Jn 1:34 - Meta’

³⁴ Mə fə zə, əne mə wɨə bə̀ ghà əmbɨ ə bə̂d ni məd yɨə Wan Ŋwìə̀.”

Ikan feg

³⁴ Mə fə bàd. Mə ya anìŋ fə bə̀ ghà inən gha, Aŋa ya kwàʼ Ŋwan Ŋwiye.”

Jn 1:34 교차 참조

Matìyò 11:27

“Mɨ Mbǎʼ fə nàʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chə bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ Wan fɔrɨ wə̀d mɔʼɔ we nɨ Wan də̀b nɨ chwi əməd ɨ bɔ.

Matìyò 16:16

Saimon Pità nyaʼa wììrɨ̀ ni, “Àwɔ̀ yɨə Wə̀d we nɨ Ŋwiə̀ zɔʼɔ, yeʼ Wan Ŋwìə̀ we nɨ yeʼ ɨkǎ.”

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 26:63

Yeso nyaʼa kəm i rəziə. Əne ətu ɨgwɨ ə bə̂d mbàn Ŋwìə̀ we nyaʼa ghà ɨ bɔ ni, “Gha we rəsìʼ ənɨ ɨkum Ŋwiə̀ we nɨ yeʼ ɨkǎ ni àwɔ̀ yɨə Wə̀d we nɨ Ŋwìə̀ zɔʼɔ, nɨ yeʼ Wan Ŋwìə̀.”

Matìyò 27:40

ghàə̀ ni, “Àwɔ̀ we nɨ bɨrɨ saʼ mbàn Ŋwìə̀ wɨrɨ nɨŋ ɨni tad kod, kaŋ jwɨ̀ e rəŋgəʼ! Àwɔ̀ mɨ kàŋ yeʼ Wan Ŋwìə̀, swiʼ e tɨ əzed ə baʼnɨ ze.”

Matìyò 27:43

Wɨ̀ nyaʼa nuŋ i fîŋ ɨgun ə Ŋwiə̀, əne Ŋwìə̀ sɨ chɨ əməd rəŋgəʼ tɨ̀nîn əwù ze nɨ wɨ̀ kəb əməd, ɨmbə̀ʼ ɨghəm nɨ ɨ wɨə nyaʼə ghà ni, 'Mɔ̌ yɨə Wan Ŋwìə̀.'”

Matìyò 27:54

Ənɨ ətu ɨgwɨ mɨ̀sɔgyɨ̀ mbɨ mɨ̀sɔgyɨ̀ mbe nɨ nyaʼə nə̀ŋgɨ ə Yeso, nyaʼa zə ɨchî nɨ si nyaʼa wùrɨ bə̀ zə ɨnû jìm mbe nɨ nyaʼa ghɨ̌, mbɨ nyaʼa bɔ kwàʼ rɨŋgəʼ, əne ghà ni, “À yɨ rəsìʼ ni mbaŋə̀ zɔ̂ yɨ kə̀ʼ ə Wan Ŋwìə̀!”

Matìyò 3:17

Gɨ̂ nyaʼa ghàm rɨkaŋ ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd.”

Matìyò 4:3

Əne Debɨ̀rə̀ we nyaʼa wò ghà ɨ bɔ ni, “Àwɔ̀ mɨ kàŋ yeʼ Wan Ŋwìə̀, ghà əti zɔ̂ ə beŋ ənɨ ə ŋgə̀ŋ.”

Matìyò 4:6

əne, ghà ɨ bɔ ni, “Àwɔ̀ mɨ kàŋ yeʼ Wan Ŋwìə̀, à tòm ə si, ɨmbə̀ʼ ɨghəm nɨ ə zɨ ɨŋga Ə̀ŋwàʼnɨ̀ ə Ŋwiə̀ ni, 'Ŋwìə̀ bɨrɨ ghà əmbɨ mbi mbɨ̀aŋgɨrə̀ ni mbɨ nəŋgɨ əwe', bə̀ ghà ni, 'Mbɨ bɨrɨ nɔ əwe ənɨ mbə ɨbɔ, ɨmbə̀ʼ tɨ à nun əwe e əwu ənɨ ɨti.'”

Matìyò 8:29

Ənɨ ɨzwî rɨbɔ̀ŋ mbe nyaʼa zə ə Yeso, mbɨ nyaʼə kyeŋə ghàə̀ ni, “Àwɔ̀ Wan Ŋwìə̀, à berɨ ənû ə ye nɨ ghɨ̀ mbɨ na ə? À wa yeʼe əgha ɨ chə əwa bɔŋ nyùmə̀ sɨə kùʼ ə?”

Mk 1:1

Ɨkɔ rɨ ənɨ ɨkə̂n chɔ̀m ɨmbə̀ʼ ə Yeso Kristo we nɨ yeʼ Wan Ŋwìə̀.

Mk 1:11

Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ Wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Lk 1:35

Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

Lk 3:22

əne Əzwî ə Zeŋɨ ə nyaʼa swiʼi yeʼe ɨgwɨ məd ɨghabɨ tə̀bə̀ŋə. Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 1:49

Natanaèl nyaʼa wììrɨ̀ ɨ bɔ ni, “Əchwiə̀-ɨnû, àwɔ̀ yɨə Wan Ŋwìə̀! Àwɔ̀ yɨ ɨfɔn mɨ̀Izre!”

Jn 10:30

Mɔ̌ mbɨ mɨ Mbǎʼ wɨ ənɨ ənû ə mɔʼ.”

Jn 10:36

Mbə̀ mbɨə ghà ɨmbə̀ʼ mɔ̌ we nɨ Mbǎʼ nyaʼa zɔʼɔ chà ɨŋga ɨsɨg ni mə wɨə zɔ̀m ə Ŋwiə̀ ɨmbə̀ʼ ɨchî nɨ mə̀ gha ni, 'Mə yɨə Wan Ŋwìə̀ ə'?

Jn 11:27

Màta nyaʼa wììrɨ̀ ɨ bɔ ni, “Ee, kyɨ Ə̀nùŋɨ̀sɨg, mə ben ni àwɔ̀ yɨə Wə̀d we nɨ Ŋwìə̀ zɔʼɔ, bə̀ ben ni àwɔ̀ yɨə Wan Ŋwìə̀ we nɨ nyaʼa wo yeʼe ɨŋga ɨsɨg.”

Jn 19:7

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà ɨ bɔ ni, “Tɨ̀ berɨ ɨkə nɨ chwi ni wɨ̀ berɨ kwɨ, ɨmbə̀ʼ ɨghəm nɨ ɨ wɨə ghàə̀ ni tə yɨə Wan Ŋwìə̀.”

Jn 20:28

Tomas nyaʼa gha ɨ bɔ ni, “Mɨ Ə̀nùŋɨ̀sɨg mbɨ mɨ Ŋwiə̀!”

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 6:69

Tɨ̀ fə benɨ bə̀ kyerɨ ni àwɔ̀ yɨə Wə̀d Zeŋɨ we nɨ Ŋwìə̀ tomɨ.”

Rm 1:4

Ŋwìə̀ nyaʼa chwi ənɨ i ɨka ənjìm Əzwî ə Zeŋɨ ni Yeso Kristo a Ə̀nùŋɨ̀sɨg yɨ i Wan. Wɨ̀ nyaʼa chwi əne ɨchî nɨ wɨ̀ nyaʼa zwemnɨ əməd.

2 Kɔrèn 1:19

ɨmbə̀ʼ ɨghəm nɨ ka Yeso Kristo nɨ yeʼ Wan Ŋwìə̀ we nɨ mɔ̌, Sɨlvanùs mbɨ Timotì nyaʼə ghà ɨmbə̀ʼ əməd əkaʼ nən wɨə ghà i ni “Ee” bə̀ wɨrɨ beŋ ghà ni “Chə̂” àmei əwu əwən. Məd wɨə ghà àmei ni “Ee.”

Mə̀Hibrù 7:3

Chəi mbɨ ŋwaʼnɨ ɨmbə̀ʼ mbǎʼ məd, ɨmbə̀ʼ ɨŋgɔb məd kɨ̀ ɨmbə̀ʼ ɨnəbɨ məd. Chəi mbɨ ŋwaʼnɨ ɨmbə̀ʼ ɨchî nɨ mbɨ nyaʼa gywɨ əməd kɨ̀ ɨmbə̀ʼ ɨchî nɨ wɨ̀ nyaʼa kwɨ, àyɨə ɨchî nɨ wɨ̀ nyaʼa ɨghabɨ ə Wan Ŋwìə̀, wɨ̀ yɨə wə̀d mbàn Ŋwìə̀ koŋ.

1 Jɔn 2:23

Wə̀d we nɨ ton Wan fə bə̀ ton ə Mbǎʼ. We nɨ ben Wan fə bə̀ ben ə Mbǎʼ.

1 Jɔn 3:8

Wə̀d we nɨə ghɨ̀ ɨnû rɨbɔ̀ŋ yɨə wə̀d Debɨ̀rə̀. À yɨ əne ɨmbə̀ʼ ɨghəm nɨ Debɨ̀rə̀ nyaʼa kɔ ghɨ̌ ənû rɨbɔ̀ŋ tɨ ənɨ Ŋwìə̀ nyaʼa tekɨ ɨsɨg. Wan Ŋwìə̀ nyaʼa yeʼe ɨmbə̀ʼ nimnɨ ɨnû mbe nɨ Debɨ̀rə̀ nyaʼə ghɨ̀ə̀.

1 Jɔn 4:9

Ŋwìə̀ wɨə chwi ɨchî nɨ wɨ̀ ghaʼ əwa əni: Wɨ̀ nyaʼa tom i Wan we mɔʼ ɨŋga ɨsɨg ɨmbə̀ʼ tɨ̀ we tɨ̀ rɨ̀ chè ənjìm məd jɨg ɨ̀tènɨ̀.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

2 Jɔn 1:9

Wə̀d we nɨ chəi wɨə ghɨ̀ ɨnû mbe nɨ Yeso nyaʼə chwi ɨ na, àyɨə ɨ wɨə wo ɨmbì ghɨ̀ə̀ yeʼ ɨnû mbe nɨ che mbe nɨ wɨ̀ chwiə, chəi məd ənɨ ənû ə mɔʼ mbɨ ə Ŋwiə̀. We nɨə ghɨ̀ ɨnû mbe nɨ Kristo nyaʼə chwiə wɨ ənɨ ənû ə mɔʼ mbɨ Mbǎʼ fɔrɨ mbɨ ə Wan.

Ɨnû 2:18

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Tìatirà ni, 'Ɨŋgam wɔ̂ yɨ rɨ əmbɨ ə Wan Ŋwìə̀ we nɨ əghə əməd ə berɨ ɨghabɨ ɨnemɨ ɨwid, nɨ tɨkyerɨ-ɨwu məd yeʼ ɨghabɨ ə brɔnz nɨ mbɨ chiʼi.