Ɨnû 11:9 - Meta’

⁹ Bə̂d rɨŋga ɨsɨ jìm, rɨŋga mɨnəbɨ jìm, bə̂d nɨə ghàm tɨkwɨrɨ ɨŋgam əbeŋ jìm mbɨ ə bə̂d rɨŋga ɨbeŋ jìm bɨrɨ toŋ ɨghə ɨgwɨ ɨvɨ mɨ̀mə̌d ɨni tad rɨ əbà. Chəi mbɨ bɨrɨ ben ni mbɨ tweŋ ɨvɨ mɨ̀mə̌d.

Ikan feg

⁹ Bəd inga isiŋi ijìm tì inga tinəbi tijìm fɔrɔ bəd inga iben ijìm biri nèn ìmbɔb iwu bəd ane ineg itad tì aba. Chəyi mbi biri bḛ gha mbe twəŋi awɔb.

Ɨnû 11:9 교차 참조

Matìyò 7:2

Ɨchî nɨ mbə̀ə saʼə bə̂d cherə, yɨə bə̀ ɨchî nɨ Ŋwiə̀ bɨrɨ saʼ əwən. Ŋwìə̀ bɨrɨ nɨŋ ɨchî nɨ mbə̀ saʼ bə̂d cherə saʼ əwən əŋgu.

Ɨnû 10:11

Mbɨ nyaʼa ghà ɨ num ni, “À berɨ wɨrɨ gha ɨkə̂n Ŋwiə̀ ɨmbə̀ʼ ənû ze nɨ wɨ̀ kàʼi əmbɨ ə bə̂d mɨ̀nɔnɔʼ, əmbɨ ə bə̂d ɨŋga ɨbeŋ nɔnɔʼ, əmbɨ ə bə̂d nɨə ghàm mɨŋgam jìm bə̀ ghà əmbɨ mɨ̀fɔ̀n.”

Ɨnû 11:11

Ənɨ ɨni mbe tad rɨ əbà nyaʼa fə chě, Ŋwìə̀ nyaʼa chà əzwî nɨə nàʼ ɨ̀tènɨ̀. Zɨə nyaʼa yeʼe nyɨ ɨŋga mɨ̀mə̌d, əne ɨvɨ bə̂d mbe nyaʼa nɔ̀ʼ təm rətiə. Ɨfeŋɨ nyaʼa yim bə̂d mbe nɨ nyaʼa zə mɨ̀mə̌d.

Ɨnû 13:7

Mbɨ nyaʼa sàŋ əməd ni zɨ̀ maʼ bid mbɨ ə bə̂d Ŋwiə̀ bə̀ baŋ mɨ̀mə̌d. Mbɨ nyaʼa nàʼ ɨka ɨ bɔ ni zɨ̀ tumbɨ bə̂d rɨŋga ɨnəbɨ jìm, rɨŋga ɨsɨ jìm, rɨŋga mɨŋgam jìm bə̀ fɔrɨ rɨŋga ɨbeŋ jìm.

Ɨnû 17:15

Aŋgɨrə̀ we nyaʼa bə̀ ghà ɨ num ni, “Mɨgyɨ̂ mbe nɨ à kəʼ zə nɨ ə̀kùnɨ̀ ze kəʼ chub ɨgun yɨə bə̂d ɨsɨ jìm, bə̂d mɨnɔ̂n kyeŋ, bə̂d rɨŋga ɨbeŋ jìm mbɨ ə bə̂d rɨŋga mɨŋgam jìm.

Ɨnû 5:8

Ənɨ wɨ̀ nyaʼa nɨŋ ə̀ŋwàʼnɨ̀ ze, ɨghɨ mbe ɨkwè nɨ yeʼ ɨkǎ mbɨ ə bə̂d kyeŋ mbe ɨwum be chɔ̀b rɨkwè, nyaʼa gundɨ ə si ɨfě Wan njɨ̀g we. Wɨ mɔʼ mɔʼ rəbɔʼ mɨ̀mə̌d nyaʼa yim ɨnoŋɨ ngyi bə̀ yim ɨŋgupɨ ɨkaŋ nɨ mbɨ nyaʼa tekɨ ənɨ ə gôl. Ɨneŋ nyaʼa swi ɨŋga ɨŋgupɨ ɨkaŋ mbe. Ɨneŋ we yɨ ɨ̀kɔ̀ŋgɨ̀ bə̂d Ŋwiə̀.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.