Ɨ̀fàʼì 8:5 - Meta’

⁵ Filip nyaʼa swiʼi wò ɨŋga əsɨ ə mɔʼɔ əbà əbeŋ ze rɨ ə Sàmàriyà. Wɨ̀ nyaʼa pè kɔ ghà ənû ɨmbə̀ʼ Wə̀d we nɨ Ŋwiə̀ zɔʼɔ əmbɨ ə bə̂d mbe nɨ nyaʼa əsɨ ze.

Ikan feg

⁵ Filip ya swiʼi ghò inga asiŋi mɔ̀ʼɔ inga aba aben ze a Sàmarìyà. Wì ya pè ko ghà anug imbə̀ʼ Wə̀d we ne Ŋwiye zɔ̀ʼi abə bəd mbe ne ya yaʼi inga asiŋi ze.

Ɨ̀fàʼì 8:5 교차 참조

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Ɨ̀fàʼì 21:8

À nyaʼa əni ze nɨ beenɨ, tɨ̀ nyaʼa nɔ̀ʼ rəŋgu wò ə Kàisàriyà. Tɨ̀ nyaʼa pè chubɨ mbɨ Filip we nɨ nyaʼə ghà Ɨkə̂n chɔ̀m. Məd yɨə nyaʼə rəbɔʼ mbaŋə̀ te sambe nɨ Əzwî ə Zeŋɨ ə nyaʼa chɔʼ ni mbɨ ghapɨ ɨghɨjɨg.

Ɨ̀fàʼì 5:42

Mbɨ nyaʼa wò ɨmbì ɨni jìm nɨ chwi ɨnû bə̀ fɔrɨ nɨ ghà ɨkə̂n chɔ̀m ɨŋga mbàn Ŋwìə̀ bə̀ fɔrɨ ɨŋga tə nəb ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 6:5

Ənû ze nɨ mbɨ nyaʼa ghǎ ə nyaʼa bɔ̀ŋ əmbɨ ɨnɔ̂n bə̂d we ɨjìm. Əne mbɨ nyaʼa chɔʼ ə Stɨfɨ̀n nɨ ɨbenɨ məd nyaʼa kaanɨ, Əzwî ə Zeŋɨ ə bə̀ swi ɨŋga məd. Mbɨ nyaʼa bə̀ chɔʼ ə Filip mbɨ Prokorùs mbɨ Nìkano mbɨ Timòn mbɨ Pàmenàs mbɨ Nikolaùs nɨ nyaʼə rɨ ə Antiɔ̀k, nɨ nyaʼa fə beŋ i fîŋ ben ənû ə Ŋwiə̀ mɨ̀Jû.

Ɨ̀fàʼì 8:1

Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

Ɨ̀fàʼì 8:26

Aŋgɨrə̀ Ə̀nùŋɨ̀sɨg nyaʼa ghà əmbɨ Filip ni, “Tekɨ ɨnyod nɔ̀ʼ wò əbà rɨ əton, ɨnə̂njɨ̀ we nɨə swiʼ rɨ ə Jèrusalèm wò ə Gazà.” Wɔ̂ yɨ ɨnə̂njɨ̀ we nɨə che ɨŋga ɨbad rɨkwàʼi.

Ɨ̀fàʼì 8:30

Əne Filip nyaʼa nòrə̀ wò ɨban ɨkarɨ we, pè zu ɨchî nɨ mbaŋə̀ ze nyaʼə foŋ ə̀ŋwàʼnɨ̀ ze nɨ wə̀d ɨ̀kə̀n Ŋwìə̀ Aizayà nyaʼa ŋwàʼnɨ̀. Wɨ̀ nyaʼa zu əne biirɨ ni, “À foŋ ɨŋgam we e ətu ə zeŋ ə?”

Ɨ̀fàʼì 8:40

Àyɨə mbɨ nyaʼa zə ə Filip ə Azotùs. Ɨ wɨə nyaʼə yènə̀ ghà ɨkə̂n chɔ̀m ɨŋga ɨsɨ jìm. Ɨ wɨə nyaʼə yènə̀ ghà əne wò pè ə Kàisàriyà.

Ɨ̀fàʼì 8:6

Ənɨ mɨnɔ̂n bə̂d nyaʼa zu bə̀ zə ɨnû yiirɨ mbe nɨ Filip nyaʼə ghɨ̀ə̀, mbɨ nyaʼa zɨ̀ ətu nɨ zwetɨ ɨnû mbe nɨ wɨ̀ nyaʼə ghàə̀.

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

1 Kɔrèn 1:23

àyɨə tɨ̀ wɨə ghà ɨmbə̀ʼ ə Kristo nɨ mbɨ nyaʼa kombɨ əzed ə baʼnɨ. Chəi mɨ̀Jû ghaʼ nɨ zu ənû zɔ̂. À yɨə bə̀ ənû əneŋ əmbɨ ə bə̂d mbe nɨ kaʼi mɨ̀Jû.

1 Kɔrèn 2:2

ɨmbə̀ʼ ɨghəm nɨ ənɨ mə̀ nyaʼa mbɨ nən, mə nyaʼa nùŋ ɨŋga mɨ fîŋ ni chəi mə bɨrɨ gha ənû ə cherə chè rɨ ənɨ ənû ɨmbə̀ʼ ə Yeso Kristo fɔrɨ ənû ɨmbə̀ʼ ɨchî nɨ mbɨ nyaʼa kombɨ əməd əzed ə baʼnɨ.

1 Kɔrèn 3:11

ɨmbə̀ʼ ɨghəm nɨ chəi əchɨ ə nəb ə cherə nɨ tɨ̀ wə̀d bɔm chè rɨ ənɨ əze nɨ Ŋwìə̀ nyaʼa fə bɔmɨ. Əchɨ ze yɨə Yeso Kristo.