Jems 1:27 - Meta’

²⁷ Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.

Ikan feg

²⁷ Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.

Jems 1:27 교차 참조

Matìyò 12:32

Ŋwìə̀ bɨrɨ waʼ ɨnû rɨbɔ̀ŋ wə̀d mɔʼɔ we nɨ gha ɨŋgam rɨbɔ̀ŋ ɨmbə̀ʼ ə Wan Wə̀d, àyɨə chəi wɨ̀ bɨrɨ waʼ mbɨ wə̀d we nɨ gha ɨŋgam rɨbɔ̀ŋ ɨmbə̀ʼ Əzwî ə Ŋwiə̀, kɨ̀ à kɨ ɨŋga ɨsɨg wɔ̂, kɨ̀ ɨŋga ɨsɨg we nɨ bɨrɨ yeʼe.

Matìyò 5:8

Ŋwìə̀ zɨ əbɔrəbɔd ɨgun ə bə̂d mbe nɨ fîŋ tɨ mɨ̀mə̌d zeŋɨ, ɨmbə̀ʼ ɨghəm nɨ mbɨ bɨrɨ zə əməd.

Lk 1:6

Mɨ̀mə̌d mbɔ̂ mɨbe mbɨə nyaʼə ghɨ̀ ɨnû nɨ kuʼnɨ ɨfě Ŋwiə̀. Ɨ mbɨə nyaʼə nùŋə̀ rɨkə rɨ Ŋwìə̀. Ɨ mbɨ nyaʼə bə̀ ghɨ̀ ɨnû jìm mbe nɨ wɨ̀ nyaʼa ghǎ. Chəi mbɨ nyaʼa gu ənû ə mɔʼɔ.

Rm 12:2

Tɨ mbə̀ beenɨ ə əbɔʼ ɨnû mbe nɨ bə̂d ɨŋga ɨsɨg wɔ̂ ə ghɨ̀ə̀, àyɨə mbə̀ saŋə ni Ŋwìə̀ beŋ əwən ɨchî nɨ wɨə nàʼ rɨkɔndɨ fi ɨ nən, ɨmbə̀ʼ mbə kyerɨ ənû ze nɨ wɨ̀ kə̀bɨ. Əne yɨ ni mbə̀ kyerɨ ɨnû mbe nɨ yeʼ mbɨ chɔ̀m, kyerɨ mbe nɨ wɨ̀ ghaʼi bə̀ kyerɨ mbe nɨ kuʼnɨ.

Rm 2:13

ɨmbə̀ʼ ɨghəm nɨ kaʼi bə̂d mbe nɨə zu rɨkə mbe ə ghɨ̀ ɨnû nɨ kuʼnɨ. À yɨ mbe nɨə ghɨ̀ ɨnû mbe nɨ tɨkə ə ghàə̀ nɨ Ŋwìə̀ bɨrɨ ben ni ɨnû mɨ̀mə̌d ə kùʼnɨ̀.

Gàlesìyà 1:4

Yeso Kristo nyaʼa nàʼ i ɨnyod ənɨ əghɨ ə̀fà ɨmbə̀ʼ mba ɨnû rɨbɔ̀ŋ. Wɨ̀ nyaʼa ghɨ̀ əne ɨmbə̀ʼ chɨ əwa rɨŋga ɨsɨg wɔ̂ nɨ ɨnû rɨbɔ̀ŋ swi ɨŋga. Wɨ̀ nyaʼa ghɨ̀ əne ɨchî nɨ Ŋwìə̀ a Mbǎʼ nyaʼa kə̀bɨ.

Gàlesìyà 3:11

Tɨ̀nîn zɨə zeŋ nɨ chəi wə̀d mɔʼɔ nɨ təm kùʼnɨ̀ ɨfě Ŋwiə̀ ɨmbə̀ʼ ɨghəm nɨ ɨ wɨə nùŋə̀ rɨ̀kə̌. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Bə̂d mbe nɨə ghɨ̀ ɨnû nɨ kuʼnɨ bɨrɨ chub ɨkǎ ənjìm ɨchî nɨ mbɨ nuŋ fîŋ ɨgun ə Ŋwiə̀.”

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Gàlesìyà 6:14

À yeʼ ɨmbə̀ʼ əmɨ, chəi mə̀ bɨrɨ nɔ goŋ ɨgɔ̂, kɨrɨ ənɨ mə goŋ ɨgɔ̂ ɨmbə̀ʼ ənû ze nɨ ɨvɨ à Ə̀nùŋɨ̀sɨg Yeso Kristo əzed ə baʼnɨ ə nyaʼa ghɨ̌. Ɨchî nɨ Yeso Kristo nyaʼa kwɨ əzed ə baʼnɨ, əne chəi ɨghɨ rɨŋga ɨsɨg wɨrɨ berɨ ənû ə mɔʼɔ nɨ ghɨ̀ mbɨ num. Chəi mə̀ bə berɨ ənû ə mɔʼɔ nɨ ghɨ̀ mbɨ ɨghɨ rɨŋga ɨsɨg.

Efesùs 2:2

Mbə mbɨə nyaʼə ghɨ̀ ɨnû rɨbɔ̀ŋ mbe ɨchî nɨ mbə̀ nyaʼə beenɨ əbɔʼ ɨnû rɨŋga ɨsɨg, bə̀ beenɨ əbɔʼ wə̀d we nɨə tùmbɨ̀ ɨzwî mbe nɨ yeʼ ɨŋga ɨfə, nɨ yeʼ ɨzwî mbe nɨə fàʼ rɨ̀nîn ɨŋga bə̂d mbe nɨ ghɨ̀ rɨ̀zuə̀ əmbɨ ə Ŋwiə̀.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

1 Timotì 5:4

Àyɨə ɨku əyi mɨ berɨ bɔn kɨ̀ wɨ̀ mɨ berɨ bɔn bɔn, bɔn mbe kɨ̀ bɔn bɔn mbe berɨ be kwembɨ ɨchî nɨ ghɨ ənû ze nɨ ənû ə Ŋwiə̀ ə kəb ni mbɨ ghɨ ənɨ ɨnəbɨ mɨ̀mə̌d, əne wi ɨchî nɨ mɨ̀mbǎʼ mɨ̀mə̌d mbɨ mɨ̀mbǎʼ kyeŋ mɨ̀mə̌d nyaʼə nəŋgɨ mɨ̀mə̌d. Mbɨ ghɨ əne ɨmbə̀ʼ ɨghəm nɨ əzɔ̂ ə bɔ̀ŋ əmbɨ ə Ŋwiə̀.

Tayitùs 2:12

Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.

Jems 3:17

Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.

Jems 3:9

Tɨ̀ wɨə nɨŋ ɨnemɨ yiirɨ ə Ə̀nùŋɨ̀sɨg Mbǎʼ. Tɨ̀ wɨə bə̀ nɨŋə zɨ̀ə̀ ndɔ̀n ɨgwɨ ə bə̂d mbe nɨ Ŋwìə̀ tekɨ ni mbɨ yeʼ ɨghabɨ ə məd.

Jems 4:4

Mbə yɨ ɨghabɨ məyi namɨ nɨə niirɨə mbaŋə̀! Chəi mbə̀ kyerɨ ni wə̀d we nɨə kə̀b jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀ ə? Əne wə̀d mɔʼɔ we nɨ ghaʼ ənû nɨ jɨg ə̀sə̀ʼ mbɨ ɨsɨg yɨə wə̀d pə̀n Ŋwìə̀.

2 Pità 1:4

Wɨ̀ nyaʼa chè ənjìm ɨka we naʼ mɨneʼe mbe nɨ wɨ̀ nyaʼa kaʼ ni tə bɨrɨ naʼ ɨ na, nɨ chəi ənɨ tɨ̀ wə̀d taŋ ɨnun. Wɨ̀ nyaʼa ghɨ̀ əne ɨmbə̀ʼ ənjìm mɨneʼe mbɔ̂, mbə mbe tɨ̀ mbə nòd ɨnû rɨbɔ̀ŋ mbe nɨ bə̂d rɨŋga ɨsɨg ə feenɨə, sɨ bèŋ yeʼ ɨghabɨ ə Ŋwiə̀.

2 Pità 2:20

Bə̂d mɨ fə kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ, əne nòrɨ̀ tɨ ənɨ ɨnû rɨbɔ̀ŋ mbe nɨ yeʼ ɨŋga ɨsɨg, àyɨə ɨnû rɨbɔ̀ŋ mbe wɨrɨ gywɨ̀ mɨ̀mə̌d baŋə, njɨ ŋgəʼ ze nɨ bɨrɨ nyɨ ɨgwɨ mɨ̀mə̌d bɨrɨ bə chè ze nɨ mbɨ nyaʼə be ɨŋga.

2 Pità 3:14

Əne kyɨə bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbɨə wòm ɨnû mbɔ̂, mbə̀ kywɨ ənywɨ zə ni mbə̀ chub ɨzeŋɨ zeŋɨ ɨmbə̀ʼ tɨ Ŋwìə̀ zə i ɨgu ənû mɔʼɔ ɨgwɨ nən. Mbə̀ bə zə ni mbə̀ chub ənɨ əbɔrəbɔd mbɨ ə Ŋwiə̀.

1 Jɔn 5:18

Tɨ̀ ə kyerɨ ni chəi wə̀d Ŋwìə̀ mɔʼɔ əŋgu nɨə wò ɨmbì kɨrɨ ghɨ̀ ɨnû rɨbɔ̀ŋ. Wan Ŋwìə̀ wɨə nəŋgɨ əməd, əne chəi ənɨ tɨ Satàn wɨrɨ ghɨ ənû ə mɔʼɔ ənɨ məd.