Ɨ̀fàʼì 9:27 - Meta’

²⁷ Banabàs nyaʼa nɨŋ ə Sɔ̂l mbɨ wo əsɨ bə̂d tom mbe, pè tòʼrɨ̀ ɨchî nɨ Sɔ̂l nyaʼa zə Ə̀nùŋɨ̀sɨg ɨnə̂njɨ̀, Ə̀nùŋɨ̀sɨg gham ɨ bɔ. Wɨ̀ nyaʼa bə̀ tòʼrɨ̀ ɨchî nɨ Sɔ̂l nyaʼə ghà ɨŋgam Ŋwiə̀ ə Dàmaskɔ̀s ənɨ ɨkum Yeso ənɨ fîŋ nɨ kǎ.

Ikan feg

²⁷ Bànabàs ya niŋ Sɔl mbi ghò abɔ̀ʼ bədtɔm mbe, pè tòʼrì icheg ne Anɔŋisəg ya du ghàm abə Sɔl igun inɔnjì anyumə̀ ne wì yaya ghò a Dàmaskòs. Wì ya bə̀ mə̀tì icheg ne Sɔl yaya ghàmà Ìngam Ŋwiye a Dàmaskòs ane ikum Yeso kwàʼ ne chəyi we bɔ.

Ɨ̀fàʼì 9:27 교차 참조

Ɨ̀fàʼì 11:22

Ɨfetɨ bə̂d Kristo we rɨ ə Jèrusalèm nyaʼa zu ənû ze, əne mbɨ nyaʼa tom ə Banabàs ə Antiɔ̀k.

Ɨ̀fàʼì 11:25

Əne Banabàs nyaʼa wò kəb ə Sɔ̂l ə Tasùs.

Ɨ̀fàʼì 12:25

Ənɨ Banabàs mbɨ Sɔ̂l nyaʼa maanɨ ə̀fàʼì ze nɨ mbɨ nyaʼa wo faʼ ə Jèrusalèm, mbɨ nyaʼa bə̀ndɨ̀ wò ə Antiɔ̀k. Ənɨ mbɨ nyaʼə bə̀ndɨ̀ə̀, mbɨ nyaʼa nɨŋ ə Jɔ̌n we nɨ ɨkum məd cherə nyaʼə Mak wò mbɨ məd.

Ɨ̀fàʼì 13:2

Ənɨ mbɨ nyaʼə wumnɨ ə Ə̀nùŋɨ̀sɨg bə̀ chubə rɨ jɨg, Əzwî ə Zeŋɨ ə nyaʼa ghà əmbɨ mɨ̀mə̌d ni, “Mbə̀ sweŋ ə Banabàs mbɨ Sɔ̂l ɨ num ɨmbə̀ʼ mbɨ faʼ ə̀fàʼì ze nɨ mə chɔʼ mɨ̀mə̌d ni mbɨ faʼa.”

Ɨ̀fàʼì 15:2

Pɔ̂l mbɨ Banabàs nyaʼa berɨ tàŋ kǎ kǎ mbɨ ə bə̂d mbe ɨmbə̀ʼ ənû ze. Əne mbɨ nyaʼa chɔʼ ə Pɔ̂l mbɨ Banabàs mbɨ ə bə̂d Kristo cherə, tom mɨ̀mə̌d ni mbɨ kɔʼ wò ə Jèrusalèm wò nweenɨ ənû ze mbɨ ə bə̂d tom fɔrɨ mbɨ ə bə̂d mbe nɨ nyaʼə chà ɨfetɨ bə̂d Kristo.

Ɨ̀fàʼì 4:13

Ənɨ bə̂d mbe nɨə tekɨ ɨnû mbɨ ə bə̂d kyeŋ mbe rɨŋga əbeŋ nyaʼa zə ɨchî nɨ Pità mbɨ Jɔ̌n nyaʼə ghàmə̀ mbɨ ə fîŋ nɨ kǎ, bə̀ kyerɨ ni chəi mbɨ nyaʼa kyerɨ ə̀ŋwàʼnɨ̀ mbɨ ni mbɨ yɨ ɨnatɨ bə̂d, mbɨ nyaʼa yiirɨ. Mbɨ nyaʼa bə̀ kyerɨ ni ɨ mbɨə nyaʼə yènə̀ mbɨ Yeso.

Ɨ̀fàʼì 4:29

Əne tɨ̀nîn Ə̀nùŋɨ̀sɨg, zə ɨchî nɨ mbɨə fàŋ əwa. Ghɨ ni mbǎ, mbe bə̂d ə̀fàʼì, gha e ɨŋgam mbɨ ə fîŋ nɨ kǎ.

Ɨ̀fàʼì 4:36

Zɨə nyaʼa chè ni Jòsêf, nɨ bə̂d tom nyaʼa chu əməd ənɨ ə Banabàs (əton ənɨ ɨkum we yɨ ni, Wan mbaŋə̀ nɨə tìmbɨ̀ ə bə̂d), nɨ nyaʼa rɨŋga ɨnəbɨ Levì, mbɨ gywɨ əməd ə Saiprùs,

Ɨ̀fàʼì 9:17

Əne Ànàniàs nyaʼa wò nyɨ ɨŋga nəb ze, pè zab mbi ɨbɔ ɨgwɨ məd, ghà ni, “Aŋgɔb Sɔ̂l, Ə̀nùŋɨ̀sɨg Yeso we nɨ kəʼ jwɨ̀ ənɨ e ɨfě ənɨ a kə̀ʼ yeʼe əgha, fə chà əmɨ əsɨ ne ɨmbə̀ʼ à wɨrɨ zə ɨsɨ, Əzwî ə Zeŋɨ ə swi ɨŋga ne.”

Ɨ̀fàʼì 9:29

Ɨ wɨə nyaʼə ghàmə̀ bə̀ tàŋə̀ mbɨ mɨ̀Jû mbe nɨ nyaʼə ghàm ɨŋgam Grik, àyɨə mbɨ nyaʼa kə̀b zwiirɨ əməd.

1 Kɔrèn 15:8

Wɨ̀ nyaʼa sɨ nwìə̀ jwɨ̀ ənɨ mɨ ɨfě. Mɔ̌ yɨ ɨghabɨ ə wə̀d nɨ mbɨ nyaʼa gywɨ nɨ chəi nyùmə̀ nyaʼa kɨrɨ kuʼ.

1 Kɔrèn 9:6

Kɨ̀ à wa kɨ àmei mɔ̌ mbɨ Banabàs nɨ berɨ fàʼ ənɨ mba ɨbɔ bɔŋ jɨg ə?

Gàlesìyà 2:13

Ənɨ wɨ̀ nyaʼə ghɨ̀ ə̀bèkɨ̀ ənû zɔ̂, mɨ̀Jû cherə nyaʼa beenɨ əbɔʼ məd. Ka àbei ə Banabàs, wɨ̀ nyaʼa bə̀ fèbə̀ ɨchî nɨ wɨ̀ nyaʼa beenɨ əbɔʼ bə̂d mbe nɨ nyaʼə ghɨ̀ ə̀bèkɨ̀ ənû zɔ̂.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.