Ɨnû 12:7 - Meta’

⁷ Bid nyaʼa kɔ ɨkaŋ. Maikɨ̀l nɨ yeʼ aŋgɨrə̀ kyeŋ mbɨ mbi mbɨ̀aŋgɨrə̀ nyaʼa zɔ̀ŋ tɨ̀sɔ̀ʼɔ̀ jɔ ze. Tɨ̀sɔ̀ʼɔ̀ jɔ ze mbɨ mbi mbɨ̀aŋgɨrə̀ nyaʼa bə̀ fɔtɨ zɔ̀ŋ ə Maikɨ̀l mbɨ mbi mbɨ̀aŋgɨrə̀.

Ikan feg

⁷ Ibid ya ko ikaŋ àbɔ̀ŋɔ. Mayikə̀ ne yaʼi angirə̀ kyen tì ìmbi mbè angirə̀ ya fɔti zɔ̀ŋ tìsɔ̀ʼ jo ze. Tìsɔ̀ʼ jo ze tì ìmbi mbè angirə̀ ya bə̀ fɔ̀ti zɔ̀ŋ Mayikə̀.

Ɨnû 12:7 교차 참조

Matìyò 13:41

Wan Wə̀d bɨrɨ cha mbi mbɨ̀aŋgɨrə̀, mbɨ wò fetɨ ɨghɨjìm mbe nɨə ghɨ̀ə̀ ni bə̂d ghɨ ɨnû rɨbɔ̀ŋ, bə̀ fetɨ bə̂d mɨ̀jìm mbe nɨə ghɨ̀ ɨnû rɨbɔ̀ŋ chɨ̀ rɨŋga ənû ɨfɔ̀n əməd,

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 24:31

Tàŋ mɨ ghàm rɨ̀kǎ, wɨ̀ tom mbi mbɨ̀aŋgɨrə̀ ɨba ɨsɨg mbe kwè ni mbɨ fetɨ mbi bə̂d mbe nɨ wɨ̀ chɔʼɔ, kɔ rɨ ənɨ ɨbu ɨsɨg fibɨ̀ wò pè ənɨ wɨ cherə.

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Matìyò 26:53

Chəi à kyerɨ ni mə we tɨ̀ mə dì əmbɨ mɨ Mbǎʼ, wɨ̀ kɨ chà mɨnɔ̂n mbɨ̀aŋgɨrə̀ nɨ che mɨnɔ̂n wum chɔ̀b rɨ̀be ni mbɨ yeʼe wèèrɨ̀ əmɨ ə?

2 Kɔrèn 12:7

Ɨ ghɨ ni tɨ mə nɔ əmɨ ɨnyod ɨmbə̀ʼ ɨnû yiirɨ kyeŋ mbe nɨ Ŋwìə̀ nyaʼa chwi ɨ num, wɨ̀ nyaʼa zɨ əwɔn ɨŋga mɨ nyamnyod, nɨ yeʼ əghɨ nɨ Satàn nyaʼa tom ni zɨə chə əmɨ, ɨmbə̀ʼ tɨ mə nɔ əmɨ ɨnyod.

Efesùs 6:12

ɨmbə̀ʼ ɨghəm nɨ chəi tɨə zɔ̀ŋə̀ mbɨə bə̂d pə̀n nɨ yeʼ bə̂d mɨ̀sɔŋɨchù. Tɨ̀ wɨə zɔ̀ŋə̀ yeʼ ɨzwî ka ka mbe nɨ yeʼ ɨkaŋ mbɨ mɨfɔ̂n mɨ̀mə̌d. Tɨ̀ wɨə zɔ̀ŋ ɨzwî ka ka mbe nɨ yeʼ ɨŋga ɨsɨ firɨ mbɔ̂ nɨ yeʼ ɨŋga ɨsɨg tɨ̀nîn. Tɨ̀ wɨə bə̀ zɔ̀ŋ ɨzwî rɨbɔ̀ŋ mbe nɨ yeʼ ɨŋga ɨfə.

2 Tès 1:7

Wɨ̀ bɨrɨ naʼ ə̀zwììrɨ̀ əmbɨ mbə̀n mbe nɨə zəə ŋgəʼ. Wɨ̀ bɨrɨ bɨ naʼ ɨ na. Wɨ̀ bɨrɨ ghɨ̀ əne ənɨ ə nyùmə̀ we nɨ Ə̀nùŋɨ̀sɨg Yeso bɨrɨ swiʼ rɨkaŋ mbɨ mbi mbɨ̀aŋgɨrə̀ nɨ berɨ ɨka.

Mə̀Hibrù 2:10

Ɨ ghɨ ni mbɨ wumnɨ bə̂d mɨ̀sɔŋɨchù ɨchî nɨ mbɨə wumnɨ əməd, zɨ̀ ə nyaʼa kùʼ ni Ŋwìə̀ ghɨ ni wə̀d we nɨə chɨ̀ə̀ bə̂d rəŋgəʼ bɔŋ ə màànɨ̀ ɨchî nɨ wɨ̀ nyaʼa zə ŋgəʼ. À yɨə Ŋwìə̀ nyaʼa tekɨ ɨghɨjìm, ɨghɨjìm mbɨə bə̀ əŋgu ənjìm məd.

2 Pità 2:4

Wɨ̀ bɨrɨ ghɨ əne ɨmbə̀ʼ ɨghəm nɨ wɨ̀ nyaʼa bə̀ chə mbɨ̀aŋgɨrə̀ mbe nɨ nyaʼa ghɨ ɨnû rɨbɔ̀ŋ. Wɨ̀ nyaʼa màʼ mɨ̀mə̌d ɨŋga əsɨ ɨchə, nɨ yeʼ əsɨ nɨ wɨ̀ kod mɨ̀mə̌d ənɨ mɨ̀kàrə̀ ɨŋga ɨsɨ mbe nɨə finə kììm, ɨmbə̀ʼ mbɨ chub əŋgu pè əni ze nɨ wɨ̀ bɨrɨ saʼ ɨsɨg.

Jûd 1:9

Ka àbei Maikɨ̀l nɨ yeʼ ətu ɨgwɨ mbɨ̀aŋgɨrə̀, ənɨ wɨ̀ nyaʼə tàŋə̀ mbɨ ə Debɨ̀rə̀ ɨmbə̀ʼ we rəbɔʼ mɨ̀mə̌d nɨ bɨrɨ nɨŋ əvɨ ə Mose, chəi wɨ̀ nyaʼa kɔndɨ nɨ zɨ ɨsaʼi ɨgun ə Debɨ̀rə̀ ɨmbə̀ʼ chəkɨ ɨkum məd. Wɨ̀ nyaʼa ghà ɨ bɔ àmei ni, “Ə̀nùŋɨ̀sɨg gham əbɔʼ nè.”

Ɨnû 12:8

Àyɨə Maikɨ̀l mbɨ mbi mbɨ̀aŋgɨrə̀ nyaʼa baŋ mɨ̀mə̌d, əne chəi tɨ̀sɔ̀ʼɔ̀ jɔ ze mbɨ mbi mbɨ̀aŋgɨrə̀ nyaʼa wɨrɨ berɨ tɨmbin ɨkaŋ.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 13:7

Mbɨ nyaʼa sàŋ əməd ni zɨ̀ maʼ bid mbɨ ə bə̂d Ŋwiə̀ bə̀ baŋ mɨ̀mə̌d. Mbɨ nyaʼa nàʼ ɨka ɨ bɔ ni zɨ̀ tumbɨ bə̂d rɨŋga ɨnəbɨ jìm, rɨŋga ɨsɨ jìm, rɨŋga mɨŋgam jìm bə̀ fɔrɨ rɨŋga ɨbeŋ jìm.

Ɨnû 20:2

Wɨ̀ nyaʼa gywɨ̀ tɨ̀sɔ̀ʼɔ̀ jɔ ze, nɨ yeʼ jɔ ze nɨ nyaʼa rəŋwe, əne yɨə Debɨ̀rə̀ kɨ ə Satàn, əne kod əməd ɨghəm ɨwu chuʼ fibɨ̀.