Ɨ̀fàʼì 28:7 - Meta’

⁷ Mbaŋə̀ ze nɨ nyaʼə tùmbɨ̀ əkəm əsɨ ze, nɨ ɨkum məd nyaʼə Pobliùs, nyaʼa berɨ mbeŋ ɨban əsɨ ze. Wɨ̀ nyaʼa nɨŋ əwa əkwɨ ni nəŋgɨ əwa ɨni tad.

Ikan feg

⁷ Wə̀d we ne yaya tùmbə̀ Maltà, ne ikum məd ya Poblìyùs, ya bèrì mben iban asiŋi ze. Ane, wì ya niŋ awa ibo achan, nə̀ngi awa ane ineg itad.

Ɨ̀fàʼì 28:7 교차 참조

Ɨ̀fàʼì 13:7

Ba-Yeso we yɨə nyaʼə sə̀ʼ gɔmnà we nɨ mbɨ nyaʼə tɔŋ ənɨ Sejiùs Paulùs. Gɔmnà we yɨə nɨ nyaʼə wə̀d ɨwe. Wɨ̀ nyaʼa tɔŋ ə Banabàs mbɨ Sɔ̂l ni mbɨ yeʼe əsɨ ni ɨmbə̀ʼ ɨghəm nɨ ɨ wɨ̀ nyaʼə kə̀bə̀ ni mbɨ gha ɨŋgam Ŋwiə̀ ɨ ni.

Ɨ̀fàʼì 18:12

Ənɨ Galiò nyaʼə gɔmnà əbà əbeŋ ze rɨ ə Àkàiyà, mɨ̀Jû mɔʼɔ rɨ əsɨ ze nyaʼa fɔtɨ wò gywɨ̀ ə Pɔ̂l nɨŋ wò ə nəb ɨsaʼi.

Ɨ̀fàʼì 23:24

Mbə̀ bə tekɨ ngyi rɨ mɔʼɔ nɨ Pɔ̂l bɨrɨ kɔʼ ɨgun. Mbə̀ nəŋgɨ əməd kwàʼ ɨchî chɔ̀m wò nàʼ əmbɨ gɔmnà Felìz.”

Ɨ̀fàʼì 28:2

Bə̂d əbeŋ ze nyaʼa ghɨ̀ ɨkwɨ chɔ̀m mɔʼɔ ənɨ ə na nɨ chəi tɨ̀ kweʼ zə. Mbɨ nyaʼa nɨŋ mbà mɨjìm kwàʼ ɨchî chɔ̀m. Mbɨ nyaʼa bə̀ nepɨ ɨwid ɨ na ɨmbə̀ʼ ɨghəm nɨ mbə̀ŋ zɨə nyaʼə nɔə, ɨfə bə̀ kɔə.

Ɨ̀fàʼì 28:6

Bə̂d mbe nyaʼa wòm ɨ zə ni wɨ̀ bɨrɨ mòd kɨ̀ ni wɨ̀ bɨrɨ saʼ gu ə si kwɨ. Àyɨə ənɨ mbɨ nyaʼa wom əgha ə se, mbɨ nyaʼa zə ni chəi ənû ə mɔʼɔ ə nyaʼa ghɨ əməd, mbɨ nyaʼa bèŋ tə fîŋ ghà ni məd yɨə ŋwìə̀ mɔʼɔ.

Ɨ̀fàʼì 28:8

Mbǎʼ Pobliùs wɨə nyaʼa ɨgun əbàʼ mbɨ ɨfə fɔrɨ nu. Pɔ̂l nyaʼa wò nèŋgɨ̀ əməd, pè kɔ̀ŋgɨ̀ ə Ŋwiə̀, zab mbi ɨbɔ ɨgwɨ məd, vɨ̀ əməd.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

Mə̀Hibrù 13:2

Tɨ mbə̀ waʼ ə ənû nɨ nɨŋ bə̂d rɨ̀sɔ̀ʼɔ̀ əkwɨ nən, ɨmbə̀ʼ ɨghəm nɨ bə̂d mɔʼɔ nyaʼa ghɨ̀ əne nɨŋ mbɨ̀aŋgɨrə̀ əkwɨ nən zɨ rɨ kyerɨ.