Ɨ̀fàʼì 7:35 - Meta’

³⁵ “À yɨə Mose wɔ̂ nɨ mbɨ nyaʼa ton əməd ghà ni, 'À kɨə we nuŋ əwe ənɨ ə wə̀d nɨə tùmbɨ̀ əwa bə̀ saʼ əwa ə'? Ŋwìə̀ nyaʼa tom əməd ni wɨ̀ tumbɨ mɨ̀Izre, mbɨ ni wɨ̀ chɨ mɨ̀mə̌d rəŋgəʼ ənjìm aŋgɨrə̀ we nɨ nyaʼa jwɨ ɨfě ɨ bɔ ɨŋga ətud.

Ikan feg

³⁵ Aŋa ya Muse we ne mbi ya to̰ awɔb məd, bìri ibo gha, ‹Àkə we chɔʼi awe ane wə̀d ne sàʼa awa?› Ŋwiye ya tɔm aməd gha wì yaʼ wə̀d ne sàʼa mə̀Izre, bə̀ yaʼ wə̀d ne Ŋwiye nìŋi ni chì awɔb inga ngəʼ anjìm angirə̀ we ne ya du ibo inga ajuŋi agyen ze.

Ɨ̀fàʼì 7:35 교차 참조

Mk 12:26

À yeʼ ɨmbə̀ʼ ənû nɨ ɨvɨ bə̂d bɨrɨ zwemə, chəi mbə̀ kɨrɨ foŋ ɨŋga ə̀ŋwàʼnɨ̀ ze nɨ Mose nyaʼa ŋwaʼnɨ, ɨŋga əsɨ ze nɨə ghà ɨmbə̀ʼ ətud nɨ nyaʼə fɨə, ɨchî nɨ Ŋwìə̀ nyaʼa gha ɨ bɔ ni, 'Mɔ̌ yɨə Ŋwìə̀ Abràham, Ŋwìə̀ Aizìk, mbɨ Ŋwìə̀ Jakɔ̂b ə'?

Lk 19:14

Àyɨə bə̂d əbeŋ məd nyaʼa bàn əməd. Əne mbɨ nyaʼa chà bə̂d əbɔʼ məd ni mbɨ ghà ni, 'Chəi tɨ̀ kə̀b ni mbaŋə̀ zɔ̂ yeʼ ɨfɔ̂n ɨgwɨ na.'

Jn 18:40

Mbɨ nyaʼa kyeŋ rɨkǎ ghà ni, “Chə̂, kaʼi mbaŋə̀ zɔ̂! Tɨ̀ kə̀b yeʼ ə Barabas.” Barabas yɨə nyaʼə ɨjɨ bagɨ.

Jn 19:15

Mbɨ nyaʼa kyeŋ rɨ̀kǎ ghà ni, “Zwiirɨ əməd! Zwiirɨ əməd! Kombɨ əməd əzed ə baʼnɨ!” Wɨ̀ nyaʼa biirɨ əmbɨ mɨ̀mə̌d ni, “Mbə wa kə̀b ni mə̀ kombɨ ə ɨfɔ̀n əzed ə baʼnɨ ə?” Bə̂d kyeŋ mbe rɨ ə mbàn Ŋwìə̀ nyaʼa wììrɨ̀ ni, “Chəi tɨ̀ berɨ ɨfɔ̂n cherə chè rɨ ənɨ Kaisà.”

Ɨ̀fàʼì 2:36

“Əne mɨ̀Izre mɨ̀jìm kyerɨ ni à yɨə kwàʼ rəsìʼ ni Ŋwìə̀ nyaʼa fə nùŋ ə Yeso wɔ̂ nɨ mbə̀ nyaʼa kombɨ əzed ə baʼnɨ ənɨ Ə̀nùŋɨ̀sɨg bə̀ fɔrɨ ənɨ Wə̀d we nɨ wɨ̀ zɔʼɔ.”

Ɨ̀fàʼì 3:22

Mose nyaʼa ghà ni, 'Ə̀nùŋɨ̀sɨg Ŋwìə̀ bɨrɨ ghɨ ni wə̀d ɨ̀kə̀n jwɨ rəkaʼ mbə bə̂d ɨchî nɨ wɨ̀ nyaʼa ghɨ̌ mə jwɨ̀. Mbə berɨ ghɨ ɨnû jìm mbe nɨ wɨ̀ gha ɨ nən.

Ɨ̀fàʼì 5:31

Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

Ɨ̀fàʼì 7:30

“Ənɨ Mose nyaʼa fə chub əŋgu ɨghəm ɨwu ɨwum kwè, aŋgɨrə̀ nyaʼa jwɨ̀ ɨfě ɨ bɔ ɨŋga ətud. Wɨ̀ nyaʼa jwɨ̀ ɨŋga ɨnemɨ ɨwid. Ənû zɔ̂ ə nyaʼa ghɨ̀ ɨŋga ɨbad rɨkwàʼi we rɨ ɨwum Sinài.

Ɨ̀fàʼì 7:51

“Mbə yɨə mɨ̀-ə̀kà ɨtu! Tə fîŋ mbɨ mbə ɨ̀tǒŋ yɨ ɨghabɨ tɨ bə̂d mbe nɨ kaʼi mɨ̀Jû! Chəi mbə̀ə zuunɨ Əzwî ə Zeŋɨ! Mbə yɨ ɨghabɨ mbə mɨ̀mbǎʼ rəŋwe. Mbə mbɨə ghɨ̀ àmei ɨnû mbe nɨ mɨ̀mə̌d nyaʼə ghɨ̀ə̀.

Kòlosè 1:15

Kristo we nɨ mbɨə zəə yɨ ɨghabɨ ə Ŋwiə̀ we nɨ chəi bə̂d ə zəə. Məd yɨə wan-fə̀d ɨgwɨ ɨghɨjìm mbe nɨ Ŋwìə̀ tekɨ.

Mə̀Hibrù 2:2

Ɨkə̂n we nɨ mbɨ̀aŋgɨrə̀ nyaʼa gha əmbɨ mba mɨ̀mbǎʼ rəŋwe yɨə nyaʼa ɨkə̂n rəsìʼ. Əne bə̂d mɨ̀jìm mbe nɨ chəi mbɨ nyaʼa ghɨ̀ ɨnû mbe nɨ mbɨ nyaʼa gha ɨŋga ɨkə̂n we, kɨ̀ mbe nɨ chəi mbɨ nyaʼa ghɨ ɨnû mbe, nyaʼa berɨ ɨchə nɨ kuʼnɨ.

Ɨnû 15:3

Ɨ mbɨə nyaʼə kwerɨ ɨkyî we nɨ wə̀d ə̀fàʼì Ŋwìə̀ Mose nyaʼa kwerɨ. Ɨ mbɨə nyaʼə bə̀ kwerɨ we nɨ Wan njɨ̀g nyaʼa bə kwerɨ. Ɨkyî we yɨ ni, “Ə̀nùŋɨ̀sɨg Ŋwìə̀kɔʼ! Ɨnû mbe nɨ àwɔ̀ ghɨ̀ə̀ mbɨ chè əbɔ. Mbe mɨchî ə kàŋ kùʼ. À yɨə bə̀ mɨchî rəsìʼ. Àwɔ̀ yɨ ɨfɔ̀n ɨgwɨ ɨbeŋ jìm!