Ɨnû 22:2 - Meta’

² Ɨ wɨə nyaʼə koŋ ɨŋga mɨgharə̀ ɨnə̂njɨ̀ kyeŋ we rɨŋga əsɨ ze. Əzed ze nɨə nàʼ ɨ̀tènɨ̀ zɨə nyaʼə əŋgo ɨgyɨ̂ kyeŋ we ɨba jìm. Əzed ze zɨə nyaʼə kɔə rɨtam ɨghəm wum chɔ̀b rɨ̀be ɨŋga əghəm əwu. Əne yɨ ɨghəm mɔʼ ɨŋga ɨmɨg. Tɨfuʼ rɨ əzed te tɨə nyaʼə vɨ̀ə̀ bə̂d rɨŋga ɨbeŋ jìm.

Ikan feg

² Wi yaya kɔ̀ŋɔ chè inga fìghàra inɔnjì we ne yaʼi inga ikye aben we. Azed ze ne nàʼà ìtḛ̀ ya yaʼ iban igyi kyen we iba ijìm. Azed ze ya ko titam aghəm ìghum chɔ̀b ibe igun fituʼ. Ze ya ko ighəm imɔʼ igun iməg. Ibo azed ze ya ghùyə̀ bəd inga iben ijìm.

Ɨnû 22:2 교차 참조

Lk 4:18

“Əzwî Ə̀nùŋɨ̀sɨg ə zɨ ɨgwɨ num, ɨmbə̀ʼ ɨghəm nɨ Ə̀nùŋɨ̀sɨg fə zɔʼ əmɨ ni mə gha ɨkə̂n chɔ̀m əmbɨ ə bə̂d ɨkwaŋ. Wɨ̀ fə tom əmɨ ni mə̀ saʼ ni Ŋwìə̀ bɨrɨ chɨ bə̂d ndəŋ sàŋɨ̀, fɔrɨ ni mɨfɨgɨ̀ bɨrɨ zə ɨsɨ bə̀ fɔrɨ ni mbɨ bɨrɨ saŋ bə̂d mbe nɨ mbɨə nyèm mɨ̀mə̌d,

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.

Ɨnû 2:7

“Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”

Ɨnû 21:21

Mɨchû ɨkam mbe wum chɔ̀b rɨ̀be yɨə nyaʼə mɨ̀pə̂l wum chɔ̀b rɨ̀be. Ɨchû ɨkam mɔʼ yɨə nyaʼə pə̂l mɔʼ. Mbɨ nyaʼa tekɨ ɨnə̂njɨ̀ kyeŋ we rɨŋga əsɨ ze àmei ənɨ ə gôl. Gôl we wɨə nyaʼa ɨghabɨ ə manèm nɨ tɨ̀ wə̀d zə ɨghɨ ənjìm.

Ɨnû 21:24

Bə̂d rɨŋga ɨbeŋ jìm bɨrɨ yen ənɨ ɨzeŋɨ zeŋɨ we nɨə te rɨ ənɨ əsɨ ze. Mɨfɔ̂n rɨ ɨgwɨ ə si bɨrɨ wo mbɨ tə mbɔ̂n ɨŋga əsɨ ze.

Ɨnû 22:1

Aŋgɨrə̀ we nyaʼa chwi ɨgyɨ̂ kyeŋ we nɨ mɨnib məd ə nàʼ ɨ̀tènɨ̀. Ɨgyɨ̂ we wɨə nyaʼə zeŋ ɨghabɨ ə kristal. Ɨ wɨə nyaʼə jwɨ̀ rɨ əton ətən ɨfɔ̀n ə Ŋwìə̀ mbɨ Wan njɨ̀g.

Ɨnû 22:14

Ŋwìə̀ zɨ əbɔrəbɔd ɨgun ə bə̂d mbe nɨ fə so tə ngywɨ tɨ zeŋ, ɨmbə̀ʼ ɨ mbe tɨ mbɨ chè ənɨ mɨchû ɨkam nyɨ ɨŋga əsɨ ze, əne jɨg rɨtam tɨ ənɨ əzed ze nɨə nàʼ ɨ̀tènɨ̀.

Ɨnû 22:19

Wə̀d mɔʼɔ mɨ chɨ ənû ə mɔʼɔ rəbɔʼ mɨŋgam mbɔ̂ nɨ mbɨ ŋwaʼnɨ ɨmbə̀ʼ ɨnû mbe nɨ bɨrɨ ghɨ̀, chəi Ŋwìə̀ bɨrɨ ben ni wɨ̀ nyɨ ɨŋga əsɨ ə zeŋɨ ze, kɨ̀ ni wɨ̀ jɨg rɨtam tɨ ənɨ əzed ze nɨə nàʼ ɨ̀tènɨ̀, nɨ mbɨ mə̌ ɨŋga ə̀ŋwàʼnɨ̀ zɔ̂.