nyaʼa kɔʼ wò ə Jèrusalèm ɨmbə̀ʼ jɨg əchwɨ̂ ə mɨ̀Jû ə mɔʼɔ.

Jn 6:4

Əni nɨ mɨ̀Jû nyaʼa berɨ jɨgɨ Əchwɨ̂ ə Che-ɨgun nyaʼa fə tiinɨ.

Ɨ̀fàʼì 21:24

Nɨŋ mbaŋə̀ tɔ̂ wò zeŋnɨ e ɨnyod bə̀ zeŋnɨ mɨ̀mə̌d, əne nàʼ ɨghɨ ə̀fà mbe nɨ mbɨ berɨ nɨ nàʼ. À mɨ ghɨ̀ əne, mbɨ bɨrɨ serɨ mbə ɨtu. Əne bə̂d mɨjìm bɨrɨ kyerɨ ni chəi rəsìʼ ənɨ ɨnû mbe nɨ mbɨ zu ɨmbə̀ʼ əwe. Mbɨ bɨrɨ kyerɨ ni à wɨə nùŋə̀ tɨkə rɨ Mose.

Ɨ̀fàʼì 21:26

Pɔ̂l nyaʼa nɨŋ mbaŋə̀ te. À nyaʼa əni ze nɨ beenɨ, wɨ̀ nyaʼa zeŋnɨ i ɨnyod bə̀ zeŋnɨ mɨ̀mə̌d mbɨ wò ɨŋga mbàn Ŋwìə̀, əne nàʼ ɨnun ɨni mbe nɨ mbɨ bɨrɨ chubɨ bɔŋ ɨni nɨ zeŋnɨ ɨnyod mi ə. Mbɨ nyaʼa bə̀ nàʼ əni nɨ naʼ ɨghɨ ə̀fà ɨgwɨ ətu ə wə̀d mɔʼ mɔʼ rəbɔʼ mɨ̀mə̌d.

Ɨ̀fàʼì 24:18

Ənɨ mə nyaʼə ghɨ̀ ənû zɔ̂, mbɨ nyaʼa zə əmɨ ɨŋga mbàn Ŋwìə̀ ənɨ mə̀ nyaʼa fə zeŋnɨ mɨ ɨnyod. Chə nyaʼa i ɨnɔ̂n bə̂d əbɔʼ num, chəi əchɔb ə nyaʼa bə gù.

1 Kɔrèn 11:28

Wə̀d mɔʼ mɔʼ kyeʼ i ɨnyod bɔŋ wɨ̀ sɨə jɨgə ŋgə̀ŋ ze. Wɨ̀ bə̀ kyeʼ i ɨnyod bɔŋ wɨ̀ sɨə nɔ rɨŋga toʼ ze,

Jems 4:8

Mbə̀ tindɨ ɨban ə Ŋwiə̀, əne wɨ̀ bɨrɨ bɨ tindɨ ɨban nən. Mbə̀n mbe nɨə ghɨ̀ ɨnû rɨbɔ̀ŋ, mbə̀ so mbə ɨbɔ! Mbə̀n mbe nɨ berɨ fîŋ rɨ̀be, mbə̀ zeŋnɨ tə fîŋ!