Ɨ̀fàʼì 4:27 - Meta’

²⁷ À yɨ rəsìʼ ni Herɔ̀d mbɨ Pailèt nyaʼa fɔtɨ mbɨ ə bə̂d mbe nɨ kaʼi mɨ̀Jû bə̀ fɔtɨ mbɨ mɨ̀Izre ɨŋga əsɨ zɔ̂, əne taŋ mɨnaŋ ɨgwɨ ə Yeso, e wə̀d ə̀fàʼì we nɨ zeŋɨ, nɨ à nyaʼa zɔʼɔ,

Ikan feg

²⁷ Tesiʼ ya gha, à ya kwàʼ inga ikye aben aŋa ne Erɔ̀d tì Pɔntiyos Payilèd ya bɔ̀mbì tì bəd ne kayi mə̀Ju fɔrɔ mə̀Izre ni taŋ mənaŋ igun Yeso, ìwe wə̀d àfàʼì ìzḛzḛ we ne àghò ya fə zɔʼi.

Ɨ̀fàʼì 4:27 교차 참조

Matìyò 14:1

À nyaʼa ənɨ ə nyùmə̀ we, Herɔ̀d we nɨ nyaʼə tùmbɨ̀ ə Galiliî nyaʼa zu mɨkâ Yeso.

Matìyò 14:3

Herɔ̀d nyaʼa kɔndɨ əne ɨmbə̀ʼ ɨghəm nɨ wɨ̀ nyaʼa ghɨ̀ ni mbɨ gywɨ̀ ə Jɔ̌n, kod, wò zɨ̀ ə ndəŋ dè ə Hèrɔdiàs. Hèrɔdiàs yɨə nyaʼə ɨwi Filip, nɨ nyaʼə aŋgɔb Herɔ̀d, àyɨə Herɔ̀d nyaʼa nɨŋ əməd ənɨ i ɨwi.

Matìyò 14:6

À nyaʼa ɨgwɨ əni ze nɨ mbɨ nyaʼa gywɨ ə Herɔ̀d, wan əyi Hèrɔdiàs nyaʼa bin ɨfě bə̂d mɨ̀jìm mbe nɨ nyaʼa ənɨ ənû ze. Əze ə nyaʼa ghɨ̀ ni fîŋ Herɔ̀d bɔŋ əku.

Matìyò 21:28

“Mbə kɔn əzən ni ye ə? Mbaŋə̀ mɔʼɔ nyaʼa berɨ mbi bɔn mbaŋə̀ mɨ̀be. Wɨ̀ nyaʼa wò əsɨ wɨ rɨtu pè ghà ɨ bɔ ni, 'Wân, ndə̀ wo fàʼ ɨŋga mbeŋ vaìn rə̀chɔ̀ŋ.'

Matìyò 23:37

“Wəi! Jèrusalèm, Jèrusalèm! À wɨə zwiirɨə bə̂d ɨ̀kə̀n Ŋwiə̀, bə̀ tumbɨə mbe nɨ mbɨ tom əsɨ ne ənɨ əti! À kɨ ɨghəm səʼə nɨ mə̀ fə kweʼ kə̀b ni njɨ mə fetɨ mbe bɔn ɨchî nɨ ɨŋgɔŋgub ə fetɨ mbi bɔn əton ti rɨbabɨ̀, àyɨə chəi à ben ni mə̀ ghɨ əne!

Matìyò 27:2

Mbɨ nyaʼa taŋ əne, kod əməd, nɨŋ wò nàʼ əmbɨ Pailèt nɨ nyaʼə gɔmnà.

Mk 10:33

Wɨ̀ nyaʼa ghà əmbɨ mɨ̀mə̌d ni, “Mbə̀ zə, tɨ̀ yɨ əni kɔʼə wò ə Jèrusalèm. Tɨ̀ mɨ pè əŋgu, mbɨ bɨrɨ yim Wan Wə̀d nàʼ əmbɨ bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌. Bə̂d mbɔ̂ bɨrɨ sob ɨsaʼi ni mbɨ zwiirɨ əməd. Mbɨ bɨrɨ ghɨ əne, nàʼ əməd əmbɨ ə bə̂d mbe nɨ kaʼi mɨ̀Jû.

Mk 15:31

À yɨə bə̀ əndəŋ əndəŋ nɨ bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa bə̀ baʼrɨ əməd ghàə̀ mbənə mbənə ni, “Ɨ wɨə nyaʼə chɨ̀ə̀ bə̂d cherə rəŋgəʼ, àyɨə chəi ənɨ tɨ məd ziə jwɨ̀ rəŋgəʼ!

Lk 1:35

Aŋgɨrə̀ we nyaʼa wììrɨ̀ ɨ bɔ ni, “Əzwî ə Zeŋɨ bɨrɨ yeʼe ɨgwɨ ne, əne ɨka Ə̀chè-ɨsɨg bɨrɨ kubrɨ əwe. Mbɨ bɨrɨ tɔŋ wan zeŋɨ we nɨ à bɨrɨ gywɨ ni məd yɨə Wan Ŋwìə̀.

Lk 22:63

Bə̂d mbe nɨ nyaʼə nəŋgɨ ə Yeso, nyaʼa baʼrɨ əməd bə̀ som əməd.

Lk 23:1

Ɨnɔ̂n bə̂d we jìm nyaʼa nɨŋ ə Yeso mbɨ wò ɨfě Pailèt.

Lk 4:18

“Əzwî Ə̀nùŋɨ̀sɨg ə zɨ ɨgwɨ num, ɨmbə̀ʼ ɨghəm nɨ Ə̀nùŋɨ̀sɨg fə zɔʼ əmɨ ni mə gha ɨkə̂n chɔ̀m əmbɨ ə bə̂d ɨkwaŋ. Wɨ̀ fə tom əmɨ ni mə̀ saʼ ni Ŋwìə̀ bɨrɨ chɨ bə̂d ndəŋ sàŋɨ̀, fɔrɨ ni mɨfɨgɨ̀ bɨrɨ zə ɨsɨ bə̀ fɔrɨ ni mbɨ bɨrɨ saŋ bə̂d mbe nɨ mbɨə nyèm mɨ̀mə̌d,

Lk 9:22

Wɨ̀ nyaʼa ghà ni, “Wan Wə̀d berɨ jeŋgɨ zə ŋgəʼ, bə̂d kyeŋ mbe rɨŋga əbeŋ, bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ bɨrɨ ton əməd. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.”

Jn 1:11

Wɨ̀ nyaʼa wò ɨŋga e əbeŋ, àyɨə chəi bə̂d məd nyaʼa nɨŋ əməd.

Jn 10:36

Mbə̀ mbɨə ghà ɨmbə̀ʼ mɔ̌ we nɨ Mbǎʼ nyaʼa zɔʼɔ chà ɨŋga ɨsɨg ni mə wɨə zɔ̀m ə Ŋwiə̀ ɨmbə̀ʼ ɨchî nɨ mə̀ gha ni, 'Mə yɨə Wan Ŋwìə̀ ə'?

Jn 18:28

Ɨtuʼ nyaʼa mɨ chɨg i chɨg ɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa nɨŋ ə Yeso rɨ əkwɨ Kaifàs wò mbɨ məd ə tɔʼ gɔmnà. Chəi mbɨ nyaʼa nyɨ ɨŋga tɔʼ ze, ɨmbə̀ʼ ɨghəm nɨ mbɨ nyaʼa kəb chub ɨzeŋɨ zeŋɨ ɨmbə̀ʼ jɨg Əchwɨ̂ ə Che-ɨgun.

Jn 18:29

Əne Pailèt nyaʼa jwɨ̀ wò kumnɨ mɨ̀mə̌d ɨsɨg, biirɨ əmbɨ mɨ̀mə̌d ni, “Ɨsaʼi we nɨ mbə̀ zɨ ɨgun ə mbaŋə̀ zɔ̂ kɨ ni ye ə?”

Jn 19:34

Àyɨə sɔgyɨ̀ fibɨ̀ nyaʼa zum ɨban ɨbeŋ məd ənɨ i ɨwɔŋ. Àmei əwu əwən, ənəm mbɨ mɨnib nyaʼa jwɨ̀ rəŋgu.

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

Ɨ̀fàʼì 2:27

ɨmbə̀ʼ ɨghəm nɨ ka à bɨrɨ waʼ e əmɨ ɨŋga ɨsì kɨ̀ bè sàŋ ni e Wə̀d Zeŋɨ bɔb.

Ɨ̀fàʼì 4:30

Tɨ̀ mɨə ghɨ̀ əne, à sem e əbɔ ghɨ ni tɨ̀ vɨ bə̂d əwɔn bə̀ ghɨ̀ ɨnweenɨ-ɨnû fɔrɨ ɨnû yiirɨ ənɨ ɨkum Yeso, e wə̀d ə̀fàʼì nɨ zeŋɨ.”

Mə̀Hibrù 7:26

Ɨkwɨ ətu ɨgwɨ ə bə̂d mbàn Ŋwìə̀ wɔ̂ fə kàŋ kùʼ ɨ na. Məd ə zeŋ. Chəi ɨgu ənû ɨgwɨ məd. Chəi ɨbə ɨgwɨ məd. Chəi məd əbɔʼ bə̂d mbe nɨə ghɨ̀ ɨnû rɨbɔ̀ŋ. Mbɨ nyaʼa fə bə̀ nɔ̀ əməd ɨkaŋ.