Ɨ̀fàʼì 9:15 - Meta’

¹⁵ Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Ikan feg

¹⁵ Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Ɨ̀fàʼì 9:15 교차 참조

Matìyò 10:18

Mbɨ bɨrɨ suŋ əwən wò ɨfě mɨ̀gɔmnà bə̀ fɔrɨ ɨfě mɨfɔ̀n dè əmɨ. Əze ə bɨrɨ ghɨ̀ ni mbə̀ berɨ əpan nɨ ghà ɨkə̂n chɔ̀m əmbɨ mɨ̀mə̌d bə̀ fɔrɨ əmbɨ ə bə̂d mbe nɨ kaʼi mɨ̀Jû.

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Ɨ̀fàʼì 13:2

Ənɨ mbɨ nyaʼə wumnɨ ə Ə̀nùŋɨ̀sɨg bə̀ chubə rɨ jɨg, Əzwî ə Zeŋɨ ə nyaʼa ghà əmbɨ mɨ̀mə̌d ni, “Mbə̀ sweŋ ə Banabàs mbɨ Sɔ̂l ɨ num ɨmbə̀ʼ mbɨ faʼ ə̀fàʼì ze nɨ mə chɔʼ mɨ̀mə̌d ni mbɨ faʼa.”

Ɨ̀fàʼì 21:19

Pɔ̂l nyaʼa chàʼrɨ̀ mɨ̀mə̌d, əne ghà ɨnû jìm mbe nɨ Ŋwìə̀ nyaʼa chè ənjìm ə̀fàʼì əməd ghɨ̀ əkaʼ bə̂d mbe nɨ kaʼi mɨ̀Jû.

Ɨ̀fàʼì 22:14

Wɨ̀ nyaʼa ghà ni, 'Ŋwìə̀ mba mɨ̀mbǎʼ rəŋwe fə chɔʼ əwe ni à kyerɨ ɨnû mbe nɨ wɨ̀ kə̀bɨ, ni à zə Wə̀d məd we nɨə ghɨ̀ ɨnû nɨ kùʼnɨ̀ mbɨ ni à zu ɨŋgam rɨ ɨchû məd,

Ɨ̀fàʼì 22:21

Ə̀nùŋɨ̀sɨg nyaʼa ghà ɨ num ni, 'Ndə̀, ɨmbə̀ʼ ɨghəm nɨ mə bɨrɨ cha əwe əsa əgha əsɨ ə bə̂d mbe nɨ kaʼi mɨ̀Jû.'”

Ɨ̀fàʼì 25:22

Agripà nyaʼa ghà əmbɨ Festùs ni, “Mə bɨrɨ ghaʼ nɨ zu rɨ əmbɨ ə mbaŋə̀ ze mɔ̌ mɔ̌.” Festùs nyaʼa wììrɨ̀ ɨ bɔ ni, “À bɨrɨ zu rɨ ɨ bɔ ɨsɔ.”

Ɨ̀fàʼì 26:1

Agripà nyaʼa ghà əmbɨ Pɔ̂l ni, “Nɨŋ əpan zɔ̂ ghà ənû ze nɨ à berɨ nɨ ghà.” Ənɨ wɨ̀ nyaʼa gha əne, Pɔ̂l nyaʼa nɔ əbɔ, kɔ gham ɨmbə̀ʼ chɨ ɨnû rɨ ɨgwɨ ni. Wɨ̀ nyaʼa ghà ni:

Ɨ̀fàʼì 26:32

Agripà nyaʼa ghà əmbɨ Festùs ni, “Àbu ɨchî nɨ mbaŋə̀ zɔ̂ fə chà i ɨsaʼi əmbɨ Kaisà, njɨ à kə̀ʼ chɨ̀ əməd saŋɨ.”

Ɨ̀fàʼì 27:24

ghà ni, 'Tɨrə̀ bɔ e, kyɨə Pɔ̂l, ɨmbə̀ʼ ɨghəm nɨ à berɨ wo təm ɨfě Kaisà. Zə ni Ŋwìə̀ fə ghɨ̀ ɨ̀chɔ̀m ənɨ ə ne. Wɨ̀ fə ghɨ̀ ni bə̂d mɨjìm mbe nɨə yènə̀ mbɨ ne tən əwən.'

Ɨ̀fàʼì 28:17

Ənɨ ɨni nyaʼa che ɨtad, Pɔ̂l nyaʼa tɔŋ bə̂d mbe nɨ nyaʼə chàə̀ mɨ̀Jû. Ənɨ mbɨ nyaʼa fetɨ, wɨ̀ nyaʼa ghà əmbɨ mɨ̀mə̌d ni, “Mbɨ bɔŋgɔb, ka à bè yeʼi ni chəi mə̀ nyaʼa ghɨ ənû ə mɔʼɔ ənɨ mba bə̂d, kɨ̀ bè ghà ənû ə mɔʼɔ ɨmbə̀ʼ mɨchî mba mɨ̀mbǎʼ rəŋwe, mbɨ nyaʼa gywɨ̀ əmɨ ə Jèrusalèm zɨ̀ ɨŋga tɨkyerɨ-ɨbɔ məRom.

Ɨ̀fàʼì 28:28

“Əne mə wɨə kə̀bə̀ ni mbə̀ kyerɨ ni Ŋwìə̀ fə cha ɨkə̂n ɨmbə̀ʼ ɨchî nɨ wɨə chɨ̀ə̀ bə̂d rəŋgəʼ əmbɨ ə bə̂d mbe nɨ kaʼi mɨ̀Jû. Mbɨ bɨrɨ zwetɨ.” [

Rm 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Rm 1:5

Ŋwiə̀ wɨə ghɨ̀ ɨ̀chɔ̀m ənɨ ə na ənjìm ə Wan məd we. Tɨ̀ yɨə bə̀ ə bə̂d tom ɨmbə̀ʼ jaŋ ɨkum məd əkaʼ bə̂d mɨ̀jìm mbe nɨ kaʼi mɨ̀Jû, ɨmbə̀ʼ mbɨ zɨ̀ tə fîŋ ɨgwɨ məd bə̀ zuunɨ əməd.

Rm 11:13

Mə yɨ əni ghàm ɨ nən, mbə̀n mbe nɨ kaʼi mɨ̀Jû. Ɨchî nɨ mə̀ yeʼ wə̀d tom əmbɨ ə bə̂d mbe nɨ kaʼi mɨ̀Jû, mə wɨə zɨ̀ ətu ənɨ ə̀fàʼì ze nɨ Ŋwìə̀ chɔʼ əmɨ ni mə̀ faʼ ə

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

1 Kɔrèn 9:16

Mə mɨ ghà ɨkə̂n chɔ̀m, kaʼi ənû ɨ num nɨ goŋ ɨgɔ̂, ɨmbə̀ʼ ɨghəm nɨ mə berɨ gha ɨkə̂n chɔ̀m. Ŋgəʼ bɨrɨ nyɨ ɨgwɨ num əwù ze nɨ chəi mə gha ɨkə̂n chɔ̀m!

Gàlesìyà 1:1

À yɨə mɔ̌ Pɔ̂l, nɨ mə yeʼ wə̀d tom Kristo, ŋwaʼnɨ ə̀ŋwàʼnɨ̀ zɔ̂. Kaʼi bə̂d nyaʼa chɔʼ əmɨ tom. Ka ɨka we nɨ chɔʼ əmɨ yɨ i rɨ əmbɨ ə bə̂d. Ɨka we yɨ rɨ əmbɨ Yeso Kristo bə̀ fɔrɨ rɨ əmbɨ Ŋwìə̀ Mbǎʼ we nɨ nyaʼa zwemnɨ əməd.

Efesùs 3:1

À yɨ ɨmbə̀ʼ ənû zɔ̂ nɨ Ŋwìə̀ fɔtɨ bə̂d ənɨ mbɨ mɔʼ nɨ mɔ̌, Pɔ̂l, yeʼ wə̀d ndəŋ ɨmbə̀ʼ mbə̀n mbe nɨ kaʼi mɨ̀Jû. Mə yɨə wə̀d ndəŋ ɨmbə̀ʼ ɨghəm nɨ mə wɨə ghà ɨkə̂n chɔ̀m ɨmbə̀ʼ ə Kristo Yeso.

1 Timotì 2:7

À yɨ ɨmbə̀ʼ ənû zɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, bə̀ yeʼ wə̀d tom, bə̀ yeʼ wə̀d nɨə chwi ɨnû ɨmbə̀ʼ ɨbenɨ mbɨ we nɨə chwi rəsìʼ ɨmbə̀ʼ Kristo əmbɨ bə̂d mbe nɨ kaʼi mɨ̀Jû. Chəi mɨə ghàə̀ mɨghab. Mə wɨə ghàə̀ yeʼ rəsìʼ.

2 Timotì 1:11

À yɨ ɨmbə̀ʼ ɨkə̂n chɔ̀m wɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, ni mə̀ yeʼ wə̀d tom məd, mbɨ ni mə̀ chwi ɨnû ɨmbə̀ʼ əməd.

2 Timotì 2:4

Chəi sɔgyɨ̀ mɔʼɔ nɨ kɨrɨ ənɨ ə̀fàʼì nɨ tɨ̀ wɨ̀ zɨ mbi ɨbɔ ɨŋga ɨnû rɨŋga əbeŋ, ɨmbə̀ʼ ɨghəm nɨ wɨ̀ berɨ fàʼ ɨmbə̀ʼ ghɨ ni wə̀d kyeŋ məd ghaʼ əməd.

Ɨnû 17:14

Mbɨ bɨrɨ maʼ bid mbɨ ə Wan njɨ̀g, àyɨə Wan njɨ̀g mbɨ ə bə̂d mbe nɨ wɨ̀ tɔŋə bə̀ chɔʼ fɔrɨ mbe nɨə nùŋə̀ fîŋ ɨgwɨ məd bɨrɨ baŋ mɨ̀mə̌d. Mbɨ bɨrɨ baŋ ɨmbə̀ʼ ɨghəm nɨ məd yɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg fɔrɨ Ɨfɔ̂n ɨgwɨ mɨfɔ̀n.”