Ɨ̀fàʼì 9:41 - Meta’

⁴¹ Pità nyaʼa yim əbɔ əməd, wèèrɨ̀ əməd ni wɨ̀ təm rətiə. Ənɨ wɨ̀ nyaʼa ghɨ əne, wɨ̀ nyaʼa tɔŋ bə̂d mbe nɨ nyaʼa ben ə Kristo mbɨ mɨku əyi mbe, chwiə Tabità nɨ yeʼ ɨkǎ əmbɨ mɨ̀mə̌d.

Ikan feg

⁴¹ Pità ya nyimi abo ibo, wètì aməd gha wì təm titighe. Anyumə̀ ne wì ya ghì ane, wì ya kàrì bəd mbe ne ya bḛ Kristo bə̀ kàrì məku àyi mbe, chwi Tàbità inɔb izɔm.

Ɨ̀fàʼì 9:41 교차 참조

Mk 1:31

Yeso nyaʼa wò ɨban məd, pè yim əbɔ əməd nɔ̀, wɨ̀ nɔ̀ʼ chubɨ. Ɨfə we nyaʼa saŋ əməd, wɨ̀ nɔ̀ʼ nàʼ ɨghɨjɨg əmbɨ mɨ̀mə̌d.

Lk 7:12

Ənɨ wɨ̀ nyaʼa sɨə wò pe ɨban ɨchû ɨkam we nɨə nyɨ ɨŋga əsɨ ze, wɨ̀ nyaʼa zə ənɨ mbɨ nyaʼə bèʼ əvɨ ə wə̀d mɔʼɔ jwɨ̀ə̀ mbɨ əzɨ əwən. Mbaŋə̀ ze nɨ nyaʼa kwɨ yɨə nyaʼa àmei wan we mɔʼ əmbɨ i nɨŋ, nɨ nyaʼa ɨku əyi. Ɨnɔ̂n bə̂d nɨ nyaʼa kwàʼ wɨ kyeŋ nyaʼə beenɨ əbɔʼ ɨku əyi we.

Lk 7:15

Mbaŋə̀ ze nɨ nyaʼa kwɨ nyaʼa nɔ̀ʼ chubɨ kɔ ghamɨ. Yeso nyaʼa nàʼ əməd əmbɨ ɨŋgɔb məd.

Ɨ̀fàʼì 20:12

Mbɨ nyaʼa nɨŋ əjɔŋ ze wò mbɨ məd ɨŋga nəb ɨkǎ. Ɨghaʼi nyaʼa swi ɨŋga fîŋ rɨ bə̂d mbe.

Ɨ̀fàʼì 3:7

Ənɨ wɨ̀ nyaʼa ghà əne, wɨ̀ nyaʼa yim əbɔ ə jɨg əməd, nɔ̀ wɨ̀ təm rətiə. Àmei əwu əwən, ɨwu məd mbɨ ŋgwèd ɨwu məd nyaʼa kàànɨ̀.

Ɨ̀fàʼì 6:1

À nyaʼa ɨŋga ɨni mbe, ənɨ ɨnun bə̂d mbe nɨ nyaʼa ben ə Kristo nyaʼə sɨə nɔʼrɨə wò ɨmbì, mɨ̀Jû mbe nɨ nyaʼə ghàm ə Grik mbɨə nyaʼə ghàmbɨ̀ mbe nɨ nyaʼə ghàm ə Hibrù, ɨmbə̀ʼ ɨghəm nɨ ɨ mbɨə nyaʼə mèʼnɨ̀ mɨku əyi mɨ̀mə̌d ɨni jìm ənɨ mbɨ nyaʼə ghàpɨ̀ ɨghɨjɨg.

Ɨ̀fàʼì 9:13

Ànàniàs nyaʼa wììrɨ̀ ni, “Ə̀nùŋɨ̀sɨg, bə̂d mɨ̀nɔnɔʼ fə ghà ɨ num ɨmbə̀ʼ mbaŋə̀ zɔ̂. Mbɨ fə ghà ɨmbə̀ʼ ɨchî nɨ wɨ̀ fə zɨ ŋgəʼ nɔnɔʼ ɨgwɨ mbe bə̂d ə Jèrusalèm.

Ɨ̀fàʼì 9:32

Ɨchî nɨ Pità nyaʼə yèn ɨŋga ɨsɨ mbe jìm, wɨ̀ nyaʼa bə̀ swiʼi wò ghandɨ bə̂d Ŋwiə̀ mbe nɨ nyaʼə chub ə Lidà.

1 Timotì 5:3

Wumnɨ mɨku əyi mbe nɨ chəi wə̀d ə nəŋgɨ mɨ̀mə̌d.

1 Timotì 5:5

Ɨku əyi we nɨ chəi wə̀d nɨə nəŋgɨ əməd, nɨ yeʼ tə̀zìʼ wi, fə nùŋ ti rɨkɔndɨ ɨgun ə Ŋwiə̀. Ɨ wɨə wò ɨmbì nɔn ɨnû rɨ əmbɨ ə Ŋwiə̀ bə̀ kɔ̀ŋgɨ̀ əməd ɨzimɨ mbɨ əziə.