Ɨ̀fàʼì 8:30 - Meta’

³⁰ Əne Filip nyaʼa nòrə̀ wò ɨban ɨkarɨ we, pè zu ɨchî nɨ mbaŋə̀ ze nyaʼə foŋ ə̀ŋwàʼnɨ̀ ze nɨ wə̀d ɨ̀kə̀n Ŋwìə̀ Aizayà nyaʼa ŋwàʼnɨ̀. Wɨ̀ nyaʼa zu əne biirɨ ni, “À foŋ ɨŋgam we e ətu ə zeŋ ə?”

Ikan feg

³⁰ Ane, Filip ya nòrò ghò iban mətwə̀ we, pè zug icheg ne wə̀d kyen we yaya fɔ̀ŋɔ àŋwàʼrì ze ne wə̀dkə̀n Ŋwiye Àzayà ya ŋwàʼri. Wì ya zug ane bìri ibo gha, “Àghò fɔŋ ìngam we ane, àze atog zen inga?”

Ɨ̀fàʼì 8:30 교차 참조

Matìyò 13:19

Bə̂d mbe nɨ zu ɨnû ɨmbə̀ʼ ənû ɨfɔ̀n rɨkaŋ, àyɨə chəi ɨtu mɨ̀mə̌d zeŋɨ yɨ ɨghabɨ ɨghɨ mbe nɨ nyaʼa feŋ ɨgwɨ ɨnə̂njɨ̀. Wə̀d rɨbɔ̀ŋ nyaʼa wò fè ɨnû mbe nɨ mbɨ nyaʼa kon ɨŋga fîŋ tɨ mɨ̀mə̌d.

Matìyò 13:23

Ɨghɨ mbe nɨ nyaʼa feŋ ɨgwɨ ə si chɔ̀m yɨ ɨghabɨ ə bə̂d mbe nɨ zu ɨŋgam we, ɨtu mɨ̀mə̌d zeŋ, əne mbɨ kɔ rɨtamɨ, mbɨ mɔʼɔ kɔ rɨtam ɨkɨ fibɨ̀, mbɨ mɔʼɔ ɨwum rɨ̀fuə, mbɨ mɔʼɔ ɨwum tad.”

Matìyò 13:51

Yeso nyaʼa biirɨ ni, “Mbə fə zu ɨnû mbɔ̂ jìm mbə ɨtu zeŋ ə?” Mbɨ nyaʼa wììrɨ̀ ni, “Ee.”

Matìyò 15:10

Yeso nyaʼa tɔŋ ɨnɔ̂n bə̂d we əsɨ ni, ghà əmbɨ mɨ̀mə̌d ni, “Mbə̀ zu mbə ɨtu zeŋ:

Matìyò 24:15

“Ənɨ mbə̀ zə əghɨ ze nɨə ghɨ̀ ni bə̂d tibrɨ mbàn Ŋwìə̀, nɨ Dànièl nyaʼa gha ɨmbə̀ʼ əzɨ əwən, nɨ zɨə təm ɨŋga əsɨ ə zeŋɨ (ətu wə̀d we nɨə foŋ ə zeŋ),

Mk 13:14

Yeso nyaʼa ghà ni, “Ənɨ mbə̀ zə əghɨ ze nɨə ghɨ̀ ni bə̂d tibrɨ mbàn Ŋwìə̀, nɨ mbɨ nuŋ əsɨ ze nɨ chəi mbɨ kəʼ berɨ nuŋ əŋgu (ətu ə wə̀d we nɨə foŋ ə zeŋ), əne bə̂d mbe nɨ yeʼ ə Jùdeyà mbɨ norə kɔʼ ɨkaŋ tɨwum.

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Jn 5:39

Mbə mbɨə kàŋə̀ jeŋgɨə kwembɨ Ə̀ŋwàʼnɨ̀ ə Ŋwiə̀ ɨmbə̀ʼ ɨghəm nɨ mbə̀ kɔndɨ ni mbə bɨrɨ zə ɨchî nɨ jɨg ɨ̀tènɨ̀ rɨ mì ɨŋga ə̀ŋwàʼnɨ̀ ze. Mbə̀ kyerɨ ni ə̀ŋwàʼnɨ̀ ze əjìm ə zɨə ghà ɨmbə̀ʼ əmɨ,

Ɨ̀fàʼì 8:27

Filip nyaʼa zu əne, nɔ̀ʼ wò pè zə mbaŋə̀ mɔʼɔ rɨ ə Ìtìopià. Mbɨ nyaʼa fə zaʼ mbaŋə̀ ze. Mbaŋə̀ ze yɨə nyaʼə wə̀d kyeŋ nɨə nùŋ ɨkab Kandès nɨ nyaʼa ɨfɔ̂n əyi we rɨ ə Ìtìopià. Mbaŋə̀ ze nyaʼa wò wumnɨ ə Ŋwiə̀ ə Jèrusalèm.

Ɨ̀fàʼì 8:29

Əzwî ə Zeŋɨ ə nyaʼa ghà əmbɨ Filip ni, “Ndə̀ wo yèn ɨban ɨkarɨ we.”

Ɨ̀fàʼì 8:31

Wə̀d kyeŋ we nyaʼa wììrɨ̀ ni, “Mɨ ətu ə kɨə wò zeŋ rɨ ye, nɨ chəi wə̀d mɔʼɔ toʼrɨ ɨŋgam rəŋgu ɨ num ə?” Ənɨ wɨ̀ nyaʼa biirɨ əne, wɨ̀ nyaʼa ghà əmbɨ Filip ni wɨ̀ kɔʼ nyɨ chub ɨŋga ɨkarɨ we mbɨ ni.

Ɨ̀fàʼì 8:5

Filip nyaʼa swiʼi wò ɨŋga əsɨ ə mɔʼɔ əbà əbeŋ ze rɨ ə Sàmàriyà. Wɨ̀ nyaʼa pè kɔ ghà ənû ɨmbə̀ʼ Wə̀d we nɨ Ŋwiə̀ zɔʼɔ əmbɨ ə bə̂d mbe nɨ nyaʼa əsɨ ze.

1 Kɔrèn 14:19

Àyɨə ɨŋga ɨfetɨ bə̂d Kristo, mə bɨrɨ ghaʼ nɨ gham ɨnû tân ɨmbə̀ʼ kəərɨ bə̂d, nɨ mbɨ bɨrɨ zu ɨtu mɨ̀mə̌d zeŋ, chè ɨchî nɨ mə̀ bɨrɨ gham ɨnû chuʼ wum ənɨ ɨŋgam rɨsɔ̀ʼɔ̀.

Efesùs 5:17

Əne tɨ mbə̀ ghɨ ə ɨghabɨ ɨneŋ, àyɨə mbə̀ kywɨ ənywɨ nɨ kyerɨ ənû ze nɨ Ə̀nùŋɨ̀sɨg kəbɨ.

Ɨnû 13:18

Ənû zɔ̂ ə kəb ɨwe. Wə̀d we nɨ kyerɨ ənû we tɨ̀ wɨ̀ kə̀b ə nombà nyam kyeŋ zɔ̂, ɨmbə̀ʼ ɨghəm nɨ à yɨə nombà wə̀d mɨ̀sɔŋɨchù. Nombà məd we yɨ əkɨ rɨ̀fuə mbɨ ɨwum rɨ̀fuə chɔ̀b rɨ̀fuə.