Ɨ̀fàʼì 3:17 - Meta’

¹⁷ “Mbɨ bɔŋgɔb, mə kyerɨ ni chəi mbə̀nə mbɨ ə bə̂d mbe nɨə tekɨ ɨnû ɨŋga əbeŋ mɨ̀Jû nyaʼa kyerɨ ənû ze nɨ mbə̀ nyaʼə ghɨ̀ə̀.

Ikan feg

¹⁷ Ane, ìmbum məfi fɔrɔ ìtum njàbi, mə kyèri gha, anug ze ne mbə̰ tì ìmbən itog bəd ya ghi igun Yeso ya mbə̀ ya ghi kwàʼ abəŋ.

Ɨ̀fàʼì 3:17 교차 참조

Lk 23:13

Pailèt nyaʼa tɔŋ bə̂d kyeŋ mbe rɨ ə mbàn Ŋwìə̀, tɔŋ mə̀tùmbɨ̀ əbeŋ bə̀ tɔŋ bə̂d mɨjìm,

Lk 23:34

Yeso nyaʼa ghà ni, “Mɨ Mbǎʼ, waʼ ɨnû rɨbɔ̀ŋ mɨ̀mə̌d, ɨmbə̀ʼ ɨghəm nɨ chəi mbɨ kyerɨ ənû ze nɨ mbɨə ghɨ̀ə̀.” Mɨ̀sɔgyɨ̀ mbe nyaʼa sɔ̀ŋ mbaŋ ɨmbə̀ʼ ghàpɨ̀ ngywɨ̌ rɨ məd.

Jn 15:21

Bə̂d rɨŋga ɨsɨg bɨrɨ ghɨ ɨnû mbɔ̂ jìm ənɨ ə nən ɨmbə̀ʼ ɨghəm nɨ mbə̀ yeʼ mbɨ bə̂d, ɨmbə̀ʼ ɨghəm nɨ chəi mbɨ kyerɨ məd we nɨ nyaʼa tom əmɨ.

Jn 16:3

Mbɨ bɨrɨ ghɨ ɨnû mbɔ̂ ənɨ ə nən ɨmbə̀ʼ ɨghəm nɨ chəi mbɨ kyerɨ ə Mbǎʼ kɨ bè kyerɨ əmɨ.

Jn 7:52

Mbɨ nyaʼa wììrɨ̀ ɨ bɔ ni, “Àwɔ̀ wa kɨ rɨ ə Galiliî bə ə? Jeŋgɨ neŋ ɨŋga Ə̀ŋwàʼnɨ̀ ə Ŋwiə̀, əne à bɨrɨ zə ni chəi wə̀d ɨ̀kə̀n Ŋwìə̀ mɔʼɔ bɨrɨ jwɨ rɨ ə Galiliî.”

Ɨ̀fàʼì 13:27

Bə̂d mbe nɨə chub ə Jèrusalèm mbɨ mbe nɨə tùmbɨ̀ə̀ mɨ̀mə̌d nyaʼa ghɨ̀ ni ɨnû mbɔ̂ jwɨ ənɨ rəsìʼ ɨchî nɨ mbɨ nyaʼa sob ni mbɨ zwiirɨ əməd. Mbɨ nyaʼa ghɨ əne, ɨmbə̀ʼ ɨghəm nɨ chəi mbɨ nyaʼa kyerɨ ni Yeso yɨə wə̀d we nɨ Ŋwìə̀ zɔʼɔ, kɨ̀ be kyerɨ mɨŋgam bə̂d ɨ̀kə̀n Ŋwiə̀ mbe nɨ mbɨə foŋ ɨni ɨkwɨ mɨ̀Jû jìm.

Ɨ̀fàʼì 22:5

Ətu ɨgwɨ ə bə̂d mbàn Ŋwìə̀ mbɨ mə̀saʼ əbeŋ mɨjìm mbe tɨ mbɨ ben ni ənû zɔ̂ nɨ mɨə ghà ɨ nən yɨ ənû rəsìʼ. Mə nyaʼa nɨŋ ɨ̀ŋwàʼnɨ̀ rɨ əmbɨ mɨ̀mə̌d ɨ wò nàʼ əmbɨ mɨ̀Jû mbe nɨ nyaʼa ə Dàmaskɔ̀s. Əne mə nyaʼa wò əŋgu ɨmbə̀ʼ gywɨ bə̂d Kristo, kod nɨŋ yeʼe ə Jèrusalèm ɨmbə̀ʼ mbɨ chə mɨ̀mə̌d.

Ɨ̀fàʼì 26:9

“Mə nyaʼa kàŋ kɔndɨ ni mə we tɨ̀ mə ghɨ̀ ɨnû nɔnɔʼ nɨ chəkɨ ɨkum Yeso we rɨ ə Nazàret.

Ɨ̀fàʼì 28:21

Mbɨ nyaʼa wììrɨ̀ ni, “Chəi tɨ̀ zə ɨ̀ŋwàʼnɨ̀ rɨ ə Jùdeyà ɨmbə̀ʼ əwe. Chəi mba bɔŋgɔb mbe nɨ yeʼe rəŋgu bə̀ putɨ ənû ə mɔʼɔ ɨ na ɨmbə̀ʼ əwe, kɨ̀ bè ghà ənû rɨbɔ̀ŋ ə mɔʼɔ ɨmbə̀ʼ əwe.

Ɨ̀fàʼì 7:40

Əne mbɨ nyaʼa ghà əmbɨ Eròn ni, 'Tekɨ mɨ̀ŋwìə̀ ɨ na nɨ bɨrɨ chè ɨmbì ɨ na chà əwa. À yeʼ ɨmbə̀ʼ Mose we nɨ kəʼ chɨ̀ əwa rɨ ə Ijìpt, chəi tɨ̀ kyerɨ ənû ze nɨ fə ghɨ ənɨ məd.'

Rm 11:2

Chəi Ŋwìə̀ kɨrɨ ton mbi bə̂d mbe nɨ wɨ̀ nyaʼa be chɔʼ. Chəi mbə̀ kyerɨ ənû ze nɨ Ə̀ŋwàʼnɨ̀ ə Ŋwiə̀ ə gha ɨmbə̀ʼ Èlaijà, ɨchî nɨ wɨ̀ nyaʼa gha əmbɨ ə Ŋwiə̀ ɨmbə̀ʼ ənû ze nɨ mɨ̀Izre nyaʼa ghɨ̀ ə?

1 Kɔrèn 2:8

Chəi wə̀d mɔʼɔ rəbɔʼ mbe nɨə tùmbɨ̀ ɨsɨg wɔ̂ nyaʼa kyerɨ ənû zɔ̂. À kɨ nɨ mbɨ nyaʼa kyerɨ, njɨ chəi mbɨ nyaʼa kombɨ Ə̀nùŋɨ̀sɨg we nɨ mbɨə naʼ ɨwumnɨ ɨ bɔ.

2 Kɔrèn 3:14

Àyɨə fîŋ tɨ mɨ̀mə̌d nyaʼa tu. Ɨ pe rəchɔ̀ŋ, mbɨ mɨ foŋ ə̀ŋwàʼnɨ̀ fɨso ənun, ngywɨ̌ ze zɨə kɨrɨ kənə fîŋ tɨ mɨ̀mə̌d. Àmei ɨmbə̀ʼ ɨchî nɨ bə̂d yeʼ ənɨ ɨfɔtɨ mbɨ Kristo nɨ tɨ̀ mbɨ chɨ̀ ngywɨ̌ ze.

Efesùs 4:18

Ɨ mbɨə kɨrɨ ɨŋga ɨzimɨ. Chəi mbɨ berɨ ənû ə mɔʼɔ ɨŋga ɨ̀tènɨ̀ we nɨ Ŋwìə̀ ə nàʼə̀, ɨmbə̀ʼ ɨghəm nɨ chəi ɨtu fîŋ mɨ̀mə̌d ben mbɨ kyerɨ ənû.

Fìlipì 1:22

Mə mɨ chɔʼ nɨ chub ɨkǎ, mə bɨrɨ wò ɨmbì ghɨ̀ ɨnû cherə nɨ kaanɨ. Àyɨə əbà ze nɨ mə bɨrɨ chɔʼ, chəi mə kɨrɨ kyerɨ.

1 Timotì 1:13

Ka à bè yeʼi ni mə wɨə nyaʼə ghà ɨnû rɨbɔ̀ŋ ɨgwɨ məd, nwèndɨ̀ə̀ tɨkyerɨ-ɨwu bə̂d mbe nɨ nyaʼə beenɨ əbɔʼ məd bə̀ zɔ̀m əməd, àyɨə wɨ̀ nyaʼa dììrɨ̀ əmɨ ɨmbə̀ʼ ɨghəm nɨ chəi mə nyaʼa kyerɨ ənû ze nɨ mə nyaʼə ghɨ̀ə̀. Wɨ̀ nyaʼa bə̀ dììrɨ̀ əmɨ ɨmbə̀ʼ ɨchî nɨ chəi mə̀ nyaʼa bə kɨrɨ ben əməd.