27 Tɨ njɨ̀g tɨə zu ənû ze nɨ mɨə ghàə̀. Mə kyerɨ tɨ njɨ̀g. Ɨ tɨə beenɨ əbɔʼ num.
27 Ìtum njə̀g ya zùghə anug ne mə̀ ghà. Mə kyèri ìtum njə̀g. Ti ya bène abɔ̀ʼ inum.
Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Wə̀d mɔʼɔ mɨ kə̀b yeʼe əbɔʼ num, wɨ̀ ton ɨnû mɔʼɔ mbe nɨ nyamnyod məd ə feenɨə, bèʼ e əzed ə baʼnɨ, beenɨ əbɔʼ num,
Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”
Wɨ̀ nyaʼa wììrɨ̀ ni, 'Mə ghà rəsìʼ ɨ nən ni chəi mə̀ kyerɨ əwən.'
Mbɨ mɨ ghà əne, mə bɨrɨ ghà əmbɨ mɨ̀mə̌d ni, 'Chəi mə kweʼ kyerɨ əwən. Mbə̀ nɔʼ rɨ ɨban num, mbə̀n bə̂d nɨə ghɨ̀ ɨnû rɨbɔ̀ŋ.'
Yeso nyaʼa nèŋ əməd ghaʼ, əne ghà ɨ bɔ ni, “À kwaŋ əghɨ ə mɔʼɔ. Ndə̀ wò fèndɨ̀ ɨghɨ mbe nɨ à berɨ, wò nàʼ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”
Ənɨ wɨ̀ nyaʼa ghà əne, wɨ̀ nyaʼa tɔŋ ɨnɔ̂n bə̂d we bə̀ tɔŋ mbi mə̀mə̀ə̀nɨ̀-ɨnû əsɨ ni, ghà əmbɨ mɨ̀mə̌d ni, “Wə̀d mɔʼɔ mɨ kəb yeʼe əbɔʼ num, wɨ̀ ton ɨnû mɔʼɔ mbe nɨ nyamnyod məd ə feenɨə, bèʼ e əzed ə baʼnɨ beenɨ əbɔʼ num,
Àyɨə wɨ̀ bɨrɨ gha ni, 'Mə ghà ɨ nən ni chəi mə̀ kyerɨ əsɨ ze nɨ mbə̀ nɔʼ rəŋgu. Əne mbə̀ nɔʼ ə rɨ ɨban num, mbə̀n bə̂d nɨə ghɨ̀ ɨnû rɨbɔ̀ŋ!'
Wɨ̀ nyaʼa ghà əmbɨ mɨ̀mə̌d mɨjìm ni, “Wə̀d mɔʼɔ mɨ kəb yeʼe əbɔʼ num, wɨ̀ ton ɨnû mɔʼɔ mbe nɨ nyamnyod məd ə feenɨə, bèʼ i əzed ə baʼnɨ ɨni jìm beenɨ əbɔʼ num,
“Mɔ̌ yɨ ənə̂ŋgɨ̀-njɨ̀g chɔ̀m. Mə kyerɨ tɨ njɨ̀g, tɨ njɨ̀g bə̀ kyerɨ əmɨ.
Mə berɨ njɨ̀g rɨ cherə nɨ chəi ɨŋga əkad ə njɨ̀g zɔ̂. Mə berɨ bɨ nɨŋ njɨ̀g te yeʼe mbɨ rɨwən. Tɨ bɨrɨ zu mɨ gɨ̂, əne njɨ̀g te rɨ̀jìm bɨrɨ fɔtɨ ɨŋga əkad ə mɔʼ. Əne ənə̂ŋgɨ̀-njɨ̀g mɔʼ bɨrɨ nəŋgɨ mɨ̀mə̌d.
Bə̂d mɨjìm mbe nɨ nyaʼa be yeʼe bɔŋ mə nyaʼa sɨə yeʼe yɨ mɨjɨ fɔrɨ ɨ̀bàgɨ. Àyɨə chəi njɨ̀g te nyaʼa zwetɨ ɨnû mbe nɨ mbɨ nyaʼə ghàə̀.
Wə̀d mɔʼɔ mɨ kəb fàʼ ɨ num, wɨ̀ berɨ beenɨ əbɔʼ num, ɨmbə̀ʼ əsɨ ze nɨ mə yeʼ əŋgu, mɨ wə̀d ə̀fàʼì bɨrɨ bɨ yeʼ əŋgu. Mɨ Mbǎʼ bɨrɨ wumnɨ wə̀d mɔʼɔ we nɨə faʼ ɨ num.”
Yeso nyaʼa wììrɨ̀ ɨ bɔ ni, “Mə mɨ kə̀b ni wɨ̀ chub ɨka pè ənɨ mə̀ wɨrɨ yeʼe, əze ə kɨə ye ɨ ne ə? Beenɨ əbɔʼ num!”
Mə ghà rəsìʼ ɨ nən ni nyùmə̀ wɨə yeʼe, əne nyùmə̀ rəŋgu fə yeʼe i, nɨ ɨvɨ bə̂d bɨrɨ zu gɨ̂ Wan Ŋwìə̀. Mbe nɨ zu bɨrɨ wɨrɨ tènə̀.
Yeso nyaʼa yì ghà əmbɨ mɨ̀Farisiî ni, “Mɔ̌ yɨ ɨzeŋɨ zeŋɨ əmbɨ ɨsɨg. Mə bɨrɨ naʼ ɨzeŋɨ zeŋɨ we nɨə nàʼ ɨ̀tènɨ̀ əmbɨ wə̀d mɔʼɔ we nɨ beenɨ əbɔʼ num, əne ka məd bɨrɨ nɔ yen i ɨŋga ɨsɨ firɨ.”
Chəi mbə ɨtu kɨrɨ zeŋ ɨmbə̀ʼ ɨnû mbe nɨ mɨə ghà ɨmbə̀ʼ ə yè ə? À yɨ ɨmbə̀ʼ ɨghəm nɨ chəi ɨnû mbe kɨrɨ nyɨ ɨŋga mbə ɨtu.
Mbɨ bɨrɨ chɨ wə̀d jìm we nɨ chəi wɨə zuunɨ ə wə̀d ɨ̀kə̀n Ŋwìə̀ we rəkaʼ bə̂d, nimnɨ.'
Ŋwìə̀ ə kyerɨ wə̀d we nɨ ghaʼ əməd.
Àyɨə rɨ̀nîn nɨ mbə fə kyerɨ ə Ŋwìə̀, kɨ̀ mə we tɨ̀ mə ghà ni nɨ Ŋwìə̀ fə kyerɨ əwən, mbə̀ kɨə kəb wɨrɨ beŋ əbɔʼ ɨzwî mbe nɨə tùmbɨ̀ ɨsɨg, nɨ bɔrɨ, nɨ chəi əghɨ əmbɨ mɨ̀mə̌d ɨmbə̀ʼ ə yè ə?
Àyɨə əchɨ ə nəb ə ka ka ze nɨ Ŋwìə̀ fə zi ə kàŋ təm kàànɨ̀. Mbɨ ŋwàʼnɨ̀ ɨgun ni, “Ə̀nùŋɨ̀sɨg ə kyerɨ bə̂d mbe nɨ yeʼ mbɨ məd,” mbɨ ni, “Wə̀d jìm we nɨə ghà ni tə yɨə wə̀d Ə̀nùŋɨ̀sɨg berɨ waʼ ɨnû rɨbɔ̀ŋ.”
Əzwî ə Ŋwìə̀ ə zɨə ghàə̀ ni, “Tə̀chɔ̀ŋ, mbə̀ mɨ nɨə zu gɨ̂ Ŋwìə̀,
Bə̂d mbɔ̂ yɨə mbe nɨ chəi mbɨ fiinɨ ə ɨnyod mbɨ məyi, ɨmbə̀ʼ ɨghəm nɨ chəi mbɨ nyaʼa kɨrɨ ni məyi. À yɨə bə̂d mbɔ̂ ə beenɨ əbɔʼ Wan njɨ̀g ɨsɨ jìm mbe nɨ wɨə wòə̀. Mbɨ fə choʼ mɨ̀mə̌d rəkaʼ ə̀bùʼ ə bə̂d mbe rɨ ɨgwɨ ɨsɨg əne nàʼ əmbɨ ə Ŋwiə̀ fɔrɨ əmbɨ ə Wan njɨ̀g ɨghabɨ ɨghɨ rɨtu nɨ mbɨ kwəŋɨ.
Zə, mə təm ɨchû nəb ɨ goŋgɨ, wə̀d mɔʼɔ mɨ zu mɨ gɨ̂, fiʼ ɨchû nəb, mə bɨrɨ nyɨ ɨŋga nəb tɨ̀ jɨg ɨnɔ̂n.
