Ɨnû 12:3 - Meta’

³ Ənweenɨ-ənû ə cherə ə nyaʼa jwɨ̀ ɨkaŋ: Tɨ̀sɔ̀ʼɔ̀ jɔ bagɨ zɨə nyaʼa əŋgu. Zɨ̀ nyaʼa berɨ ɨtu sambe, berɨ ndɔŋ wum bə̀ berɨ tɨdəm ɨfɔ̀n sambe ɨgwɨ ɨtu məd mbe.

Ikan feg

³ Ayeti anug ndəŋ ya ywìrì dù ikaŋ àbɔ̀ŋɔ. Tìsɔ̀ʼ jo bàghi mɔ̀ʼɔ ya yaʼ angu. Zì ya bèrì itog ìsàmbe, bèrì ndɔŋ ìghum bə̀ bèrì ighi atog ifɔn ìsàmbe igun itog məd mbe.

Ɨnû 12:3 교차 참조

Ɨnû 12:1

Ənweenɨ-ənû nɨ chè əbɔ ə nyaʼa jwɨ̀ ɨkaŋ: Əyi mɔʼɔ wɨə nyaʼa əŋgu, nɨ ngywɨ̌ məd yɨə nyaʼə nyùmə̀. Wɨ̀ nyaʼa nùŋ mbi ɨwu ɨgun ɨmɨg, bə̀ zɨ̀ ɨdəm ɨfɔ̀n nɨ berɨ tɨtəmɨ wum chɔ̀b rɨ̀be.

Ɨnû 12:13

Ənɨ tɨ̀sɔ̀ʼɔ̀ jɔ ze nyaʼa zə ni mbɨ fə màʼ əməd ɨgwɨ ə si, zɨ̀ nyaʼa kɔ fid əyi we nɨ nyaʼa gywɨ wan mbaŋə̀ we.

Ɨnû 12:17

Tɨ̀sɔ̀ʼɔ̀ jɔ ze nyaʼa sə ɨtəm əbɔʼ əyi we. Əne zɨ̀ nyaʼa wò kɔ maʼ bid mbɨ ə bɔn mbe nɨ buʼu tɨ ənɨ bɔn əyi we, əne yɨə bə̂d mbe nɨə nuŋ tɨkə rɨ Ŋwiə̀ mbɨ mbe nɨ nyaʼə ghà rəsìʼ ɨmbə̀ʼ ə Yeso. [

Ɨnû 12:4

Ɨkon məd nyaʼa sùŋ əbà ə fibɨ̀ ənɨ mbɨ ghapɨ rɨtəmɨ ɨba tad. Wɨ̀ nyaʼa sùŋ əne màʼ ɨgwɨ ə si. Tɨ̀sɔ̀ʼɔ̀ jɔ ze nyaʼa təm ɨfě əyi we nɨ nyaʼə nombɨə, ɨmbə̀ʼ wɨ̀ mɨ gywɨ, zɨ̀ kud wan məd.

Ɨnû 12:7

Bid nyaʼa kɔ ɨkaŋ. Maikɨ̀l nɨ yeʼ aŋgɨrə̀ kyeŋ mbɨ mbi mbɨ̀aŋgɨrə̀ nyaʼa zɔ̀ŋ tɨ̀sɔ̀ʼɔ̀ jɔ ze. Tɨ̀sɔ̀ʼɔ̀ jɔ ze mbɨ mbi mbɨ̀aŋgɨrə̀ nyaʼa bə̀ fɔtɨ zɔ̀ŋ ə Maikɨ̀l mbɨ mbi mbɨ̀aŋgɨrə̀.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 13:1

Mə nyaʼa zə nyam kyeŋ nɨ zɨ̀ nyaʼə jwɨ̀ rɨŋga rɨ̀bàà. Zɨ̀ nyaʼa berɨ ndɔŋ wum bə̀ berɨ ɨtu sambe. Ndɔŋ te ɨ mɔʼ mɔʼ nyaʼa berɨ rɨdəm mɨfɔ̀n kwa kwa ɨgun. Ɨtu mbe ɨ mɔʼ mɔʼ nyaʼa berɨ tɨkum nɨ zɔm ə Ŋwiə̀ ɨgun.

Ɨnû 13:2

Nyam kyeŋ ze nɨ mə nyaʼa zə zɨə nyaʼa ɨghabɨ əfɔn. Ɨwu məd mbɨə nyaʼa ɨghabɨ ɨwu bê. Ɨchû məd wɨə nyaʼa ɨghabɨ ɨchû ŋgwàbaʼ. Tɨ̀sɔ̀ʼɔ̀ jɔ ze nyaʼa nàʼ i ɨka, nàʼ i ətən ɨfɔ̀n bə̀ nàʼ ɨka kyeŋ nɨ tumbɨ bə̂d əmbɨ ə nyam kyeŋ ze.

Ɨnû 13:4

Bə̂d mbɨə nyaʼa wumnɨ tɨ̀sɔ̀ʼɔ̀ jɔ ze ɨmbə̀ʼ ɨghəm nɨ zɨ nyaʼa fə nàʼ ɨka nɨ tumbɨ bə̂d əmbɨ ə nyam kyeŋ ze. Ɨ mbɨə nyaʼə bə̀ wumnɨə nyam kyeŋ ze ghàə̀ ni, “À kɨə we nɨ yeʼ ɨghabɨ ə nyam kyeŋ zɔ̂ ə? À kɨə we nɨ tɨ̀ wɨ̀ zɔ̀ŋ əməd ə?”

Ɨnû 15:1

Mə nyaʼa zə ənweenɨ-ənû ə cherə ɨkaŋ. Ənweeenɨ-ənû ze ə nyaʼa chè əbɔ. Mbɨ̀aŋgɨrə̀ sambe mbɨə nyaʼə əŋgu. Mbɨ nyaʼa yim ŋgəʼ rɨ kǎ kǎ sambe, nɨ yeʼ te nɨ sɨ nwìə̀. Ŋgəʼ te mɨ fə mì i, ka Ŋwìə̀ bɨrɨ wɨrɨ sə i ɨtəm.

Ɨnû 16:13

Mə nyaʼa zə ɨzwî tad nɨ chəi mbɨ nyaʼa zeŋɨ. Ɨ mbɨə nyaʼa ɨghabɨ ɨsɔn. Ɨ mbɨə nyaʼə jwɨ̀ rɨŋga ɨchû rɨ̀sɔ̀ʼɔ̀ jɔ ze, rɨŋga ɨchû nyam kyeŋ ze bə̀ fɔrɨ rɨŋga ɨchû wə̀d ɨ̀kə̀n mɨghab we.

Ɨnû 17:12

“Ndɔŋ te wum nɨ à nyaʼa zə yɨ mɨfɔ̂n wum nɨ chəi mbɨ kɨrɨ naʼ ɨka əmbɨ mɨ̀mə̌d. Àyɨə mbɨ bɨrɨ naʼ ɨka nɨ tumbɨ bə̂d əmbɨ mɨ̀mə̌d bə̀ nàʼ əmbɨ ə nyam kyeŋ rɨtu ze ni mbɨ tumbɨ bə̂d ənɨ ə awà fibɨ̀.

Ɨnû 17:16

Ndɔŋ te wum nɨ à kəʼ zə mbɨ ə nyam kyeŋ ze bɨrɨ ban ə̀kùnɨ̀ ze. Mbɨ bɨrɨ nɨŋ ɨghɨjìm rɨ bɔ, saŋ əməd tɨ̀sɔ̀ʼ ɨkyerɨ. Mbɨ bɨrɨ kud nyamnyod məd bə̀ tɔ̀n əməd ənɨ ɨwid.

Ɨnû 17:7

Aŋgɨrə̀ we nyaʼa biirɨ ɨ num ni, “À kɨə yiirɨ ɨmbə̀ʼ ə yè ə? Mə bɨrɨ gha ənû ze nɨ yeʼ ənə̀mə ɨmbə̀ʼ əyi wɔ̂ ɨ ne. Mə bɨrɨ bɨ ghà ənû ɨmbə̀ʼ nyam kyeŋ ze nɨ wɨ̀ kɔʼɔ, nɨ berɨ ɨtu sambe mbɨ ə ndɔŋ wum.

Ɨnû 19:12

Əghə əməd ə nyaʼa ɨghabɨ ɨnemɨ ɨwid. Tɨdəm fɔ̀n nɔnɔʼ tɨə nyaʼa ɨgun ətu əməd. Ɨkum nyaʼa ɨgwɨ məd, nɨ chəi wə̀d mɔʼɔ kyerɨ ɨkum we chè rɨ ənɨ ə məd ziə.

Ɨnû 20:2

Wɨ̀ nyaʼa gywɨ̀ tɨ̀sɔ̀ʼɔ̀ jɔ ze, nɨ yeʼ jɔ ze nɨ nyaʼa rəŋwe, əne yɨə Debɨ̀rə̀ kɨ ə Satàn, əne kod əməd ɨghəm ɨwu chuʼ fibɨ̀.