Ɨ̀fàʼì 5:31 - Meta’

³¹ Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

Ikan feg

³¹ Ŋwiye ya nɔ̀ aməd ane, nɔ̀ŋì ibo aba abo jəghi ane Atog wə̀d igun bəd məjìm fɔrɔ ane Wə̀d ne pùmnə bəd, ni gha məd we tì wì ghì mə̀Izre bə̀ŋì fìŋ sìkì inug tibɔ̀ŋ, Ŋwiye waʼ ìmbɔb inug tibɔ̀ŋ.

Ɨ̀fàʼì 5:31 교차 참조

Matìyò 1:21

Wɨ̀ bɨrɨ gywɨ wan mbaŋə̀, à chu əməd ni Yeso, ɨmbə̀ʼ ɨghəm nɨ à yɨə məd bɨrɨ chɨ mbi bə̂d tɨ əton ɨka we nɨ ɨnû rɨbɔ̀ŋ berɨ ɨgwɨ mɨ̀mə̌d.”

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Mk 2:10

Àyɨə mə bɨrɨ ghɨ mbə̀ kyerɨ ni Wan Wə̀d ə berɨ ɨka ɨgwɨ ə si nɨ waʼ ɨnû rɨbɔ̀ŋ.” Ənɨ wɨ̀ nyaʼa ghà əne, wɨ̀ nyaʼa ghà əmbɨ ə mbaŋə̀ ze nɨ nyaʼa buʼrə ni,

Mk 4:12

ɨmbə̀ʼ ə, 'Mbɨ bɨrɨ kaŋ nèŋ, àyɨə chəi mbɨ bɨrɨ zə. Mbɨ bɨrɨ kaŋ zwetɨ, àyɨə chəi mbɨ bɨrɨ kyerɨ; njɨ mbɨ bɨrɨ beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.'”

Lk 2:11

Tə̀chɔ̀ŋ wɔ̂, mbɨ fə gywɨ Wə̀d nɨə chɨ̀ə̀ bə̂d rəŋgəʼ ɨŋga əsɨ ze nɨ mbɨ nyaʼa gywɨ ɨfɔ̀n Dèvîd. Məd yɨə Kristo Ə̀nùŋɨ̀sɨg.

Lk 24:47

fɔrɨ ni, bə̂d wo yènə̀ ghà ɨŋgam Ŋwiə̀ ənɨ ɨkum məd, kɔ rɨ ə Jèrusalèm wò pè ɨŋga ɨbeŋ jìm, ɨmbə̀ʼ bə̂d beŋ tə fîŋ, Ŋwiə̀ waʼ ɨnû rɨbɔ̀ŋ mɨ̀mə̌d.

Jn 4:42

Mbɨ nyaʼa ghà əmbɨ əyi we ni, “Tɨ̀ fə benɨ tɨ̀nîn, kaʼi ɨmbə̀ʼ ənû ze nɨ à kəʼ gha ɨ na. Tɨ̀ fə ben ɨmbə̀ʼ ɨghəm nɨ tɨ̀ fə zu ənû ze nɨ məd ghǎ, əne tɨ̀ kyerɨ ni məd yɨə kaŋə Wə̀d we nɨ bɨrɨ chɨ ɨsɨg jìm rəŋgəʼ.”

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

Ɨ̀fàʼì 13:23

Tɨ əbɔʼ ə bɔn tɨ ənɨ əghaŋ ə Dèvîd, Ŋwìə̀ fə chɔʼ ə Yeso ənɨ wə̀d nɨ bɨrɨ chɨ mɨ̀Izre rəŋgəʼ, ɨchî nɨ wɨ̀ nyaʼa fə kaʼi.

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

Ɨ̀fàʼì 2:36

“Əne mɨ̀Izre mɨ̀jìm kyerɨ ni à yɨə kwàʼ rəsìʼ ni Ŋwìə̀ nyaʼa fə nùŋ ə Yeso wɔ̂ nɨ mbə̀ nyaʼa kombɨ əzed ə baʼnɨ ənɨ Ə̀nùŋɨ̀sɨg bə̀ fɔrɨ ənɨ Wə̀d we nɨ wɨ̀ zɔʼɔ.”

Ɨ̀fàʼì 2:38

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Ɨ̀fàʼì 3:15

Mbə nyaʼa zwiirɨ wə̀d we nɨə nàʼ ɨ̀tènɨ̀, àyɨə Ŋwiə̀ nyaʼa zwemnɨ əməd. Tɨ̀ yɨ mɨ̀zərɨmbin ənɨ ənû zɔ̂.

Ɨ̀fàʼì 3:19

Əne mbə̀ beŋ tə fîŋ, wò əsɨ ə Ŋwiə̀ ɨmbə̀ʼ wɨ̀ waʼ mbə ɨnû rɨbɔ̀ŋ.

Ɨ̀fàʼì 3:26

Ŋwìə̀ nyaʼa chɔʼ i wə̀d ə̀fàʼì, bè chà əməd ɨ nən ni wɨ̀ zɨ əbɔrəbɔd ɨgwɨ nən ɨchî nɨ wɨə ghɨ ni wə̀d mɔʼ mɔʼ rəbɔʼ nən waʼ ɨnû ɨzɨg.”

Ɨ̀fàʼì 4:11

Yeso wɔ̂ yɨ ɨghabɨ, 'Ɨti we nɨ mbə̀nə məbɔmɨ nəb nyaʼa tonɨ, nɨ fə bèŋ ənɨ ɨti rɨ ɨbu nəb.'

2 Kɔrèn 2:10

Mbə mɨ fə waʼ ɨnû rɨbɔ̀ŋ wə̀d mɔʼɔ, mə fə bə̀ waʼ. Mə mɨ fə waʼ, njɨ ənû ze nɨ mə̀ fə waʼa, mə fə waʼ ɨfě Kristo ɨmbə̀ʼ əwən.

Efesùs 1:7

Ŋwìə̀ fə choʼ mba ɨtu ənjìm ənəm ə Kristo ze nɨ wɨ̀ nyaʼa chəmnɨ əzed ə baʼnɨ. Wɨ̀ fə bə̀ waʼ mba ɨgu ənû ənjìm ɨ̀chɔ̀m məd we nɨ kaŋ nɔʼ.

Fìlipì 3:20

À yeʼ ɨmbə̀ʼ əwa, a əbeŋ yɨ ɨkaŋ. Tɨ̀ wɨə wòmə̀ ni Ə̀nùŋɨ̀sɨg Yeso Kristo, nɨ bɨrɨ chɨ̀ əwa rəŋgəʼ, bɨrɨ yeʼe rəŋgu.

Kòlosè 1:14

À yɨə məd nyaʼa choʼ mba ɨtu bə̀ waʼ mba ɨnû rɨbɔ̀ŋ.

Tayitùs 1:4

Mə wɨə ŋwàʼnɨ̀ ɨ ne, àwɔ̀ Taitùs, nɨ yeʼ mɨ wan rəsìʼ ɨchî nɨ mɔ̌ mbɨ ne tɨ̀ ben ə Kristo. Ŋwìə̀ Mbǎʼ mbɨ Kristo Yeso nɨə chɨ̀ əwa rəŋgəʼ, ghɨ ɨ̀chɔ̀m ənɨ ə ne bə̀ nàʼ əbɔrəbɔd ɨ ne.

Tayitùs 2:10

kɨ̀ bè jɨ əghɨ ə mɔʼɔ. Mbɨ berɨ chwi ni mbə yɨə bə̂d chɔ̀m bə̀ chwi ni mbə mbɨə fàʼ ənɨ tə fîŋ rɨjìm. Mbɨ berɨ ghɨ əne ɨmbə̀ʼ chwi ni ənɨ ɨnû jìm ni ɨ mbe tɨ mbɨ ghɨ̀ bə̂d ghaʼ nɨ zu ɨŋgam Ŋwìə̀ we nɨə chɨ̀ əwa rəŋgəʼ.

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Mə̀Hibrù 2:10

Ɨ ghɨ ni mbɨ wumnɨ bə̂d mɨ̀sɔŋɨchù ɨchî nɨ mbɨə wumnɨ əməd, zɨ̀ ə nyaʼa kùʼ ni Ŋwìə̀ ghɨ ni wə̀d we nɨə chɨ̀ə̀ bə̂d rəŋgəʼ bɔŋ ə màànɨ̀ ɨchî nɨ wɨ̀ nyaʼa zə ŋgəʼ. À yɨə Ŋwìə̀ nyaʼa tekɨ ɨghɨjìm, ɨghɨjìm mbɨə bə̀ əŋgu ənjìm məd.

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

2 Pità 1:11

Əne Ŋwìə̀ bɨrɨ naʼ ɨka jìm ɨ nən nɨ nyɨ ɨŋga ənû ɨfɔ̀n rɨ mì a Ə̀nùŋɨ̀sɨg Yeso Kristo we nɨə chɨ̀ əwa rəŋgəʼ.

2 Pità 2:20

Bə̂d mɨ fə kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ, əne nòrɨ̀ tɨ ənɨ ɨnû rɨbɔ̀ŋ mbe nɨ yeʼ ɨŋga ɨsɨg, àyɨə ɨnû rɨbɔ̀ŋ mbe wɨrɨ gywɨ̀ mɨ̀mə̌d baŋə, njɨ ŋgəʼ ze nɨ bɨrɨ nyɨ ɨgwɨ mɨ̀mə̌d bɨrɨ bə chè ze nɨ mbɨ nyaʼə be ɨŋga.

2 Pità 3:18

Àyɨə mbə wo ɨmbì kwi ɨŋga ɨ̀chɔ̀m fɔrɨ ɨŋga ənû nɨ kyerɨ a Ə̀nùŋɨ̀sɨg Yeso Kristo nɨə chɨ̀ əwa rəŋgəʼ. Bə̂d mɨ̀jìm wumnɨ məd kɔ rɨ̀nîn wò nwì koŋ! À yɨ əne.

1 Jɔn 4:14

Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.

Jûd 1:25

Mbɨ naʼ ɨwumnɨ, nàʼ ənû ɨfɔ̀n ə kyeŋ, nàʼ ɨka bə̀ nàʼ ənû nɨ tumbɨ ɨsɨg əmbɨ ə Ŋwìə̀ we mɔʼ. Məd wɨə chɨ̀ əwa rəŋgəʼ ənjìm a Ə̀nùŋɨ̀sɨg Yeso Kristo. Ɨnû mbɔ̂ nyaʼa i mbɨ məd kɔ rɨ ənɨ ə nyùmə̀ we nɨ nyaʼa fə che i. Ɨ mbɨ mbɨ məd tɨ̀nîn. Mbɨ bɨrɨ yeʼ mbɨ məd koŋ. À yɨ əne.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.