Ɨnû 8:5 - Meta’

⁵ Aŋgɨrə̀ we nyaʼa nɨŋ əkaŋ ze, swe ənɨ mbɨ̀akyiwid nɨə ghə̀ʼə̀, maʼ ɨgwɨ ə si. Wɨ̀ nyaʼa chɨ̀ mbɨ̀akyiwid mbe rɨ ənɨ ɨkwi ɨjə̀ŋ ə̀fààrɨ̀ we. Ənɨ wɨ̀ nyaʼa ghɨ̀ əne mbə̀ŋ nyaʼa kùm, gɨ̂ rɨ mɔʼɔ ghàm, ɨbi mbə̀ŋ ŋwàŋ, si bə̀ wùd.

Ikan feg

⁵ Angirə̀ we ya si chì iywid inga ikwijə̀ŋ àfàtì zì inga akaŋ ìnen ze si màʼ igun isəg. Ane, mbə̀ŋ ya kùm, àŋwàŋwaŋ ŋwàŋ, ìseg chìʼrè kwàʼ ane ika.

Ɨnû 8:5 교차 참조

Matìyò 24:7

Ɨbeŋ bɨrɨ maʼ bid mbɨ ɨbeŋ cherə. Ɨbeŋ nɨ mɨfɔ̂n ə tùmbɨ̀ə̀ bə̀ màʼ bid mbɨ ɨbeŋ cherə nɨ mɨfɔ̂n ə tùmbɨ̀ə̀. Njì kǎ kǎ bɨrɨ nyɨ, si bə̀ wùd ɨsɨ ɨsɨ.

Lk 12:49

“Mə nyaʼa yeʼe ɨ chuʼ ɨwid ɨgwɨ ə si, əne mə kàŋ kəʼ kə̀b ni njɨ ɨ wɨə sɨə berɨə!

Ɨ̀fàʼì 16:26

Mbɨ nɨ zə, si nyaʼa saʼ wùd, əne chìʼ əchɨ ə nəb ndəŋ ze. Àmei əwu əwən, mɨchû nəb mɨjìm nyaʼa fiʼ ə. Mɨ̀kàrə̀ mbe nɨ mbɨ nyaʼa kod mɨ̀mə̌d əŋgu bə̀ zà.

Ɨ̀fàʼì 4:31

Ənɨ mbɨ nyaʼa kɔŋgɨ ə Ŋwiə̀ màànɨ̀, əsɨ ze nɨ mbɨ nyaʼa fetɨ əŋgu ə nyaʼa wùd. Əzwî ə Zeŋɨ ə nyaʼa swi ɨŋga mɨ̀mə̌d mɨjìm, mbɨ gha ɨŋgam Ŋwiə̀ mbɨ fîŋ nɨ kǎ.

Ɨnû 11:13

Àmei ənɨ ə nyùmə̀ we, si nyaʼa wùd kwàʼ rɨ̀kǎ, əba ə fibɨ̀ ənɨ mbɨ ghapɨ nəb te rɨŋga əsɨ ze ɨsɨ wum nyaʼa buʼə. Si ze nyaʼa wùd əne, zwiirɨ bə̂d chuʼ sambe. Ə̀bùʼ ə bə̂d ə nyaʼa bɔ kwàʼ rɨŋgəʼ, əne mbɨ nyaʼa nàʼ ɨwumnɨ əmbɨ ə Ŋwìə̀ we nɨ yeʼ ɨkaŋ.

Ɨnû 11:19

Mbɨ nyaʼa fiʼ mbàn Ŋwìə̀ ze nɨ yeʼ ɨkaŋ, əne bə̂d nyaʼa zə tɨkub ə fɨso ze ɨŋga. Ɨbi mbə̀ŋ wɨə nyaʼə ŋwàŋə̀, gɨ̂ rɨ ghàmə̀, mbə̀ŋ kùmə̀, si wùd, əwəŋ ə feŋgɨ kwàʼ rɨ̀kǎ.

Ɨnû 4:5

Ɨbi mbə̀ŋ wɨə nyaʼə ŋwàŋə̀, gɨ̂ rɨ mɔʼɔ ghàmə̀, mbə̀ŋ bə̀ kùmə̀ rɨ ənɨ ətən ɨfɔ̀n ze. Tɨbiŋ rɨkaʼi sambe tɨə nyaʼə berə ɨfě məd. Tɨbiŋ rɨkaʼi te yɨ ɨzwî mbe sambe nɨə fàʼ əmbɨ ə Ŋwiə̀.

Ɨnû 6:12

Ənɨ Wan njɨ̀g we nyaʼa kyeʼrɨ ɨneŋ we nɨ pe ənɨ wɨ rɨ̀fuə, mə nyaʼa neŋ, əne zə ni si nyaʼa wùd kwàʼ rɨ̀kǎ. Nyùmə̀ nyaʼa fin ɨghabɨ tɨkurɨ ɨdì firɨ, ɨmɨg bə̀ bàŋ ɨghabɨ ənəm.

Ɨnû 8:3

Aŋgɨrə̀ cherə, nɨ nyaʼa yim əkaŋ nɨ mbɨ tekɨ ənɨ ə gôl, nyaʼa yeʼe təm ɨban ɨkwi ɨjə̀ŋ ə̀fààrɨ̀. Mbɨ nyaʼa nàʼ ɨneŋ nɔnɔʼ ɨ bɔ ni wɨ̀ nyam əbɔʼ ɨ̀kɔ̀ŋgɨ̀ bə̂d Ŋwiə̀ mɨ̀jìm əne tɔ̀n ɨgun ɨkwi ɨjə̀ŋ we nɨ mbɨ nyaʼa tekɨ ənɨ ə gôl, nɨ nyaʼa ɨfě ətən ɨfɔ̀n ə Ŋwiə̀.