Ɨ̀fàʼì 9:36 - Meta’

³⁶ À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ.

Ikan feg

³⁶ Anyumə̀ we ne Pità ya yaʼi a Lidà, àyi mɔ̀ʼɔ ne ya bḛ Kristo yaya chùghə a Jopà. Ikum məd ya Tàbità. Ikum məd ane ìngam Grig ya Dòkas. Wì yaya ghìyə̀ inug chɔm bə̀ wètè bəd ne chəyi àzɔb.

Ɨ̀fàʼì 9:36 교차 참조

Matìyò 25:17

Əne bə̂, we nɨ nyaʼa nɨŋ ɨ̀bàm ɨkab gôl be, nyaʼa bə̀ jɨg njìm ɨ̀bàm cherə be.

Jn 15:5

“Mɔ̌ yɨ əzed ə vaìn. Mbə yɨ rɨtəb vaìn. Wə̀d we nɨ chub ənɨ ənû ə mɔʼ mbɨ num, mə bɨrɨ bɨ chub ənɨ ənû ə mɔʼ mbɨ məd, əne məd bɨrɨ kɔ rɨtam nɔnɔʼ. Chəi ənɨ tɨ̀ mbə ghɨ̀ ənû ə mɔʼɔ ənɨ ə ɨghəm nɨ chəi əmɨ əŋgu.

Jn 15:8

Ənû ze nɨ bɨrɨ nàʼ ɨwumnɨ əmbɨ mɨ Mbǎʼ yɨ ni mbə̀ kɔ rɨtam nɔnɔʼ. Əze ə bɨrɨ chwi ni mbə̀ yɨ mbɨ mə̀mə̀ə̀nɨ̀-ɨnû.

Ɨ̀fàʼì 10:23

Pità nyaʼa zu əne, tɔŋ mbaŋə̀ te ni mbɨ yeʼe ni mbɨ ni. À nyaʼa əni ze nɨ beenɨ, Pità nyaʼa nɔ̀ʼ wò mbɨ mɨ̀mə̌d. Bə̂d mɔʼɔ mbe nɨ nyaʼa ben ə Kristo ə Jopà nyaʼa bə̀ wò mbɨ məd.

Ɨ̀fàʼì 10:31

Wɨ̀ nyaʼa təm ghà ni, 'Kɔneliùs! Ŋwìə̀ fə zu e ə̀kɔ̀ŋgɨ̀. Wɨ̀ fə bə̀ zə ɨkab we nɨ àwɔ̀ ə nàʼ əmbɨ ə bə̂d ɨkwaŋ.

Ɨ̀fàʼì 10:8

Wɨ̀ nyaʼa ghà ɨnû jìm mbe nɨ nyaʼa ghɨ̌ əmbɨ mɨ̀mə̌d, əne tom mɨ̀mə̌d ə Jopà ni mbɨ wo nɨŋ ə Pità yeʼe mbɨ məd.

Ɨ̀fàʼì 11:13

Mbaŋə̀ ze nyaʼa ghà ɨchî nɨ wɨ̀ kəʼ zə aŋgɨrə̀ nɨ təm ɨŋga nəb məd ghà ɨ bɔ ni, 'Tom bə̂d ə Jopà ni mbɨ wo nɨŋ ə Saimòn we nɨ mbɨə bə̀ tɔŋ ənɨ Pità yeʼe mbɨ məd.

Ɨ̀fàʼì 11:5

Wɨ̀ nyaʼa ghà ni, “Ənɨ mə nyaʼə kɔ̀ŋgɨ̀ ə Ŋwiə̀ ə Jopà, tɨ̀taanɨ njə̀m mɔʼɔ nyaʼa chè əmɨ. Ɨŋga tɨ̀taanɨ njə̀m ze, mə nyaʼa zə əghɨ ə mɔʼɔ nɨ nyaʼə swiʼə rɨkaŋ ɨghabɨ əbapɨ ə ngywɨ̌ ə kyeŋ. Ɨ mbɨə nyaʼə swi əghɨ ze rɨkaŋ ənɨ rɨbu rɨ̀kwè. Zɨə nyaʼa swiʼi yeʼe ɨban num.

Ɨ̀fàʼì 9:38

Lidà wɨə nyaʼa ɨban ə Jopà. Ənɨ bə̂d mbe nɨ nyaʼa ben ə Kristo nyaʼa zu ni Pità wɨ ə Lidà, mbɨ nyaʼa tom mbaŋə̀ rɨ̀be əsɨ məd ni mbɨ pe buʼ ɨbɔ ɨ bɔ ghà ni, “Aŋgɔb, zambɨ yeʼe əsɨ na ə Jopà.”

Ɨ̀fàʼì 9:42

Ənû zɔ̂ ə nyaʼa jàŋ ɨŋga Jopà jìm, əne bə̂d mɨ̀nɔnɔʼ nyaʼa ben Ə̀nùŋɨ̀sɨg.

Efesùs 2:10

Tɨ̀ yɨ əbɔ ə̀fàʼì ə Ŋwiə̀ nɨ wɨ̀ nyaʼa tekɨ ɨmbə̀ʼ tɨ chubɨ ənɨ ɨfɔtɨ mbɨ Kristo Yeso sɨə ghɨ̀ ɨnû chɔ̀m mbe nɨ Ŋwìə̀ nyaʼa fə be tekɨ rɨmbì ni tɨ̀ sɨə ghɨ̀ə̀.

Fìlipì 1:11

Àmei Yeso Kristo we tɨ wɨ̀ ghɨ̀ ni mbə̀ ghɨ ɨnû ɨchî nɨ kuʼnɨ, ɨmbə̀ʼ bə̂d wumnɨ ə Ŋwiə̀ bə̀ yiirɨ əməd.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

1 Tèsàlonikà 4:10

À yɨ rəsìʼ ni mbə kàŋ ghaʼ mbə bɔŋgɔb mɨ̀jìm mbe nɨ yeʼ ɨŋga ɨsɨ jìm mbe rɨ ə Màsèdonià. Àyɨə tɨ̀ wɨə buʼ ɨbɔ ɨ nən, kyɨə bɔŋgɔb, ni mbə̀ wo ɨmbì ghɨ əne tɨ̀nîn chè ɨchî nɨ mbə̀ nyaʼə bèə̀ ghɨ̀ə̀.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Tayitùs 2:7

Chwi ənɨ ɨnû jìm ni àwɔ̀ yɨ əmɨg ɨchî nɨ àwɔ̀ ə ghɨ̀ ɨnû chɔ̀m. Chwi ɨnû ɨchî chɔ̀m ənɨ e fîŋ jìm.

Tayitùs 3:8

Ɨnû mbɔ̂ jìm nɨ mə̀ fə gha ɨ nən yɨ ɨnû rəsìʼ. Mə kə̀b ni à gha ɨnû mbɔ̂ kòmbɨ̀, ɨmbə̀ʼ bə̂d mbe nɨ ben ə Ŋwìə̀ we əwən bə̀ ghɨ̀ ɨnû chɔ̀m. Ɨnû mbɔ̂ yɨ ɨnû chɔ̀m. Mbɨ bɨrɨ bɨ wèèrɨ̀ wə̀d jìm.

Mə̀Hibrù 13:21

naʼ ɨghɨ chɔ̀m jìm ɨ nən ɨmbə̀ʼ mbə ghɨ ɨnû mbe nɨ wɨ̀ kəbɨ. Wɨ̀ che ənjìm ə Yeso Kristo ghɨ̀ ɨnû mbe nɨ bɔŋ ɨ bɔ ɨŋga na. Tɨ̀ wumnɨ ə Yeso Kristo koŋ koŋ. À yɨ əne.

Jems 1:27

Ənû ə Ŋwìə̀ ze nɨ Ŋwiə̀ Mbǎʼ ben ni zɨə zeŋ, nɨ chəi ənû rɨbɔ̀ŋ ɨŋga, yɨ nɨ nəŋgɨ mɨchɨ bə̀ fɔrɨ nɨ nəŋgɨ mɨku əyi mbe nɨə zəə ŋgəʼ. À yɨə bə ni tɨ wə̀d ben i ɨnû rɨŋga ɨsɨg chəkɨ i əməd.