Jn 1:44 - Meta’

⁴⁴ Filip yɨə nyaʼə rɨ ə Bètsaidà nɨ nyaʼa əsɨ nɨ Andrù mbɨ Pità nyaʼa bə nɔ̀ʼ rəŋgu.

Ikan feg

⁴⁴ Filib ya bə̀ wə̀d a Bèsayidà icheg Andrò tì Pità.

Jn 1:44 교차 참조

Matìyò 10:3

Filip mbɨ Bàtòlòmiù; Tomas mbɨ Matiù we nɨ nyaʼə əfetɨ mɨ̀tagsɨ̀; Jems nɨ nyaʼə wan Alfaùs mbɨ Tàdiòs;

Matìyò 11:21

Wɨ̀ nyaʼa ghà əmbɨ mɨ̀mə̌d ni, “Ŋgəʼ kyeŋ bɨrɨ nyɨ ɨgwɨ ne, àwɔ̀ Kòrazìn! Ŋgəʼ kyeŋ bə̀ nyɨ ɨgwɨ ne, àwɔ̀ Bètsaidà! À kɨ nɨ ɨnû yiirɨ mbe nɨ mbɨ nyaʼa ghɨ ɨŋga nən, yɨ mbɨ nyaʼa ghɨ ə Taì fɔrɨ ə Sidòn, njɨ bə̂d mbe rəŋgu nyaʼa fə bèŋ tə fîŋ rəŋwe, zɨ̀ tɨkurɨ ɨdì, bə̀ fùʼ əburɨ.

Mk 3:18

Mbɨ cherə yɨə Andrù, Filip, Bàtòlòmiù, Matiù, Tomas, Jems nɨ nyaʼə wan Alfaùs, Tadiòs, Saimòn nɨ mbɨ nyaʼə tɔŋ ənɨ ə mɨ̀taku

Mk 6:45

Mbɨ nyaʼa mɨ jɨg ə jɨgɨ màànɨ̀, Yeso nyaʼa ghà əmbɨ mbi mə̀mə̀ə̀nɨ̀-ɨnû ni mbɨ nyɨ əbaŋ ɨgyɨ̀ bè baanɨ wò ɨmbì ɨ bɔ ə Bètsaidà nɨ nyaʼa ɨnjin wə. Wɨ̀ nyaʼa tə̀n ənjìm ɨ ghɨ ni bə̂d mɨ̀nɔnɔʼ mbe wo əwən.

Mk 8:22

Yeso mbɨ mbi mə̀mə̀ə̀nɨ̀-ɨnû nyaʼa wò ə Bètsaidà. Ənɨ mbɨ nyaʼa əŋgu, bə̂d mɔʼɔ nyaʼa wò əsɨ məd mbɨ ə mbaŋə̀ nɨ nyaʼa fɨgə. Mbɨ nyaʼa pè buʼ ɨbɔ ɨ bɔ ni wɨ̀ betɨ mbaŋə̀ ze.

Lk 10:13

“Ŋgəʼ kyeŋ bɨrɨ nyɨ ɨgwɨ ne, àwɔ̀ Kòrazìn! Ŋgəʼ kyeŋ bɨrɨ nyɨ ɨgwɨ ne, àwɔ̀ Bètsaidà. Ɨmbə̀ʼ ɨghəm nɨ à kɨ̀ nɨ ɨnû yiirɨ mbe nɨ mbɨ nyaʼa ghɨ ɨŋga nən, yɨ mbɨ nyaʼa ghɨ ə Taì fɔrɨ ə Sidòn, njɨ bə̂d mbe rəŋgu nyaʼa fə bèŋ tə fîŋ rəŋwe, zɨ̀ tɨkurɨ ɨdì, bə̀ fùʼ əburɨ.

Lk 6:14

Saimòn, nɨ wɨ̀ nyaʼa chu əməd ni Pità mbɨ aŋgɔb məd nɨ nyaʼə Andrù. Wɨ̀ nyaʼa bə̀ chɔʼ ə Jems, Jɔ̌n, Filip, Bàtòlòmiù,

Lk 9:10

Ənɨ bə̂d tom mbe nyaʼa bəndɨ, mbɨ nyaʼa ghà ɨnû mbe nɨ mbɨ nyaʼa ghɨ̌ əmbɨ Yeso. Əne wɨ̀ nyaʼa nɨŋ mɨ̀mə̌d mbɨ wo àmei mɨ̀mə̌d mɨ̀mə̌d ɨŋga əsɨ ə mɔʼɔ nɨ mbɨ nyaʼə toŋ ənɨ Bètsaidà.

Jn 1:43

À nyaʼa əni ze nɨ beenɨ, Yeso nyaʼa tekɨ ɨŋga i fîŋ ni tə bɨrɨ wo ə Galiliî. Wɨ̀ nyaʼa wò zə ə Filip ghà ɨ bɔ ni, “Beenɨ əbɔʼ num.”

Jn 1:45

Filip nyaʼa wò zə ə Natanaèl ghà ɨ bɔ ni, “Tɨ̀ fə zə wə̀d we nɨ Mose mbɨ ə bə̂d ɨ̀kə̀n nyaʼa ŋwàʼnɨ̀ ɨmbə̀ʼ əməd. Məd yɨə Yeso wan Jòsêf. Wɨ̀ yɨ rɨ ə Nazàret.”

Jn 1:46

Natanaèl nyaʼa biirɨ ɨ bɔ ni, “Tɨ ənû ə chɔ̀m ə mɔʼɔ ə jwɨ̀ rɨ ə Nazàret ə?” Filip nyaʼa wììrɨ̀ ɨ bɔ ni, “Yeʼe, zə.”

Jn 1:48

Natanaèl nyaʼa biirɨ ɨ bɔ ni, “À che rɨ ye kyerɨ əmɨ ə?” Yeso nyaʼa wììrɨ̀ ni, “Mə kə̀ʼ zə əwe ənɨ à kəʼ chub əton əzed ə fîg, bɔŋ Filip nyaʼa sɨə tɔŋ əwe.”

Jn 12:21

Mbɨ nyaʼa wò əsɨ Filip, nɨ nyaʼa rɨ ə Bètsaidà ə Galiliî, pè ghà ɨ bɔ ni, “Masà, tɨ̀ kəb zə ə Yeso.”

Jn 12:22

Filip nyaʼa wò ghà ənû ze əmbɨ Andrù. Əne mɨ̀mə̌d mbe mɨbe nyaʼa wò ghà əmbɨ Yeso.

Jn 6:5

Yeso nyaʼa nèŋ əne zə ɨnɔ̂n bə̂d nɨ nyaʼa kwàʼ wɨ kyeŋ nɨ nyaʼə yeʼe əsɨ məd. Wɨ̀ nyaʼa zə əne, biirɨ əmbɨ Filip ni, “Tɨ̀ kɨə wo zon ŋgə̀ŋ rɨ ə yi, ɨmbə̀ʼ jə bə̂d mbɔ̂ əŋgu ə?”

Jn 6:7

Filip nyaʼa wììrɨ̀ ɨ bɔ ni, “Ka mɨ̀fraŋ chuʼ əkɨ əbe bɨrɨ kuʼ i nɨ zon ŋgə̀ŋ nɨ tɨ̀ wə̀d mɔʼ mɔʼ rəbɔʼ bə̂d mbɔ̂ jɨg ka àbei ɨkə rɨpiî.”

Ɨ̀fàʼì 1:13

Ənɨ mbɨ nyaʼa nyɨ ə Jèrusalèm, mbɨ nyaʼa kɔʼ wò nyɨ ɨŋga ətu ə nəb ze rɨkaŋ, nɨ yeʼ əsɨ ze nɨ mbɨ nyaʼə chub əŋgu. Mbɨ yɨə nyaʼə: Pità, Jɔ̌n, Jems, Andrù, Filip, Tomas, Bàtòlòmiù, Matiù, Jems nɨ nyaʼə wan Alfaùs, Saimòn nɨ nyaʼə mɨ̀taku mbɨ Judàs nɨ nyaʼə wan Jems.