Ɨnû 21:17 - Meta’

¹⁷ Wɨ̀ nyaʼa bə̀ mɨ̀g ə̀gùʼ ze rɨ əsɨ ze, əne zə ni zɨə nyaʼa sà ɨkaŋ mɨ̀metà ɨwum rɨ̀fuə chɔ̀b rɨ̀fuə. Wɨ̀ nyaʼa mɨ̀g əne beenɨ əbɔʼ ɨchî nɨ bə̂d mɨ̀sɔŋɨchù ə mɨ̀g ɨghɨ.

Ikan feg

¹⁷ Angirə̀ we ya bə̀ mə̀grì ikam ane ikye aben we, ane, bàd gha ze ya sà ikaŋ mə̀metà ìghum tìfughə chɔ̀b tìfughə. Wì ya mə̀grì icheg ne bəd mbe mə̀grì ighi.

Ɨnû 21:17 교차 참조

Ɨnû 13:18

Ənû zɔ̂ ə kəb ɨwe. Wə̀d we nɨ kyerɨ ənû we tɨ̀ wɨ̀ kə̀b ə nombà nyam kyeŋ zɔ̂, ɨmbə̀ʼ ɨghəm nɨ à yɨə nombà wə̀d mɨ̀sɔŋɨchù. Nombà məd we yɨ əkɨ rɨ̀fuə mbɨ ɨwum rɨ̀fuə chɔ̀b rɨ̀fuə.

Ɨnû 14:3

Bə̂d mbe chuʼ ɨkɨ fibɨ̀ mbɨ ɨwum kwè chɔ̀b rɨ̀kwè nyaʼa təm ɨfě ətən ɨfɔ̀n, ɨfě ɨghɨ ɨkwè mbe nɨ yeʼ ɨkǎ fɔrɨ ɨfě bə̂d kyeŋ mbe nyaʼə kwerɨ ɨkyî fi. Chəi wə̀d mɔʼɔ nɨ tɨ̀ wɨ̀ nyaʼa kwembɨ ɨkyî we chè rɨ ənɨ ə bə̂d mbe chuʼ ɨkɨ fibɨ̀ mbɨ ɨwum kwè chɔ̀b rɨ̀kwè nɨ Ŋwìə̀ nyaʼa choʼ mɨ̀mə̌d rɨ ɨgwɨ ə si.

Ɨnû 21:16

Ɨba kwè mbe rɨ əsɨ ze mbɨə nyaʼə əndəŋ əndəŋ. Ɨsa məd mbɨ ɨfaŋ məd wɨə nyaʼa əndəŋ əndəŋ. Aŋgɨrə̀ we nyaʼa mɨ̀g əsɨ ze ənɨ ə mbàŋ ze, zə ni zɨə nyaʼa sà mɨ̀kilometà chuʼ rɨ̀be mbɨ əkɨ əkwè. Ɨsa məd mbɨ ɨfaŋ məd mbɨ ɨsa ɨkaŋ məd mbɨə nyaʼə əndəŋ əndəŋ.

Ɨnû 21:9

Wɨ mɔʼɔ rəbɔʼ mbɨ̀aŋgɨrə̀ mbe sambe nɨ nyaʼa yim ɨŋgupɨ ɨkaŋ mbe sambe nɨ ŋgəʼ kǎ kǎ te sambe nɨ sɨ nwìə̀ nyaʼa swi ɨŋga, nyaʼa yeʼe ghà ɨ num ni, “Yeʼe, mə bɨrɨ chwi ɨgən we nɨ yeʼ ɨwi Wan njɨ̀g ɨ ne.”

Ɨnû 7:4

Mə nyaʼa zu ɨnun bə̂d we nɨ wɨ̀ nyaʼa zɨ ənweenɨ ɨgun mɨ̀mə̌d. Mbɨ yɨə nyaʼə chuʼ ɨkɨ fibɨ̀ mbɨ ɨwum kwè chɔ̀b rɨkwè. Mbɨ yɨə nyaʼa rɨŋga mɨnəbɨ Izre mbe wum chɔ̀b rɨ̀be.