Ɨ̀fàʼì 28:23 - Meta’

²³ Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Ikan feg

²³ Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 28:23 교차 참조

Mk 4:34

Chəi wɨ̀ nyaʼa gha ənû ə mɔʼɔ əmbɨ ə bə̂d nɨ chəi wɨ̀ zɨ ənû ə mɨgɨ əbɔʼ. Àyɨə ənɨ wɨ̀ nyaʼa chub i tə̀zìʼ wi mbɨ mbi mə̀mə̀ə̀nɨ̀-ɨnû, wɨ̀ nyaʼa tòʼrɨ̀ ɨnû jìm əmbɨ mɨ̀mə̌d.

Lk 16:28

ɨmbə̀ʼ ɨghəm nɨ mə berɨ bɔŋgɔb mɨ̀tân. Wɨ̀ wo patɨ mɨ̀mə̌d, njɨ mbɨ bɨrɨ bɨ yeʼe ɨŋga əsɨ ə ŋgəʼ zɔ̂.'

Lk 24:44

Wɨ̀ nyaʼa ghɨ̀ əne ghà əmbɨ mɨ̀mə̌d ni, “Mbɔ̂ yɨ ɨnû mbe nɨ mə̀ nyaʼə ghà ɨ nən ənɨ mə nyaʼa kɨrɨ mbɨ nən. Mə nyaʼa ghà ni ɨnû jìm mbe nɨ mbɨ ŋwàʼnɨ̀ ɨmbə̀ʼ əmɨ ɨŋga tɨkə rɨ Mose, ɨŋga ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ bə̀ fɔrɨ ɨŋga mɨ̀Sâm berɨ jwɨ ənɨ rəsìʼ.”

Jn 4:34

Àyɨə Yeso nyaʼa ghà əmbɨ mɨ̀mə̌d ni, “Mɨ əghɨjɨg yɨ nɨ ghɨ ɨnû mbe nɨ wə̀d we nɨ tom əmɨ kə̀bɨ, bə̀ fɔrɨ nɨ maanɨ ɨnû mbe nɨ wɨ̀ nyaʼa naʼ ɨ num.

Ɨ̀fàʼì 1:3

Ənɨ wɨ̀ nyaʼa fə zə ŋgəʼ, kwɨ, wɨrɨ zwemə, wɨ̀ nyaʼa chwi i ɨnyod əmbɨ mɨ̀mə̌d ənɨ ɨnweenɨ nɔnɔʼ ɨmbə̀ʼ mbɨ kyerɨ ni tə wɨ ɨkǎ. Ɨ wɨə nyaʼə jwɨ̀ ɨfě mɨ̀mə̌d ɨŋga ɨni ɨwum kwè. Wɨ̀ nyaʼa mɨ jwɨ̀, wɨ̀ ghà əmbɨ mɨ̀mə̌d ɨmbə̀ʼ ənû ɨfɔ̀n ə Ŋwiə̀.

Ɨ̀fàʼì 18:28

Wɨ̀ nyaʼa ton ɨnû mbe nɨ mɨ̀Jû nyaʼə ghà ɨfě bə̂d, əne baŋ mɨ̀mə̌d ɨchî nɨ wɨ̀ nyaʼə chwi rɨŋga Ə̀ŋwàʼnɨ̀ ə Ŋwiə̀ ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 18:4

Ɨ wɨə nyaʼə tàŋə̀ mbɨ mɨ̀Jû ɨŋga nəb ə̀kàtɨ̀ ɨni ɨkwɨ jìm. Əne wɨ̀ nyaʼa fi ɨtu mɨ̀Jû bə̀ fi ɨtu bə̂d mbe nɨ kaʼi mɨ̀Jû ɨmbə̀ʼ mbɨ ben ə Kristo.

Ɨ̀fàʼì 19:8

Pɔ̂l nyaʼa wò nyɨ ɨŋga nəb ə̀kàtɨ̀. Ɨ wɨə nyaʼə ghàmə̀ əŋgu əmɨg ətad ənɨ ə fîŋ nɨ kǎ. Ɨ wɨə nyaʼə bə̀ tàŋə̀ mbɨ ə bə̂d mbe nɨ nyaʼa əŋgu. Ɨ wɨə nyaʼə bə̀ kə̀bə̀ ni mbɨ kyerɨ ni ənû ɨfɔ̀n ə Ŋwiə̀ yɨ ənû rəsìʼ.

Ɨ̀fàʼì 23:11

À nyaʼa ɨzimɨ we, Ə̀nùŋɨ̀sɨg nyaʼa təm ɨban ə Pɔ̂l ghà ni, “Yim fîŋ! Ɨchî nɨ à fə gha ənû ɨmbə̀ʼ əmɨ ə Jèrusalèm, à berɨ bɨ gha ə Rom.”

Ɨ̀fàʼì 24:14

Àyɨə mə ben ɨ ne ni mə wɨə wumnɨ ə Ŋwìə̀ mba mɨ̀mbǎʼ rəŋwe ɨchî nɨ mɨə beenɨ əbɔʼ Ɨnə̂njɨ̀ we nɨ Kristo nyaʼa chwiə, nɨ mɨ̀mə̌d ə tɔŋə ni à yɨ ɨfɔtɨ mɨghab. Mə bə̀ ben ɨnû jìm mbe nɨ Mose nyaʼa ŋwàʼnɨ̀ ɨŋga ə̀ŋwàʼnɨ̀ ə rɨkə bə̀ ben mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀.

Ɨ̀fàʼì 26:6

Mə təm əgha rɨ̀nîn ni mbɨ saʼ əmɨ ɨmbə̀ʼ ɨghəm nɨ mə̀ nuŋ ɨkɔndɨ wòm ənû ze nɨ Ŋwiə̀ nyaʼa kaʼ əmbɨ mba mɨ̀mbǎʼ rəŋwe.

Ɨ̀fàʼì 28:31

Ɨ wɨə nyaʼə ghà ɨmbə̀ʼ ənû ɨfɔ̀n ə Ŋwiə̀, bə̀ chwi ɨnû ɨmbə̀ʼ Ə̀nùŋɨ̀sɨg Yeso Kristo əsaŋ əsaŋ mbɨ ə fîŋ nɨ kǎ. Chəi wə̀d mɔʼɔ nyaʼa kən əməd.

Ɨ̀fàʼì 8:35

Filip nyaʼa kɔ mbɨ əsɨ ə̀ŋwàʼnɨ̀ zɔ̂, ghà ɨkə̂n chɔ̀m ɨmbə̀ʼ ə Yeso ɨ bɔ.

Filemɔ̀n 1:2

Tɨ̀ wɨə bə̀ ŋwàʼnɨ̀ ɨ ne, àwɔ̀ Afìà, nɨ yeʼ a njàbɨ. Tɨ̀ wɨə bə̀ ŋwàʼnɨ̀ ɨ ne, àwɔ̀ Akipùs, nɨ yeʼ ə sɔgyɨ̀ Kristo ɨghabɨ ə mbǎ. Tɨ̀ wɨə bə̀ ŋwàʼnɨ̀ əmbɨ ə bə̂d mɨ̀jìm mbe nɨ yeʼ ɨŋga ɨfetɨ bə̂d Kristo we nɨə nyɨ ɨŋga e nəb.

Filemɔ̀n 1:22

Ənû ə cherə yɨ ni, tekɨ ətu ə nəb ə bə̂d rɨ̀sɔ̀ʼɔ̀ ɨ num, ɨmbə̀ʼ ɨghəm nɨ mə wɨə wòmə̀ ni ənjìm ə̀kɔ̀ŋgɨ̀ ze nɨ mbə̀ə kɔ̀ŋgɨ̀ə̀, Ŋwiə̀ we tɨ wɨ̀ wɨrɨ nàʼ əmɨ ɨ nən.