Ɨnû 13:6 - Meta’

⁶ Zɨ̀ nyaʼa kɔ ghamɨ zɔ̀m ə Ŋwiə̀, kɔ zɔ̀m ɨkum Ŋwiə̀, kɔ zɔ̀m əsɨ ze nɨ Ŋwìə̀ ə chubə bə̀ kɔ zɔ̀m bə̂d mɨ̀jìm mbe nɨə chub ɨkaŋ.

Ikan feg

⁶ Zì ya ko chàpì Ŋwiye tì ikum Ŋwiye tì asiŋi ze ne Ŋwiye we chùghə, bə̀ chàpì fɔrɔ bəd məjìm ne chùghə ikaŋ àbɔ̀ŋɔ.

Ɨnû 13:6 교차 참조

Matìyò 12:34

Mbə yɨə jɔ tɨ rɨbɔ̀ŋ! Mbə̀ kɨə wo gha ənû ə chɔ̀m rɨ yè nɨ mbə yeʼ bə̂d nɨə ghɨ̀ ɨnû rɨbɔ̀ŋ ə? Ɨchû wɨə ghàə̀ yeʼ ɨnû mbe nɨ yeʼ ɨŋga fîŋ.

Matìyò 15:19

ɨmbə̀ʼ ɨghəm nɨ tɨkɔndɨ rɨbɔ̀ŋ tɨə jwɨ̀ rɨŋga fîŋ. Tɨkɔndɨ te tɨə ghɨ̀ ni wə̀d zwiirɨ wɨ cherə, ni wə̀d ni əyi kɨ̀ ɨnom wə̀d cherə, ni wə̀d ni məyi kɨ̀ mbaŋə̀ əbəŋ əbəŋ, ni wə̀d jɨ, ni wə̀d ben zərɨmbin mɨ̀ghab fɔrɨ ni wə̀d chəkɨ rɨkum bə̂d.

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Rm 3:13

“Tɨ̀fɨ̀g ədɔʼ tɨ mɨ̀mə̌d yɨ ɨghabɨ mɨsî nɨ yeʼ əjə. Ɨ mbɨə nɨŋə mbə mɨchû tambɨə bə̂d.” “Ɨŋgam we nɨə jwɨ̀ rɨŋga ɨchû mɨ̀mə̌d yɨ ɨghabɨ mɨtɨg jɔ.”

Kòlosè 1:19

Zɨə nyaʼa bɔ̀ŋ əmbɨ ə Ŋwiə̀ ni Wan məd berɨ mɨchî məd mɨjìm ɨŋga ni.

Kòlosè 2:9

Mɨchî Kristo ənɨ wɨ̀ nyaʼə wə̀d mɨ̀sɔŋɨchù yɨə nyaʼa ɨghabɨ mɨchî Ŋwiə̀.

Mə̀Hibrù 9:2

Mbɨ nyaʼa kod ɨŋwenɨ sobrɨ ənɨ ə ngywɨ̌, əne ghɨ̀ ɨtu be. Ɨ mbɨə nyaʼə tɔŋ ətu ze nɨə nèŋ ɨsɨg ənɨ Əsɨ ə Zeŋɨ. Ɨ mbɨə nyaʼə nùŋ ɨghɨ mbe nɨ mbɨə te ənam ɨgun bə̀ nùŋ ə tebrə̀ fɔrɨ ŋgə̀ŋ ze nɨ mbɨ nuŋ əmbɨ ə Ŋwiə̀ ɨŋga ətu ze.

Mə̀Hibrù 9:24

Chəi Kristo nyaʼa nyɨ ɨŋga əsɨ ɨwumnɨ ze nɨ mbɨ tekɨ ənɨ ɨbɔ, nɨ yeʼ əmɨg ənɨ əzɨ rəsìʼ. Wɨ̀ nyaʼa nyɨ ɨkaŋ, ɨmbə̀ʼ chub ɨfě Ŋwiə̀ ɨmbə̀ʼ əwa.

Ɨnû 11:12

Əne bə̂d ɨ̀kə̀n mbɔ̂ mɨ̀be nyaʼa zu gɨ̂ kǎ kǎ nɨ nyaʼa ghàm rɨkaŋ ghàə̀ əmbɨ mɨ̀mə̌d ni, “Mbə̀ kɔʼ yeʼe əgha!” Ənɨ bə̂d pə̀n mɨ̀mə̌d nyaʼə nèŋə̀, mbɨ nyaʼa wo ɨkaŋ ɨŋga pàʼ.

Ɨnû 12:12

Əne ɨkaŋ mbɨ wə̀d jìm we nɨ yeʼ ɨkaŋ, mbə̀ ghaʼ əwən! Àyɨə ŋgəʼ kyeŋ bɨrɨ nyɨ ɨgwɨ nən, àwɔ̀ si mbɨ rɨ̀bàà, ɨmbə̀ʼ ɨghəm nɨ Debɨ̀rə̀ we fə swiʼi yeʼe əsɨ nən mbɨ ɨsə ɨtəm kyeŋ. Wɨ̀ kyerɨ ni i nyùmə̀ fə tumnə!”

Ɨnû 15:5

Ənɨ ənû zɔ̂ ə nyaʼa chě, mə nyaʼa zə mbàn Ŋwìə̀ ze nɨ yeʼ ɨkaŋ əfìʼə. Mə nyaʼa bə̀ zə ɨŋwenɨ we nɨ chwiə ni Ŋwìə̀ wɨ mbɨ mbi bə̂d.

Ɨnû 18:20

Bə̂d mɨ̀jìm mbe nɨ yeʼ ɨkaŋ, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə nimnɨ əməd! Bə̂d Ŋwiə̀, bə̂d tom mbɨ ə bə̂d ɨ̀kə̀n, mbə̀ ghaʼrɨ əwən ɨmbə̀ʼ ɨghəm nɨ Ŋwìə̀ fə zɨ̀ ɨsaʼi ɨgwɨ məd ɨmbə̀ʼ ɨnû mbe nɨ wɨ̀ nyaʼa ghɨ̌ ənɨ ə nən!”

Ɨnû 21:3

Mə nyaʼa zu gɨ̂ rɨ ənɨ ətən ɨfɔ̀n ze. Gɨ̂ ze zɨə nyaʼə ghàə̀ ni, “Mbə̀ zə, tɨ̀nîn əsɨ nɨ Ŋwìə̀ ə chubə ə zɨ əkaʼ ə bə̂d. Wɨ̀ bɨrɨ chubɨ mbɨ mɨ̀mə̌d əne mbɨ bɨrɨ yeʼ bə̂d ɨməd. Ŋwìə̀ ziə, nɨ yeʼ Ŋwìə̀ mɨ̀mə̌d, bɨrɨ chubɨ mbɨ mɨ̀mə̌d.

Ɨnû 4:1

Ənɨ mə nyaʼa fə zə ɨnû mbɔ̂ jìm, mə nyaʼa neŋ ɨkaŋ, əne zə ɨchû nəb əfìʼə. Gɨ̂ ze nɨ mə̀ nyaʼa be zu nɨ nyaʼə ghàm ɨ num ɨghabɨ ə taŋ, nyaʼa ghà ni, “Kɔʼ yeʼe əgha. Ənɨ ɨnû mbɔ̂ fə che, mə bɨrɨ chwi ɨnû mbe nɨ berɨ ghɨ̀ ɨ ne.”

Ɨnû 4:4

Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.

Ɨnû 5:13

Mə nyaʼa zu gɨ̂ ɨghɨjìm mbe nɨ Ŋwìə̀ nyaʼa tekɨ ɨkaŋ, tekɨ ɨgwɨ ə si, tekɨ əton ə si, tekɨ ɨŋga rɨ̀bàà. Mə nyaʼa bə̀ zu gɨ̂ ɨghɨjìm mbe nɨ yeʼ ɨŋga mɨ̀mə̌d. Ɨghɨ mbe mbɨə nyaʼə kwerɨ ɨkyî ghàə̀ ni, “Mbə̀ naʼ əbɔrəbɔd, nàʼ wumnɨ, yiirɨ bə̀ tìmbɨ̀ ɨka məd we nɨ chub ɨgun ətən ɨfɔ̀n. Mbə̀ bə ghɨ̀ əne ənɨ ə Wan njɨ̀g koŋ koŋ.”

Ɨnû 7:15

Əne ɨ mbɨ ɨfě ətən ɨfɔ̀n ə Ŋwiə̀ fàʼ ɨ bɔ əziə mbɨ ɨzimɨ ɨŋga mbàn məd. Məd we nɨ chub ɨgun ətən ɨfɔ̀n bɨrɨ kubrɨ mɨ̀mə̌d.

Ɨnû 7:9

Ənɨ rɨ̀taanɨ njə̀m ze nyaʼa chě, mə nyaʼa nèŋ, əne zə ɨnɔ̂n bə̂d nɨ nyaʼa kwàʼ wɨ kyeŋ, nɨ chəi ənɨ tɨ̀ wə̀d nyaʼa taŋ. Mbɨ yɨə nyaʼə rɨŋga ɨbeŋ jìm, rɨŋga mɨnəbɨ jìm, rɨŋga ɨsɨ jìm bə̀ fɔrɨ rɨŋga mɨŋgam jìm. Mbɨ nyaʼa təm ɨfě ətən ɨfɔ̀n bə̀ təm ɨfě Wan njɨ̀g. Mbɨ nyaʼa zɨ̀ ngywɨ̌ tɨ rɨ̀fɨ bə̀ yim ɨzaŋ.