Jems 1:16 - Meta’

¹⁶ Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ wə̀d mɔʼɔ tambɨ i əwən.

Ikan feg

¹⁶ Ìmbum məfi fɔrɔ ìtum njàbi, imbə̀ʼ mbə̰ bḛ awən gha wə̀d mɔ̀ʼɔ tambi awən.

Jems 1:16 교차 참조

Matìyò 22:29

Yeso nyaʼa wììrɨ̀ əmbɨ mɨ̀mə̌d ni, “Mbə fə fèbə̀, ɨmbə̀ʼ ɨghəm nɨ chəi mbə̀ kyerɨ ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀, kɨ̀ bè kyerɨ ɨka Ŋwiə̀.

Mk 12:24

Yeso nyaʼa wììrɨ̀ əmbɨ mɨ̀mə̌d ni, “Əton nɨ mbə̀ febə yɨ ni chəi mbə̀ kyerɨ Ə̀ŋwàʼnɨ̀ ə Ŋwiə̀ kɨ̀ bè kyerɨ ɨka Ŋwiə̀.

Mk 12:27

Kaʼ məd yɨ i Ŋwìə̀ ɨvɨ bə̂d. Məd yɨə Ŋwìə̀ bə̂d mbe nɨ yeʼ ɨkǎ. Mbə fə kàŋ febə.”

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

1 Kɔrèn 6:9

Chəi mbə̀ kyerɨ ni chəi bə̂d mbe nɨə ghɨ̀ ɨnû rɨbɔ̀ŋ bɨrɨ jɨg ənû ɨfɔ̀n ə Ŋwiə̀ ə? Tɨ wə̀d mɔʼɔ tambɨ i əwən: chəi bə̂d mbe nɨə ghɨ̀ ɨfabrɨ-ɨnû bɨrɨ nɔ jɨg ənû ɨfɔ̀n ə Ŋwiə̀, kɨ̀ mbe nɨə wumnɨ mbɨ̀anèŋ, kɨ̀ mbe nɨə niirɨə məyi kɨ̀ mbaŋə̀, kɨ̀ mbaŋə̀ nɨə niə tɨ cherə,

Gàlesìyà 6:7

Tɨ mbə̀ tambɨ ə ɨnyod. Chəi wə̀d nɨ tɨ̀ wɨ̀ baʼrɨ ə Ŋwiə̀. Wə̀d bɨrɨ kwəŋ àmei əghɨ ze nɨ wɨ̀ konɨ.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Fìlipì 4:1

Mbɨ bɔŋgɔb, mə ghaʼ əwən bə̀ kàŋ kə̀b nɨ zə əwən. Mbə mbɨə ghɨ̀ ni mɨ fîŋ bɔŋ ə. Mbə yɨə bə̀ ɨchɔʼ ə̀fàʼì ənɨ ə̀fàʼì ze nɨ mə faʼi. Əne kyɨə bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg.

Kòlosè 2:4

Mə wɨə ghà əne ɨmbə̀ʼ tɨ wə̀d mɔʼɔ tambɨ i əwən mbɨ mɨŋgam nəmɨ nəmɨ mɔʼɔ.

Kòlosè 2:8

Tɨ mbə̀ ben ə ni wə̀d mɔʼɔ nɨŋ ɨwe əko bə̂d mɨ̀sɔŋɨchù tambɨ əwən əŋgu əne ghɨ̀ mbə̀ ben ɨ̀bòʼò ɨ bɔ. Ɨwe əko we yɨ rɨ ənɨ mɨchî mɨ̀mbǎʼ mbɨ rəŋwe bə̀ fɔrɨ rɨ əmbɨ ɨzwî mbe nɨə tùmbɨ̀ ɨsɨg. Ka ɨwe əko wɔ̂ yɨ i rɨ əmbɨ Kristo.

2 Timotì 2:18

Mbɨ fə kàŋ waʼ ɨnû rəsìʼ. Ɨ mbɨə ghàə̀ ni ənû nɨ zwemə ə nyaʼa fə che i. Ɨ mbɨə bə̀ chə̀kɨ̀ ɨbenɨ bə̂d mɔʼɔ.

Mə̀Hibrù 13:1

Mbə̀ che ɨmbì ghaʼ əwən mbənə mbənə ɨchî nɨ bɔŋgɔb ə ghaʼ ə ɨnyod.

Jems 1:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,

Jems 1:2

Mbɨ bɔŋgɔb, mbə̀ ghaʼrɨ əwən ənɨ mɨ̀nyùmə̀ jìm mbe nɨ tɨkwɨrɨ ɨ̀kwàʼnɨ̀ nɔnɔʼ nyɨ ɨgwɨ nən.

Jems 2:1

Mbɨ bɔŋgɔb, ɨchî nɨ mbə̀ ben Ə̀nùŋɨ̀sɨg Yeso Kristo we nɨ bə̂d ə wumnɨə, tɨ mbə̀ ghɨ̀ ə əghə.

Jems 2:14

Mbɨ bɔŋgɔb, njìm nɨ wə̀d bɨrɨ jɨg kɨə yè, əwù ze nɨ wɨ̀ gha ni tə ben ə? Tɨ̀ ɨbenɨ we chɨ̀ əməd rəŋgəʼ ə?

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Jems 3:1

Mbɨ bɔŋgɔb, tɨ bə̂d mɨ̀nɔnɔʼ rəkaʼ nən yeʼ əwən məchwiə̀-ɨnû, ɨmbə̀ʼ ɨghəm nɨ mbə̀ fə kyerɨ ə ni Ŋwìə̀ bɨrɨ saʼ mbà mbe nɨə chwi ɨnû ənɨ ɨnə̂njɨ̀ nɨ kaanɨ.

Jems 3:10

Ənû nɨ yiirɨ ə Ŋwiə̀ mbɨ ənû nɨ zɨ ndɔ̀n ɨgun ə wə̀d mbɨə jwɨ̀ àmei rɨŋga ɨchû mɔʼ. Mbɨ bɔŋgɔb, tɨ zɨə yeʼi əne!

Jems 4:11

Mbɨ bɔŋgɔb, tɨ wə̀d gha i ɨnû rɨbɔ̀ŋ ɨgwɨ wi aŋgɔb. Wə̀d we nɨə ghà ɨnû rɨbɔ̀ŋ ɨgwɨ wi aŋgɔb kɨ̀ beə saʼ əməd wɨə ghàə̀ ni tɨkə rɨ Ŋwiə̀ rɨka kuʼi. Məd wɨə bə̀ saʼə tɨkə rɨ Ŋwiə̀. Àwɔ̀ mɨ yeʼ wə̀d nɨə saʼə tɨkə rɨ Ŋwiə̀, njɨ kaʼ àwɔ̀ wɨə nùŋ e rɨkə te. À wɨə saʼə rɨwən.

Jems 5:12

Mbɨ bɔŋgɔb, ənû nɨ che ɨnû jìm yɨ ni tɨ mbə̀ kan ə, kɨ̀ à kɨ ənɨ ɨkaŋ, kɨ̀ à kɨ ənɨ ə si, kɨ̀ ənɨ əghɨ ə cherə nɨ tɨ̀ bə̂d kàn ɨgun. Mbə mɨ ben ənû ə mɔʼɔ, mbə̀ gha àmei ni, “Ee”. Mbə mɨ ton ənû ə mɔʼɔ, mbə̀ gha àmei ni, “Chə̂.” Mbə̀ ghɨ àmei əne ɨmbə̀ʼ tɨ Ŋwìə̀ zɨ i ɨsaʼi ɨgwɨ nən.

Jems 5:19

Mbɨ bɔŋgɔb, wə̀d mɔʼɔ rəbɔʼ nən mɨ fèbə̀ tɨ ənɨ rəsìʼ, wɨ cherə wɨrɨ nɨŋ əməd rəbɔʼɔ,