Ɨ̀fàʼì 9:22 - Meta’

²² Àyɨə Sɔ̂l wɨə nyaʼə ghà ɨŋgam Ŋwiə̀ ənɨ ɨka. Wɨ̀ nyaʼa bə̀ kubrɨ mɨchû mɨ̀Jû mbe nɨ nyaʼə chub ə Dàmaskɔ̀s ɨchî nɨ wɨ̀ nyaʼa chwi ni Yeso yɨə Wə̀d we nɨ Ŋwiə̀ zɔʼɔ.

Ikan feg

²² Tesiʼ ya gha, aziŋ ìngam ne Sɔl yaya ghàmà yaya kà ghò gho imbìghè. Wì ya kubi məchug abə mə̀Ju mbe ne yaya chùghə a Dàmaskòs icheg ne wì yaya tòʼrò inga Àŋwàʼrì Ŋwiye ze dùwə̀ zḛ gha Yeso ya Wə̀d we ne Ŋwiye zɔ̀ʼi.

Ɨ̀fàʼì 9:22 교차 참조

Lk 21:15

ɨmbə̀ʼ ɨghəm nɨ mə bɨrɨ naʼ ɨŋgam fɔrɨ ɨwe ɨ nən nɨ chəi wə̀d mɔʼɔ rəbɔʼ mbə bə̂d pə̀n we tɨ̀ wɨ̀ təm mbɨ nən kɨ̀ bè ton ɨŋgam we.

Ɨ̀fàʼì 17:3

Ɨ wɨə nyaʼə bə̀ tòʼrɨ̀ ɨŋgam Ŋwiə̀ bə̀ chwi rɨŋga Ə̀ŋwàʼnɨ̀ ə Ŋwiə̀ ni Wə̀d we nɨ Ŋwiə̀ zɔʼɔ nyaʼa berɨ zə ŋgəʼ, kwɨ bə̀ wɨrɨ zwemə. Ɨ wɨə nyaʼə ghàə̀ ni, “Yeso wɔ̂ nɨ mɨ̀ə̀ ghà ɨmbə̀ʼ əməd ɨ nən yɨə Wə̀d we nɨ Ŋwìə̀ zɔʼɔ.”

Ɨ̀fàʼì 18:5

Ənɨ Sailàs mbɨ Timotì nyaʼa yeʼe rɨ ə Màsèdonià, Pɔ̂l nyaʼa zɨ̀ ətu àmei nɨ gha ɨŋgam Ŋwiə̀ bə̀ fɔrɨ nɨ toʼrɨ əmbɨ mɨ̀Jû ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

Ɨ̀fàʼì 9:21

Bə̂d mɨjìm mbe nɨ nyaʼa zu ɨnû mbe nɨ wɨ̀ nyaʼə ghàə̀, nyaʼa yiirɨ əne biirɨ ni, “Ka wɔ̂ wa kɨ i mbaŋə̀ ze nɨə kə̀ʼə̀ nàʼə̀ ŋgəʼ əmbɨ ə bə̂d mbe nɨə tɔŋ ɨkum wɔ̂ ə? Wɨ̀ rɨ wa yeʼe i əgha ɨmbə̀ʼ gywɨ bə̂d mbe nɨə wumnɨə mbaŋə̀ ze nɨ mbɨə tɔŋ ənɨ Yeso, kod mɨ̀mə̌d nɨŋ wò əsɨ bə̂d kyeŋ mbe rɨ ə mbàn Ŋwìə̀ ə?”

Ɨ̀fàʼì 9:23

Ənɨ ɨni nɔnɔʼ nyaʼa chě, mɨ̀Jû nyaʼa taŋ mɨnaŋ ni mbɨ zwiirɨ əməd,

Ɨ̀fàʼì 9:27

Banabàs nyaʼa nɨŋ ə Sɔ̂l mbɨ wo əsɨ bə̂d tom mbe, pè tòʼrɨ̀ ɨchî nɨ Sɔ̂l nyaʼa zə Ə̀nùŋɨ̀sɨg ɨnə̂njɨ̀, Ə̀nùŋɨ̀sɨg gham ɨ bɔ. Wɨ̀ nyaʼa bə̀ tòʼrɨ̀ ɨchî nɨ Sɔ̂l nyaʼə ghà ɨŋgam Ŋwiə̀ ə Dàmaskɔ̀s ənɨ ɨkum Yeso ənɨ fîŋ nɨ kǎ.

1 Kɔrèn 1:27

Àyɨə Ŋwìə̀ nyaʼa chɔʼ bə̂d mbe rɨŋga ɨsɨg nɨ bə̂d ə kɔndɨ ni mbɨ yɨ ɨneŋ, ɨmbə̀ʼ naʼ tɨ̀nìd ətu əmbɨ mbe nɨ kɔndɨ ni mbə berɨ ɨwe. Ŋwìə̀ nyaʼa chɔʼ ɨghɨ mbe rɨŋga ɨsɨg nɨ bə̂d ə kɔndɨ ni à yɨ ɨghɨ nɨ bɔrɨ, ɨmbə̀ʼ naʼ tɨ̀nìd ətu əmbɨ mbe nɨ kɔndɨ ni mbə berɨ ɨka.

Gàlesìyà 1:18

Ənɨ ɨghəm ɨwu nyaʼa chè ɨtad, mə nyaʼa kɔʼ wò ə Jèrusalèm ɨ wò zə ə Pità. Mə nyaʼa pè chubɨ mbɨ məd ɨni wum chɔ̀b rɨ̀tân.

Fìlipì 4:13

Mə we tɨ̀ mə ghɨ̀ ɨnû jìm ənjìm ɨka we nɨ Kristo naʼ ɨ num.

1 Timotì 1:12

Mə wɨə nàʼə̀ məben-əwe əmbɨ Kristo Yeso a Ə̀nùŋɨ̀sɨg. Wɨ̀ fə nàʼ ɨka ɨ num ɨmbə̀ʼ ɨghəm nɨ wɨ̀ fə neŋ əmɨ zə ni ɨ we tɨ̀ wɨ̀ zɨ̀ i fîŋ ɨgwɨ num. Əne wɨ̀ nyaʼa chɔʼ əmɨ ni mə faʼ ɨ bɔ.