Ɨ̀fàʼì 5:11 - Meta’

¹¹ Ɨfetɨ bə̂d Kristo mbɨ ə bə̂d mɨ̀jìm mbe nɨ nyaʼa zu ɨnû mbɔ̂ nyaʼa bɔ kwàʼ rɨŋgəʼ.”

Ikan feg

¹¹ Ifeti bəd Kristo fɔrɔ bəd ndəŋ məjìm ne ya zughi anug ze ya taŋ bɔ.

Ɨ̀fàʼì 5:11 교차 참조

Ɨ̀fàʼì 19:17

Mɨ̀Jû mɨ̀jìm mbɨ ə bə̂d mɨ̀jìm mbe nɨ kaʼi mɨ̀Jû nɨ nyaʼə chub ə Efesùs nyaʼa zu ənû zɔ̂. Mbɨ nyaʼa zu əne bɔ kwàʼ rɨŋgəʼ. Əne mbɨ nyaʼa nàʼ ɨwumnɨ kyeŋ əmbɨ Ə̀nùŋɨ̀sɨg Yeso.

Ɨ̀fàʼì 2:43

Ŋwìə̀ nyaʼa ghɨ̀ ɨnû yiirɨ bə̀ ghɨ̀ ɨnweenɨ-ɨnû nɔnɔʼ ənjìm bə̂d tom Kristo mbe. Əze ə nyaʼa ghɨ̀ ni ɨbɔɔ nyɨ ɨgwɨ ə wə̀d jìm.

Ɨ̀fàʼì 5:5

Ənɨ Ànàniàs nyaʼa zu ənû zɔ̂, wɨ̀ nyaʼa gu ə si, kwɨ. Bə̂d mɨjìm mbe nɨ nyaʼa zu ənû zɔ̂ nyaʼa bɔ kwàʼ rɨŋgəʼ.

Ɨ̀fàʼì 9:31

À nyaʼa ənɨ ə nyùmə̀ we, tɨfetɨ bə̂d Kristo rɨjìm te nɨ nyaʼə Jùdeyà mbɨ te nɨ nyaʼə Galiliî fɔrɨ te nɨ nyaʼə Sàmàriyà nyaʼa chub ənɨ əbɔrəbɔd. Bə̂d mbe nɨ nyaʼa benɨ mbɨə nyaʼə wumnɨ Ə̀nùŋɨ̀sɨg. Əzwî ə Zeŋɨ ə nyaʼə wèèrɨ̀ə̀ bə̂d mbe nɨ nyaʼa ben ə Kristo. Ɨnun mɨ̀mə̌d wɨə nyaʼə bə̀ nɔʼrɨə wò ɨmbì.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Mə̀Hibrù 11:7

À yɨ ɨbenɨ nyaʼa ghɨ̌ ni Noà zuunɨ ə Ŋwiə̀, əne tekɨ əbaŋ ɨgyɨ̀ ze nɨ nyaʼa chɨ ɨnəbɨ məd rəŋgəʼ. Wɨ̀ nyaʼa ghɨ̀ əne ənɨ Ŋwìə̀ nyaʼa fə patɨ əməd dè ɨnû mbe nɨ chəi wɨ̀ nyaʼa kɨrɨ zə. À yɨ ɨbenɨ məd nyaʼa ghɨ ni Ŋwìə̀ zɨ ɨsaʼi ɨgwɨ ɨsɨg. Əne Ŋwìə̀ nyaʼa nɨŋ ni məd wɨə ghɨ̀ ɨnû nɨ kuʼnɨ ənjìm ɨbenɨ.

Mə̀Hibrù 12:15

Mbə̀ zə ni tɨ wə̀d mɔʼɔ sam i ɨ̀chɔ̀m we nɨ Ŋwiə̀ ə ghɨ̀ə̀, bə̀ zə ni tɨ wə̀d mɔʼɔ yeʼi ɨghabɨ ɨghaŋ nɨə nywɨ̀ə̀ nɨə kwiə ghɨ̀ə̀ ni bə̂d mɨ̀nɔnɔʼ zə ŋgəʼ mbɨ ɨniʼ we nɨə jwɨ̀ rəŋgu.

Mə̀Hibrù 12:28

Əne tɨ̀ naʼ məben-əwe əmbɨ ə Ŋwiə̀ ɨchî nɨ tɨ̀ berɨ ənû ɨfɔ̀n nɨ chəi ənɨ tɨ̀ mbɨ ghɨ̀ zɨə wùd. Tɨ̀ wumnɨ ə Ŋwiə̀ ɨchî nɨ bɔŋ ɨ bɔ. Tɨ̀ wumnɨ əməd bə̀ bɔ əməd,

Mə̀Hibrù 4:1

Ənû ze nɨ Ŋwìə̀ nyaʼa kaʼi ə kɨrɨ təm. Wɨ̀ nyaʼa kàʼ ni bə̂d bɨrɨ nyɨ ɨŋga əsɨ ə̀zwììrɨ̀ ze nɨ wɨ̀ bɨrɨ naʼ əmbɨ mɨ̀mə̌d. Əne tɨ̀ we əwa ɨmbə̀ʼ tɨ wə̀d mɔʼɔ rəbɔʼ nən nim i əpan nɨ nyɨ ɨŋga əsɨ ə̀zwììrɨ̀ ze.

1 Pità 1:17

Ɨchî nɨ mbə̀ə tɔŋ ə Ŋwiə̀ ənɨ ə Mbǎʼ ənɨ mbə̀ə kɔ̀ŋgɨ̀ əməd, əne mbə̀ kyerɨ ni chəi məd ə ghɨ̀ ɨghə ənɨ wɨə saʼə bə̂d. Əne mbə̀ bɔ əməd ɨchî nɨ mbə̀ yeʼ ɨghabɨ ɨ̀nɔ̀ʼɔ̀ ɨgwɨ ə si əgha.

Ɨnû 15:4

Ə̀nùŋɨ̀sɨg, à kɨə we nɨ chəi wɨ̀ bɨrɨ bɔ əwe ə? À kɨə we nɨ chəi wɨ̀ bɨrɨ yiirɨ e ɨkum ə? Àmei àwɔ̀ rə̀zìʼ we nɨ zeŋɨ màànɨ̀. Bə̂d rɨŋga ɨbeŋ jìm bɨrɨ yeʼe wumnɨ əwe, ɨmbə̀ʼ ɨghəm nɨ wə̀d jìm fə zə ɨchî nɨ àwɔ̀ ə ghɨ̀ ɨnû nɨ kuʼnɨ.”