Ɨ̀fàʼì 8:35 - Meta’

³⁵ Filip nyaʼa kɔ mbɨ əsɨ ə̀ŋwàʼnɨ̀ zɔ̂, ghà ɨkə̂n chɔ̀m ɨmbə̀ʼ ə Yeso ɨ bɔ.

Ikan feg

³⁵ Filip ya ko ni tòʼrì Ìngam Ŋwiye ibo ane asiŋi àŋwàʼrì azo̰, si ghà ikən chɔm imbə̀ʼ Yeso ibo.

Ɨ̀fàʼì 8:35 교차 참조

Matìyò 5:2

əne wɨ̀ nyaʼa kɔ chwi ɨnû əmbɨ mɨ̀mə̌d ghàə̀ ni:

Lk 24:27

Ənɨ wɨ̀ nyaʼa ghà əne, wɨ̀ nyaʼa toʼrɨ ɨnû mbe nɨ Ɨ̀ŋwàʼnɨ̀ Ŋwiə̀ jìm gha ɨmbə̀ʼ əməd ziə. Wɨ̀ nyaʼa kɔ rɨ ənɨ ɨ̀ŋwàʼnɨ̀ mbe nɨ Mose nyaʼa ŋwaʼnɨ wò pè ənɨ mbe nɨ bə̂d ɨ̀kə̀n Ŋwiə̀ mɨjìm nyaʼa bə ŋwàʼnɨ̀.

Ɨ̀fàʼì 10:34

Pità nyaʼa kɔ ghamɨ ghà ni, “Tɨ̀nîn mə kàŋ kyerɨ ənɨ rəsìʼ ni chəi Ŋwìə̀ ə ghɨ̀ ɨghə.

Ɨ̀fàʼì 11:20

Àyɨə bə̂d cherə nɨ nyaʼa rɨ ə Saiprùs bə̀ fɔrɨ rɨ ə Sìrin, nyaʼa wò ə Antiɔ̀k kɔ ghà ɨkə̂n chɔ̀m ɨmbə̀ʼ Ə̀nùŋɨ̀sɨg Yeso əmbɨ ə bə̂d mbe nɨ kaʼi mɨ̀Jû.

Ɨ̀fàʼì 17:18

Bə̂d ɨwe mɔʼɔ nɨ mbɨ nyaʼə tɔŋ ənɨ mɨ̀Epikurià mbɨ mbɨ mɔʼɔ mbe nɨ mbɨ nyaʼə tɔŋ ənɨ mɨ̀Stoìk nyaʼa wò kumnɨ əməd kɔ tàŋɨ mbɨ məd. Mbɨ mɔʼɔ rəbɔʼ mɨ̀mə̌d nyaʼa gha ni, “Əkywɨ-ɨchù wɔ̂ kɨə kə̀b gha əzi ni yè ə?” Mbɨ cherə nyaʼa ghà ni, “Zɨə chub ɨghabɨ ni ɨ wɨə ghà ɨnû ɨmbə̀ʼ mɨ̀ŋwìə̀ rɨ̀sɔ̀ʼɔ̀.” Mbɨ nyaʼa ghà əne ɨmbə̀ʼ ɨghəm nɨ Pɔ̂l wɨə nyaʼə ghà ɨŋgam Ŋwiə̀ ɨmbə̀ʼ ə Yeso, bə̀ ghà ɨmbə̀ʼ ɨchî nɨ bə̂d bɨrɨ zwemə.

Ɨ̀fàʼì 18:28

Wɨ̀ nyaʼa ton ɨnû mbe nɨ mɨ̀Jû nyaʼə ghà ɨfě bə̂d, əne baŋ mɨ̀mə̌d ɨchî nɨ wɨ̀ nyaʼə chwi rɨŋga Ə̀ŋwàʼnɨ̀ ə Ŋwiə̀ ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 19:13

Mɨ̀Jû mɔʼɔ mbe nɨ nyaʼa yènə̀ chɨ̀ ɨzwî rɨbɔ̀ŋ nyaʼa bə̀ kə̀b nɨ tɔŋ ɨkum Ə̀nùŋɨ̀sɨg Yeso ɨgwɨ ə bə̂d mbe nɨ ɨzwî rɨbɔ̀ŋ nyaʼa ɨŋga mɨ̀mə̌d. Ɨ mbɨə nyaʼə ghà əmbɨ ɨzwî rɨbɔ̀ŋ mbe ni, “Mə ghà ɨ nən ənɨ ɨkum Yeso we nɨ Pɔ̂l ə ghà ɨŋgam Ŋwiə̀ ɨmbə̀ʼ əməd ni mbə̀ jwɨ ə.”

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Ɨ̀fàʼì 3:20

Mbə mɨ ghɨ̀ əne, Ə̀nùŋɨ̀sɨg bɨrɨ zùtɨ̀ tə fîŋ. Wɨ̀ bɨrɨ bɨ chà ə Yeso nɨ yeʼ Wə̀d we nɨ wɨ̀ chɔʼɔ bə̀ zɔʼ, əsɨ nən.

Ɨ̀fàʼì 5:42

Mbɨ nyaʼa wò ɨmbì ɨni jìm nɨ chwi ɨnû bə̀ fɔrɨ nɨ ghà ɨkə̂n chɔ̀m ɨŋga mbàn Ŋwìə̀ bə̀ fɔrɨ ɨŋga tə nəb ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 8:34

Wə̀d kyeŋ we nyaʼa foŋ əne, biirɨ əmbɨ Filip ni, “Mə buʼ ɨbɔ ɨ ne, ghà ɨ num, wə̀d ɨ̀kə̀n wɔ̂ gha ənû zɔ̂ ɨmbə̀ʼ ə we ə? À kɨ ɨmbə̀ʼ məd ziə kɨ̀ ɨmbə̀ʼ wə̀d cherə ə?”

Ɨ̀fàʼì 9:20

Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

1 Kɔrèn 1:23

àyɨə tɨ̀ wɨə ghà ɨmbə̀ʼ ə Kristo nɨ mbɨ nyaʼa kombɨ əzed ə baʼnɨ. Chəi mɨ̀Jû ghaʼ nɨ zu ənû zɔ̂. À yɨə bə̀ ənû əneŋ əmbɨ ə bə̂d mbe nɨ kaʼi mɨ̀Jû.

1 Kɔrèn 2:2

ɨmbə̀ʼ ɨghəm nɨ ənɨ mə̀ nyaʼa mbɨ nən, mə nyaʼa nùŋ ɨŋga mɨ fîŋ ni chəi mə bɨrɨ gha ənû ə cherə chè rɨ ənɨ ənû ɨmbə̀ʼ ə Yeso Kristo fɔrɨ ənû ɨmbə̀ʼ ɨchî nɨ mbɨ nyaʼa kombɨ əməd əzed ə baʼnɨ.

2 Kɔrèn 6:11

Mba mɨ̀sə̀ʼ ə Kɔrèn! Tɨ̀ fə ghàm ɨ nən əsaŋ əsaŋ. Tɨ̀ fə fìʼ ta fîŋ ɨ nən.

Efesùs 4:21

Mə kyerɨ ni mbə nyaʼa fə zu ɨmbə̀ʼ əməd. Mə bə̀ kyerɨ ni mbɨ nyaʼa bə̀ chwi ɨnû ɨ nən ɨmbə̀ʼ əməd nɨ yeʼ ɨnû rəsìʼ ɨmbə̀ʼ ə Yeso.